ជួបស្នេហ៍ក្នុងប្រតិបត្តិការ(រដូវកាលទី១)(ចប់)

ភាគ៦៦

ឈានចូលដល់វេលាព្រឹកថ្ងៃថ្មី អ្វីៗមើលទៅស្រស់ស្រាយល្អណាស់ ម្នាក់ៗភ្ញាក់ឡើងមកមានតែស្នាមញញឹមលើផ្ទៃមុខគ្រប់គ្នា ។ សូម្បីតែអ្នកដែលគេងអោបគ្នាយ៉ាងស្អិតរមួតឯណោះក៏ដូចគ្នា ។ សាន់ដ្រាបើកភ្នែកឡើងព្រមជាមួយនឹងស្នាមញញឹម ខណៈកែវភ្នែកកំពុងសម្លឹងមើលទម្រង់មុខបុរសដែលឆក់យកគ្រប់យ៉ាងពីនាងកាលពីយប់មិញនេះ ។ កាន់តែមើល គេកាន់តែសង្ហា មិនតែប៉ុណ្ណោះ គេគោរពតាមចិត្តនាងគ្រប់យ៉ាង ។ រឿងដែលនាងមិនចង់ធ្វើ គេក៏មិនបង្ខំនាង ។ ត្បិតពេលខ្លះគេរៀងច្រឡើសបើសបន្ដិច ប៉ុន្ដែគេនៅតែជាសុភាពបុរស ។ គេតែងតែឲ្យតម្លៃខ្លាំងទៅលើមនុស្សស្រី ជាពិសេសមនុស្សដែលគេស្រឡាញ់ ។ 

"សម្លឹងបងយូរទៀតទេ?"សាន់ដ្រាភ្ញាក់ពីការភ្លឹកមកវិញបន្ទាប់ពីអ្នកម្ខាងទៀតបង្ហើបសំណួរឡើង ។ មុខរបស់គេមានមន្តស្នេហ៍ខ្លាំងណាស់ពេលដែលគេស្នាមញញឹមបែបហ្នឹង ។

"Good morning! អូនសម្លាញ់..សឺត!..."ជុងហ្គុកក៏អោនថើបថ្ពាល់នាងមួយខ្សឺត ។ ថ្ងៃនេះគេមានអារម្មណ៍ថាស្រស់ស្រាយខ្លាំងមែនទែន ជាពិសេសពេលបានគេងអោបមនុស្សស្រីជាទីស្រឡាញ់ពេញមួយរាត្រី ជាមួយភាពអាក្រាតកាយបែបនេះ វាកក់ក្ដៅយ៉ាងចម្លែកតែម្ដង ។

"ងើបបានហើយ!..."សាន់ដ្រាចង់ងើបចេញបំណងទៅសម្អាតកាយ ប៉ុន្តែបែរជាត្រូវនាយកំលោះទាញនាងយកទៅអោបក្រសោបជាប់ ហាក់មិនចង់ប្រលែងទាល់តែសោះ ។

"សុំនៅបែបហ្នឹងបន្ដិចទៀតណា..."
"បើបងចង់គេងបន្តក៏គេងចុះ តែអូនអត់គេងទេជុង"
"សុំតែ១០នាទីក៏បាន! ណាៗៗ!"
"....."
"តែ១០នាទីប៉ុណ្ណោះ"
"តែ១០នាទីទេណា.."
"បាទ!"ជុងហ្គុកងក់ក្បាលទាំងទឹកមុខពព្រាយ ។ គេបន្តអោបក្រសោបកាយនាងចូលក្នុងដើមទ្រូងរបស់គេ ចំណែកឯសាន់ដ្រាក៏លែងប្រកែកអ្វីទៀត យល់ព្រមគេងឲ្យគេអោបបន្ត ។
......
វេលាឈានចូលម៉ោង៨ព្រឹក ទើបជុងហ្គុកនិងសាន់ដ្រាកាន់ដៃបណ្ដើរគ្នាចុះមកខាងក្រោម ។ ទឹកមុខម្នាក់ៗញញឹមខ្ជឹបតែម្ដង ធ្វើឱ្យមនុស្សចាស់ឯណោះញញឹមតាមពួកគេដែរ ។

"ជាម្ចាស់ផ្ទះរបៀបណាហ្ហាស? ទើបបានជាភ្ញាក់ក្រោយភ្ញៀវបែបហ្នឹង?"លោកស្រីស៊ីរ៉ានិយាយស៊កសៀតដាក់កំលោះក្រមុំដែលទើបតែចុះមក ។ គាត់និងលោកស្រីខេលលីកំពុងអង្គុយចិតផ្លែឈើខ្លះទុកក្នុងទូរ ត្រៀមសម្រាប់ទុកកម្មវិធីនៅល្ងាចនេះ ។