Star in the dark ⭐ [Complete ✅]

Ch27: បងសំខាន់ជាង

នៅក្នុងឡានមានសម្លេងដកដង្ហើមរបស់មនុស្សពីរនាក់ ដោយគ្មាននរណាទាន់លើករឿងអ្វីមកនិយាយឡើយ។ វាធម្មតាទៅហើយដែលនៅជាមួយមនុស្សប្រុសដូចជាគេ បើនាយតូចមិននិយាយ គេក៏មិននិយាយដូចគ្នា។

"អឺ... អ្នកដែលដើរតាមខ្ញុំនៅក្នុងផ្សារជាបងមែនទេ?"
ថេយ៉ុង សម្លឹងមើលគេតាំងពីក្បាលដល់ចុងជើង គេតែងខ្លួនសម្ងាត់ជាងតារាដូចជានាយទៅទៀត។ មួយតួខ្លួនសុទ្ធតែពណ៌ខ្មៅ ហើយសូម្បីជើងសក់ក៏បិទបាំងមិនឲ្យឃើញដែរ។

"បងគ្រាន់តែមកមើលអូនពីចម្ងាយប៉ុណ្ណោះ តែមានមនុស្សតាមថតអូនពិតមែន"
នាយសង្ហាដោះមួកនិងម៉ាសខ្លួនបោះទៅម្ខាង មុននឹងទាញយកមែម៉ូរីកាតកាំមេរ៉ា ចេញមកហុចទៅឲ្យថេយ៍។

បើនាយគ្មានរឿងអី គេប្រាកដជាមិនបង្ហាញខ្លួនទេមើលទៅ!

"បងធ្វើអីគេឬ?"
"បន្តិចបន្តួច"
"អូនសួរនេះ ព្រោះបារម្ភពីបង"
តាមពិត នាយមិនបានធ្វើអីច្រើនគេ គ្រាន់តែអូសគេទៅច្រកទ្វារតាមជណ្តើរជើង និងឲ្យគេដេកនៅត្រង់នោះមួយភ្លែតប៉ុណ្ណោះ។

"មិនចាំបាច់ទេ អូនទេដែលបងត្រូវបារម្ភនោះ"
"បារម្ភ តែក៏មិនទាក់ទងមក"
"ពេលនេះ បងក៏មករកអូនហើយតាស"
"មករកអូនពេលនេះ អូនដឹងបងមានបំណងអី?"
"..."
"បងចង់ទៅចោលអូនទៀតហើយមែនទេ?"
ថេយ៉ុង ឱនមុខជ្រប់ ច្របាច់ម្រាមដៃចូលគ្នាពេលឃើញគេមិនហាស្ដី។ ពាក្យទាំងប៉ុន្មាននាយគ្រាន់តែនិយាយលោលេងនឹងគេប៉ុណ្ណោះ មិនស្មានថាគេប្រែជាស្ងាត់ វាប្រហែលអាចជាការពិត។

"អូនចង់ទៅណា បងនឹងនាំអូនទៅ បងមានពេលមួយព្រឹកនេះប៉ុណ្ណោះ"
ស្មាតនែនាយមិនឈឺរឺ ពេលដែលដឹងថាត្រូវចាកចេញពីគេ? តែពេលនេះ គ្មានជម្រើសផ្សេងទៀតទេ។

"មួយព្រឹកនេះ ជារបស់អូនមែនទេ?"
"មែន បងនឹងព្យាយាមតាមចិត្ដអូនគ្រប់យ៉ាង"
"អ៊ីចឹង អូនចង់ទៅកន្លែងមួយជាមួយបង"

កន្លែងដែលនាយតូចចង់ទៅ វានៅមិនឆ្ងាយប៉ុន្មានទេពីក្នុងក្រុង ព្រោះតែវាជាហាងអាហារធំល្មមមួយដែលនាយតូចតែងតែមកញ៉ាំ រឺកម្មង់អាហារពីទីនេះជាប្រចាំ។