အမျိုးသားဧကရီတစ်ပါး၏နေ့စဉ်မှတ်တမ်း

EPISODE (19)

Unicode
ပထမဆုံးအကြိမ် အခက်တွေ့ခြင်း

ဟန်တျာသည် ယနေ့တွင်သာမန်နေ့များကဲ့သို့ပင် ပုံမှန်ဖြစ်စွာ အိပ်ယာမှထ၍ မင်းသားလေးအား ကိုယ်လက်သန့်စင်ပေးကာ မနက်ခင်စားတော်ပွဲကိုကိုယ်တိုင်ကျွေးပြီး အထိန်းတော်ကြီးဦးမာဂနှင့် ဂိမာန၏လက်ထဲသို့ထည့်ပေးလိုက်သည်။

ဧကရီ၏ကောင်းမွန်စွာပြုစုပျိုးထောင်မှုကြောင့် ယခင်ကပိန်လှီကာဖျော့တော့နေခဲ့သော မင်းသားလေးသည်အတော်ပင် ပြည့်ဖြိုးလာပြီး မြင်ရသူတိုင်း ကိုက်ချင်စရာဂျယ်လီတုံးကြီးကဲ့သို့ဖြစ်နေတော့သည်။

ဟန်တျာသည် မိမိ၏ဥယျာဉ်အတွင်းရှိနန်းဆောင်အတွင်းရှိသလွန်ပေါ်တွင်စံမြန်းကာ အနောက်ဆောင်၀န်ကြီးနှင့် မိဖုရားများလစာတော်ကိစ္စများနှင့်အထည်အလိပ်များစီမံခန့်ခွဲမှုကိစ္စများကိုဆွေးနွေးကာ တစ်ချက်တစ်ချက်တွင်လည်း ဆော့ကစားလျက်ရှိသော မင်းသားလေးအားကြည့်လိုက်သေးသည်။

မင်းသားလေးသည် ပြေးရင်းပြေးရင်းနှင့်ကန်ဘောင်အစပ်သို့ရောက်သွားပြီး ကန်ဘောင်ထဲသို့ရောက်ခါနီးတွင် ပြုတ်ကျမလိုဖြစ်သွားသည်။ထိုအခါ ဟန်တျာကမျက်မှောင်ကြုံ့လိုက်ရာ ဂိမာနသည် လေကဲ့သို့အဟုန်ဖြင့် မင်းသားလေးအားကိုက်ချီကာ မြေပေါ်သို့ချပေးလိုက်သည်။

"ခစ်..ခစ်..ခစ်."

မင်းသားလေးမှာ ၎င်းနှင့်ဆော့ကစားပေးသည်ဟုထင်မှတ်ကာ ပျော်ရွှင်စွာရယ်မြူးနေလျက်ပင်။

ဂိမာနသည် တစ်ယောက်တည်းမကျေမနပ်ဖြစ်နေတော့သည်။မည်သူမျှမသိသော်လည်းဧကရီ၏စိတ်စွမ်းအားများမိမိဆီသို့ပုံကျလျက်အတင်းဖိအားပေးခံရကာ မသက်မသာဖြစ်နေတော့သည်။

"ဟမ့် ထစ်ခနဲဆို ငါ့ကိုဘဲ လာလာ ခြိမ်းခြောက်နေတယ်၊အလကားသခင်!။"

ဟန်တျာမှာမူ မည်သို့မျှမပြောဘဲ အမတ်ကြီးနှင့်ဆက်လက်၍ဆွေးနွေးလျက်ပင်။

"ဧကရီရဲ့ထက်မြက်တဲ့အကြံများကြောင့် ကျွန်တော်မျိုး အများကြီး စိတ်ပေါ့ပါးသွားပါပြီဘုရား။ဧကရီကိုကျေးဇူးတင်ပါတယ်ဘုရား။"