Unicode
ပုံစံအမှန်ကပေါ်လာခဲ့ပြီလား။
သက္ကအန္တလာပြည်၊ဧကရာဇ်နန်းဆောင်တွင်ဖြစ်သည်။
မယ်အိနှင့်မယ်ဖြူတို့၏ကြီးကြပ်မှုဖြင့်လုံခြုံရေးကိုအထူးကြီးကြပ်ထားပြီးအတွင်းစည်းများလည်းအထပ်ထပ်ချထားသေးသည်။ထို့အပြင် စိတ်စွမ်းအားအဆင့်မြင့်ရဲမက်များက သတိကြီးစွာကင်းလှည့်နေသဖြင့် ခွေးတစ်ကောင်၊ကြောင်တစ်မြှီးပင် နန်းဆောင်အတွင်းသို့၀င်လို့မရပေ။
မယ်အိနှင့်မယ်ဖြူမှာ သတိမပေါ့လျော့ရဲဘဲ ဧကရီအရှင်မြတ် အမြန်ထွက်လာဖို့သာမျှော်လင့်ထားကြသည်။သို့ရာတွင် သူမတို့ သခင်မှာ တစ်ရက်ကြာသည်အထိထွက်မလာပဲနေလျက်ရှိသဖြင့် ဧကရီအရှင် တစ်ယောက် သတိထားမိရဲ့လားဟူ၍ပင်တွေးမိကြတော့သည်။
ဧကရာဇ်နန်းဆောင်၏ပတ်၀န်းကျင်သည် တိတ်ဆိတ်နေပြီး မည်သည့်နန်းတွင်းသူကိုမျှအထဲသို့၀င်ခွင့်မပြုပေ။ထို့အတူ ဧကရီ၏နန်းဆောင်တွင်လည်း အစောင့်အကြပ်များစွာက တိတ်ဆိတ်စွာ စောင့်ကြပ်လျက်ရှိသည်။
ဧကရီ၏ဥယျာဉ်တော်အတွင်း၌မူ ပထမမင်းသားလေးနှင့် ဂိမာနအပါအ၀င် စစ်သူကြီးရဲသူနှင့်စစ်သူကြီးရဲဟန်တို့ရှိနေကြပြီး အရိပ်တပ်သားများစွာကလည်း စောင့်ကြပ်လျက်ရှိသည်။
"ချောက်"
စစ်သူကြီးရဲဟန် နှင့်ရဲသူသည်လည်း အချင်းချင်းမျက်စပစ်လိုက်ကြပြီးခေါင်းညိတ်ပြလိုက်သည်။သေချာပေါက်ပင် ဂိမာနမှာ နီးကပ်လာသော အစိမ်းသက်သက်အနံ့အားသိရှိပြီးဖြစ်သဖြင့် ပထမမင်းသားလေးအားပွေ့ချီကာ
"ရှူး...ဧကရီအရှင်မြတ်ဆီသွားကြမယ်"
နှုတ်ခမ်းလေးနားလက်ညှိုးလေးဖြင့်ဖိပြလိုက်ပြီး
ဝှစ်ခနဲပျောက်ကွယ်သွားတော့သည်။
စစ်သူကြီးရဲဟန်နှင့်စစ်သူကြီးရဲသူသည်ဟန်မပျက် စောင့်နေကာ နီးကပ်လာသောရန်သူအားရင်ဆိုင်ရန် ကြိုတင်ပြင်တးဆင်နေကြသည်။
"ဝှီး"
"ရွှပ်"
မိမိတို့ဆီသို့ဦးတည်ကာပျံလာသော မီးလုံးကြီးအား စစ်သူကြီးရဲသူမှ သူ၏လက်စွဲတော်ဓားဖြင့်ပိုင်းဖြတ်ကာတားဆီးလိုက်သည်။
YOU ARE READING
အမျိုးသားဧကရီတစ်ပါး၏နေ့စဉ်မှတ်တမ်း
Historical FictionWhat's going on with the Savage Male Empress Hantra! MAHARVERSE SEASON 1|| START DATE- September 8 2022 END DATE - June 23 2023
