Unicode
"ကိုယ်တော့်ကိုကြည့်ခွင့်ပေးပါဦး။ဒီဗိုက်သားချပ်ချပ်ကလေးရဲ့အောက်မှာ ကိုယ်တော့်ရဲ့သွေးသားလေးတွေရှိနေတယ်ပေါ့လေ"
ဆက္ကနန္ဒတစ်ယောက် ကုတင်ပေါ်တွင်ထိုင်နေသောဟန်တျာ၏ရှေ့တွင် ဒူးထောက်ချလိုက်ပြီး ဟန်တျာ၏ဗိုက်သားဖြူဖြူဖွေးဖွေးလေးအား သူ၏လက်ဖြင့်ပွတ်သပ်ကာ ပြောလိုက်သည်။
"ကိုယ်တော်တော့ သားတော်လေးတွေကိုအခုပဲမြင်ချင်လှပြီကွာ"
ဆက္ကနန္ဒတစ်ယောက် ဟန်တျာ၏ဗိုက်သားလေးပေါ်တွင် မျက်နှာလေးဖွဖွအပ်ကာ မချင့်မရဲဖြစ်စွာပြောလိုက်ရာ ဟန်တျာမှာ ခွီခနဲရယ်လိုက်တော့သည်။
"မင်းလေးကဘာလို့ရယ်တာလဲ။ဘာလဲ ကိုယ်တော့်ကိုလှောင်တာလား"
"အရှင်က ကလေးဆန်လိုက်တာ။အရှင့်ရဲ့သားတော်တွေကဖြင့် အခု အချိန်ဆိုပိစိလေးတွေတောင် ဖြစ်ဦးမှာမဟုတ်သေးဘူး"
"ဒါဖြင့် ဘယ်တော့ထွက်လာမှာလဲ"
ဆက္ကနန္ဒ ဟန်တျာ၏လက်နှစ်ဖက်ကိုဆုပ်ကိုင်ကာအနမ်းပေးပြီးမေးလိုက်တော့
"တစ်နှစ်လောက်လား....နှစ် နှစ်လောက်လား?"
"ဟင်"
ဟန်တျာက စဉ်းစားဟန်လုပ်ကာ စနောက်လိုက်တော့ ဧကရာဇ်ကြီးခမျာ မျက်လုံးပြူးသွားတော့သည်။
"အခုက တစ်လကျော်ပဲရှိဦးမယ်။မိုးနတ်မင်းကြီးအပေါ်မူတည်တယ်။သူပေးတဲ့အချိန် အရှင့်ရဲ့သားတော်တွေကပေါ်ထွက်လာရမှာပဲ"
"ဒါဆိုရင်တော့ ကိုယ်တော်တော့ မိုးနတ်မင်းကြီးကို ခပ်မြန်မြန်လေးကောင်းချီးပေးဖို့ တိုက်တွန်းရတော့မှာပဲ"
"အရှင်က သိပ်ကလေးဆန်တာပဲ"
နှစ်ယောက်သားပြိုင်တူပင်ရယ်မိကြပြီး ရုတ်တရက် အကြည့်ချင်းဆုံမိကြ၏။
ထိုအကြည့်များမှတစ်ဆင့် ဆက္ကနန္ဒ၏အကြည့်တို့သည် ရီဝေလာပြီး ဆွဲဆောင်မှုရှိသော နှုတ်ခမ်းအစုံတို့သည် အဓိပ္ပာယ်ပြည့်၀သောအပြုံးတစ်ခုကိုလှစ်ဟလျက်ရှိသည်။
"ကိုယ်တော် ကြားဖူးတာတော့ ကိုယ်၀န်လနုရင် တောင်တက် တောင်ဆင်းကိစ္စတွေဟာအဆင်ပြေသေးတယ်တဲ့"
YOU ARE READING
အမျိုးသားဧကရီတစ်ပါး၏နေ့စဉ်မှတ်တမ်း
Historical FictionWhat's going on with the Savage Male Empress Hantra! MAHARVERSE SEASON 1|| START DATE- September 8 2022 END DATE - June 23 2023
