نظرت لها "رحيل" بعدم فهم وقالت:
- لو أنتِ سلمى أومال مين اللي في المصحة..
ثم توقفت فجأة وطالعتها بعيون مصدومة وأردفت:
- مريم!!
نظرت لها "ليلى" بعدم فهم وقالت:
- يعني ماما فين ؟!
نظرت "رحيل" إلى "سلمى" الحقيقية بدون أن تنتبه لكلام "ليلى" وقالت:
- أنا لازم أفهم كل حاجه دلوقتي !!
نظرت "سلمى" إلى "ليلى" ثم عادت بنظرها إلى "رحيل" ففهمت الأخرى، طالعت "رحيل" الصغيرة و قالت:
- ليلى أنا عارفه إنك بنت كويسة، ممكن تفضلي هنا لحد ما أتكلم مع طنط سلمى شوية بعدين هرجعلك تاني
نظرت لها "ليلى" بدموع وقالت:
- يعني دي مش ماما صح
صمتت "رحيل" بحزن ثم قالت:
- للأسف لا يا حبيبتي بس أوعدك إني هوديكي لمامتك
- لو مش دي ماما يعني البنت التانية هي اللي ماما بس أنا لما شوفتها هي معرفتش إني ليلى إزاي
- عارفه البنت التانية هي ماما فعلاً يا ليلى دلوقتي أنا هتكلم مع طنط سلمى وهوديكي لماما
نظرت الطفلة إلى "سلمى" بدموع وقالت:
- ممكن لو تعرفي ماما فين تخليني أروح لها مره بس وهمشي مش هزعلها مني
نظرت لها بتأثر وقالت:
- حاضر
ثم تحركت "رحيل" ومعها "سلمى" ودلفوا إلى إحدى الغرف، نظرت إليها "رحيل" بترقب وانتظرت أن تتكلم ولكنها صمتت فقالت هي:
- إزاي مريم هي اللي في المصحة ؟! وليه خبيتوا السر ده عن الكل طول السنين دي حتى طنط حنان فاكره إن مريم هي اللي في كندا، ليه اللغبطه دي
قالت بحزن:
- عشان عاصي اللي كان عايز كده
ردت عليها بانفعال:
- مش من حق عاصي يعمل كده!! إزاي يفرق أم عن بنتها كل السنين إزاي يسمح لنفسه إن ليلى تكبر من غير ما تشوف أمها ولا مره مع أنها معاها في نفس البلد، حتى لما شافوا بعض معرفوش بعض !
نظرت لها "سلمى" بتفاجئ وقالت:
- هما شافوا بعض؟!
- مرة صدفة كُنا في مطعم وأنا وليلى شوفناها في الحمام، مش عارفه إزاي خرجت من المصحه وقتها لو هي اللي هناك فعلاً، إنتِ برضو مردتيش عليا ليه مريم اللي في المصحه؟!!
تنهدت "سلمى" ثم قالت:
- أنا هحكيلك كل حاجه ..
عودة إلى الماضي..
وبعد ولادة "مريم" لطفلتها "ليلى"، وخصوصاً عندما كانوا في المستشفى، كان "عاصي" يجلس بالخارج عقله لا يتوقف عن التفكير منذ أن رأى صورة هذا الخائن وهو يبحث عنه في كل مكان، ولكن لم يبقى له أي أثر، جاءت الممرضة ومعها "ليلى" على يدها ثم اقتربت من "عاصي" وقالت بابتسامة:
أنت تقرأ
رحيل العاصي
Romanceقلبي يكسوه الغضب والعصيان إتجاه كل شيء، لتلك الضحكات العالية التي تصدر منكِ، وتلك الحركات العفوية التي تفعلينها فتخربي كل شيء، ولتلك النظرة اللامعة التي تظهر بعينيكي كلما نظرت اليكِ، ولكنكِ تمكنتي من نزع هذا العاصي الذي يسكن بداخلي لتحققي ما لم استط...
