رحيل العاصي

رحيل العاصي (الخاتمة)

- صحيح نسيت أنا بكلم مين، بني آدم مستفز

ثم أغمضت عيونها لتنام، وعندما تأكد "عاصي" أنها قد أغمضت عيونها نظر إليها بابتسامه جميلة، وكانت عيونه تشع بالحب لها، ثم قال بداخله:

- بكره هعملك مفاجأة هتخلي أي زعل يتنسي، بكره هخليكي تلمسي السما بأيدك من كتر ما هتكوني مبسوطة، بكره هقولك أنا آسف بس بطريقتي..

في اليوم التالي..
استيقظت "رحيل" على صوت ضجه في غرفتها، فتحت عيونها بتعب لترى "أمينه" ومعها "حنان" يتحركون من هنا إلى هناك بسرعه وبيدهم الكثير من الأغراض، قالت بتساؤل:

- إيه اللي بيحصل هنا؟!

طالعتها "أمينه" بدهشه قائلة:
- إنتِ صحيتي! معلش مكنش قصدنا نعمل دوشه

- في إيه طيب

ابتسمت "أمينه" ثم قالت:
- أصل إحنا عندنا فرح النهاردة

ابتسمت "رحيل" ثم قالت:
- كل ده عشان هخرج النهاردة، أنتم سألتوا الدكتور الأول ينفع أصلاً

- لا مش علشانك خالص

قالتها "أمينه" بهدوء فطالعتها الأخرى بدهشه وقالت:
- اومال عشان مين ؟

- عاصي هيتجوز النهاردة

انتفضت من مكانها بفزعٍ قائلة:
- نعم!! هنتجوز إزاي يعني

- هنتجوز إيه؟ عاصي اللي هيتجوز مش إنتِ

طالعتها "رحيل" بدهشه وقالت:
- والله! وهيتجوز مين إن شاء الله

- سلمى

قالتها "حنان" بابتسامه، نظرت لها "رحيل" بعينين مصدومتين ثم قالت:
- وعاصي موافق! أنا مش فاهمه حاجه أنتم بتضحكوا إزاي أصلا، أنا وعاصي مخطوبين!

قالت "أمينه":
- مش أنتِ طردتيه امبارح، هو أخد الموضوع على كرامته أوي وفركش الخطوبة وقرر يتجوز سلمى وكلنا لازم نفرحله طبعاً

طالعتها "رحيل" بصدمه واندهشت من الهدوء التي تتكلم به، ثم أزاحت الغطاء عنها ونهضت بغضب، ولكنها تأوهت بألم بعدها فعادت مكانها واتجهت إليها "أمينه" و"حنان" بقلق، قالت "رحيل" بغضب:

- أنا عايزه عاصي خليه يجي

ووقتها دلف "عاصي" إلى الغرفة ووقف أمامها وابتسامه خفيفة على وجهه، طالعته بغضب كبير ثم نهضت من مكانها وقالت:

- اللي بيقولوه ده صح؟

- هو إيه ده؟

- أنت وسلمى هتتجوزوا؟!

أبتسم "عاصي" باستفزاز وقال:
- مش معقول حتى دي لحقتي تعرفيها، ده أنا بادئ التجهيزات