علاش حسين ماساعدش سدرة؟ اكثر سؤال تكرر من لما عرفتوا شن يملك حسين وشن عنده.. اول شي خل نشرحوا عن شخصية حسين.. للناس القاريه من البدايه.. اني وضحت تأثير عبد المطلب ع صغاره من لما كانوا صغار.. اميمه..وحسين..ويوسف.. ضعف شخصية يوسف وترددها.. المشاكل النفسيه اللي مرت بيها اميمه.. وقسوة شخصيه حسين.. حسين من لما كان صغير كان متذمر جدا من الوضع اللي عايشينه واكثر واحد كان كاره شخصية بوه مانبيش نقول كان كاره بوه.. وخدم وهو صغير مع قرايته في اكثر من حاجه بش يحصل فلوس وكان يحب يدس.. من منكم يتفكر حواره مع سدرة لما اختار يخش الكليه العسكريه متفكرين شن قال؟ كان يبي قوة وفلوس ونفود بش يعوض النقص اللي في داخله... وفعلا كبر وكبر معاه شي ماكانش حاس بيه.. الصفة اللعينه اللي عنده بوه اللي تعلمها بشكل غير مباشر.. زي مابوه خدي هالصفه من حناه اللي علماته البخل مباشرة.. والبخل درجات.. وحسين مش البخيل هلبه.. لكن يحب يصرف ع اولويات متاعه هو.. سدرة كان عابي ع غيره عارفهم حيدبروا روسهم ويطلعوا المبلغ وعندهم منين وين.. المطحن كان اخر همه لانه مايعنيه في شي بس لما طوبى ادخلت ساعد غصب عنه.. طوبى اللي تعتبر اهم حد في حياته بغض النظر عن حقيقة مشاعره اتجاهها ماكانش يقدر يبخل عليها وهو عارف ان عمها ماعنداش القدرة وقتها ان يصرف ع العلاج في المصحات...الي جانب لقطة السيارة اللي ركزت عليها... تلميحات متي ع شي حيبان بعدين.. وبعدين هو في حد خدم الخدمه اللي كان يخدم فيها حسين وبالمكانه اللي هو كان فيها ومايكونش عنده ثروة؟ الا ع المخبوط ع دماغه بس 😂 يللا يابختها اللي حتعيش فهالنعيم وحتنكتب بإسمها شقة دبي 😉
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
