Star in the dark ⭐ [Complete ✅]

Ch39: នឹកគេពេក

នៅក្នុងបន្ទប់ប្រជុំបែបសម្ងាត់សម្រាប់តែកងកម្លាំងពិសេសក្នុងបន្ទាយខាងកើត ឃើញមានមនុស្សប្រាំនាក់កំពុងតែពិភាក្សា វែកញែកពីគម្រោងការពួកគេបន្ទាប់ដើម្បីចាំមេខ្លោងពួកភេវរករ ដោយមានជុងហ្គុកជាអ្នកចាត់ចែងដោយផ្ទាល់។

"គ្រប់បន្ទាយតាមជាយដែនទាំងអស់ដូចជាស្ងប់ស្ងាត់ពេកហើយ ពួកយើងត្រូវតែធ្វើសកម្មភាពអ្វីម្យ៉ាង"
"ចុះមេក្រុមគិតយ៉ាងម៉េច?"
ជេយ៉ុន សួរទៅកាន់ជុងហ្គុកដោយយល់ថាការស្ងប់ស្ងាត់នេះជាសញ្ញាមិនល្អដូចគ្នា យ៉ាងណាពួកគេត្រូវធ្វើអ្វីម្យ៉ាងហើយ។

"លីលី យើងត្រូវការឧបករណ៍ទាក់ទងល្អជាងនេះដែលអាចភ្ជាប់ទៅលោកមេបញ្ជាការ ឬថ្នាក់លើណាម្នាក់ដែលអាចជឿទុកចិត្តបានដោយផ្ទាល់។ យើងមិនអាចអង្គុយចាំឱ្យពួកវាចេញមកបង្កចលាចលទេ យើងត្រូវតែចាប់មេខ្លោងវាមុនឲ្យបាន"
"និយាយបែបនេះ ចង់មានន័យថា..."
"ក្នុងជួរកងទ័ពរបស់យើងអាចនឹងមានជនបង្កប់"
លីសា និយាយមិនទាន់អស់ផង អ៊ុនវូក៏បន្ទរត្បិតថាចំណុចនេះ នាយក៏សង្ស័យដូចគ្នា ប៉ុន្តែពេលនេះគ្មានភស្តុតាងអីទៅចោទប្រកាន់នរណាទេ។

"អ៊ីចឹងតាស! បានជាពួកវាលឹបក្បាល មិនបញ្ចេញសកម្មភាពសោះ។"
មីនឃ្យូ ក្ដៅឆេវពេលនឹកឃើញដល់រឿងដែលខ្លួនបានរៀបចំអន្ទាក់ជាច្រើន ក្រោយពេលត្រឡប់មកធ្វើការវិញ តែពេលនេះគ្មានកណ្ដុរណាចេញមកជាប់អង្គប់សោះ។

"ពួកយើងផ្អាកសកម្មភាពខាងក្រៅសិន ហើយធ្វើការដោយស្ងាត់ៗមិនចាំបាច់រាយការណ៍ទៅខាងណាទាំងអស់ បើមានរឿងអីខ្ញុំទទួលខុសត្រូវ"
"បាទ/ចាស មេក្រុម"
កុំគិតថានៅស្ងៀមៗ នាយចាប់ពួកវាមិនបានឲ្យសោះ។ ទោះបីជាគេច លាក់ខ្លួនដល់ទីណាក៏នាយតាមទៅបំផ្លិចបំផ្លាញឲ្យបានដែរ។
...
ក្រលេកមកមើលសកម្មភាពសិល្បៈរបស់តារាតូចថេយ៉ុង គីម៉ូរ៉ាវិញគឺពេលនេះកាន់តែឡើងកូដខ្លាំង ក្រោយនាយទម្លាក់អាល់ប៊ុមថ្មីរបស់នាយ ជាអ្វីដែលហ្វេនគ្រប់គ្នាទន្ទឹងរង់ចាំ ព្រោះបទភាគច្រើន ថេយ៍វីជាអ្នកនិពន្ធទំនុកច្រៀងដោយផ្ទាល់។
ត្បិតថាបទទាំងនោះជាបទពន្យុះទឹកភ្នែកក្ដី តែមានហ្វេនជាច្រើនដែលស្រលាញ់ចូលចិត្ត ព្រោះស្នាដៃទាំងនោះកាន់តែបង្ហាញថានាយតូចជាតារាដែលមានសមត្ថភាពខ្ពស់ មិនមែនចេះតែច្រៀងមួយមុខ។