JEON (Completed)

Part-9

'ရေမွှေးရှိလားငှားအုံး'

'တအားတွေရှိုးထုတ်နေတာပဲ ဘယ်ကြွမလို့လဲ'

'ဟိုတစ်ပတ်ကမှကောက်တွဲလိုက်တဲ့အသစ်စက်စက်ရည်းစားလေးဆီ'

Jameမှရေမွှေးပုလင်းပစ်ပေးလိုက်တော့ အသာဖမ်းကာမွှေးကြိုင်နေအောင်‌ဆွတ်လိုက်ပြီးပြီ၊ ဆံပင်တွေကိုလဲ အကုန်လှန်တင်ထားကာ သေချာအကျအနကို ပြင်ဆင်ထားတဲ့သူ၊

မနေ့ညက ကားပြိုင်ပွဲကြောင့်နောက်ကျမှဟိုတယ်ပြန်ရောက်ကြပြီး မနက်၃နာရီလောက်မှအိပ်ခဲ့ကြပေမဲ့ JKတစ်ယောက်ကတော့မနက်၁၀နာရီမှာလန်းဆန်းလို့နေ၏။Mikeဆိုအိပ်နေတာမှ သိုးနေတာပဲ၊ Jmaeကတော့ တဒုန်းဒုန်းတဒိုင်းဒိုင်းအသံတွေကြားလို့သာနိုးလာခဲ့တာ ခုထိအိပ်ချင်နေတုန်း၊

ကိုယ်တော်ချောကလဲ ခဏလေးထလာတဲ့သူကို ဟိုဟာယူခိုင်းလိုက် ဒါယူခိုင်းလိုက်နဲ့ ခိုင်းလို့ကိုမပြီးနိုင်တော့ဘူး၊ သူမြန်မြန်လစ်မှကိုယ်လဲအေးအေးဆေးဆေးပြန်အိပ်လို့ရမှာ အဲ့ဒါကြောင့်လဲသူခိုင်းသမျှ အိပ်ချင်မူးတူးရုပ်ဖြင့်လုပ်ပေးနေရတုန်း။

'ငါလစ်ပြီ'

'ကြွကြွ'

အာရုံနောက်စရာလဲမရှိ ကားပြိုင်ပွဲလဲနိုင်ထားတာကြောင့် လူကကြည်ကြည်လင်လင်ပဲ၊ ကားသော့လေးယမ်းကာ အသစ်ဆက်ဆက်ရည်းစားလေးနဲ့ဒိတ်မယ် အဆင်မပြေရင်နောက်တစ်ယောက်ထပ်ထားမယ်၊ အဆင်ပြေရင်တော့ သုံးပတ်လောက်အပျင်းပြေတွဲလိုက်မယ် ဒီလောက်ပါပဲ။

ချိန်ထားတဲ့နေရာရောက်တော့ မလုံမခြုံနဲ့ကောင်မလေး၏ခါးကိုပိုင်နိုင်စွာဖက်ကာ ကားပေါ်ခေါ်တင်သွားသော လက်တစ်စုံသည်တက်တူးတွေဖြင့်။ပလီပလာ တီတီတာတာလေးများပြောကာ ကားလေးထဲတွင်အီနေပုံကလဲ တစ်မျိုးပါပဲ။

ဟော့ဟော့ရမ်းရမ်းတွေမို့ ငြိမ့်ငြိမ့်ညောင်းညောင်းတွေမကြိုက် beatတွေမီးရောင်စုံတွေသာကြိုက်နှစ်သက်သူတွေမို့ barသွားသောက်မည် မူးလာရင်ဟိုတယ်မှာဝိုင်လေးသောက်ပြီး တစ်ညတာကုန်ဆုံးမည် တစ်နေ့တာဒိတ်လှလှလေးရဲ့ planကဒါပါပဲ။

ထိုအစီစဉ်ကိုကြားဝင်ဖျက်တာကတော့အသံဆာဆာလေး၊ ဒိတ်လှလှလေးမှာ ပန်းလေးနဲ့ပုံရိုတ်ချင်လို့ပါဆိုပြီးပူဆာလို့ သူမောင်းခိုင်းတဲ့ပန်းဆိုင်ကိုလိုက်ပို့နေရတဲ့အဖြစ်။