အမျိုးသားဧကရီတစ်ပါး၏နေ့စဉ်မှတ်တမ်း

EPISODE (41)

Unicode
မင်းတို့ခမည်းတော်ကလူဆိုး

ဟန်တျာ မင်းသမီးကြီး၏နန်းဆောင်မှအပြန်တွင်ဧကရာဇ်၏နန်းဆောင်သို့၀င်ရန်စီစဉ်လိုက်သည်။

ဧကရာဇ်၏နန်းဆောင်သည် လုံခြုံရေးတင်းကြပ်စွာချထားပြီး မဟာဧကရီမှလွဲ၍မည်သည့် သက်ရှိကိုမှ၀င်ခွင့်မပြုထားပေ။

ဟန်တျာ ဧကရာဇ်၏နန်းဆောင်ခြံ၀န်းသို့၀င်လိုက်သည်နှင့် နန်းတွင်းစစ်သည်များက ဂါရ၀ပြုလိုက်ကြပြီး တိတ်ဆိတ်စွာဖြင့် မိမိတို့၏တာ၀န်ကိုဆက်လက်ထမ်းဆောင်ကြသည်။

ဟန်တျာသည် နန်းဆောင်၏အ၀င်၀တွင်ရပ်လိုက်ကာ တားဆီးထားသည့်အကာအရံကိုစိတ်စွမ်းအားဖြင့် ချိုးဖျက်၀င်ရောက်သွားတော့သည်။ကျန်စစ်သူကြီးများနှင့် နန်းတွင်းသူများမှာ နန်းဆောင်၏အပြင်တွင်သာ ကျန်ရစ်နေခဲ့ရသည်။၎င်းတို့အနေနှင့် ဤအတားအဆီးကိုချိုးဖျက်ဖို့ရာမတတ်နိုင်ပါကြဘဲ အရှင်ဧကရီ၏ခွင့်ပြုချက်ရမှသာ၀င်ရောက်ခွင့်ရကြသည်။

မယ်အိနှင့်မယ်ဖြူတို့သည် နန်းဆောင်အတွင်းသို့ ဧကရီအရှင်မြတ်၀င်ရောက်သွားသည်နှင့် ချက်ချင်းပင် နောက်ကျောဘက်သို့လှည့်ကာ နန်းတွင်းစစ်သည်များအားလုံခြုံရေးတင်းကြပ်ရန်မှာကြားပြီးသူမတို့ကိုယ်တိုင်လည်းနန်းဆောင်၏အ၀င်၀တွင် တာ၀န်ယူကာ စောင့်ကြပ်ကြသည်။

ဟန်တျာသည် နန်းဆောင်အတွင်းသို့ဖြည်းညင်းစွာလျှောက်လှမ်းလာပြီး နန်းဆောင်၏အလယ်ရှိနဂါးကုတင်ပေါ်တွင် လဲလျောင်းနေသူကိုကြည့်လိုက်သည်။

ရုပ်ရည်ဥပဓိကတော့ တစ်ကယ့်ကို မဟာဆီမဟာ သွေးအပြည့်နဲ့ အဏီရာမျိုးဆက် ဧကရာဇ်ပီသပါပေတယ်။

ဟန်တျာ၏သွယ်လျသည့်လက်တစ်စုံသည် လဲလျောင်းနေသူ၏ပါးပြင်ပေါ်သို့ရောက်ရှိသွားချိန်တွင် သူ၏လက်ဖဝါးမှတစ်ဆင့် နူးညံ့သောခံစားမှုလေးသည် ထိုး၀င်သွားပြီး ဟန်တျာ၏နှလုံးအိမ်သို့ပင်၀င်ရောက်သွားတော့မလိုပင်။

ဟန်တျာ မိမိ၏လက်တစ်စုံကိုပြန်ရုတ်လိုက်ပြီး တည်ငြိမ်သောအသွင်ဖြင့် ဂါထာတစ်ပုဒ်ကိုရွတ်ဆိုကာ မိမိ၏လက်တစ်ဖက်ဖြင့် ကုတင်ပေါ်မှ ခန္ဓာကိုယ်အားလွှမ်းခြုံကာ ဝှေ့ယမ်းလိုက်သောအခါ ကုတင်ပေါ်ရှိခန္ဓာကိုယ်သည်ပျောက်ကွယ်သွားတော့သည်။