طوبى ☕شارع القهوة☕

الجزء_الخامس_والتسعين

#طوبى  "جنة طوبى"
#جمان_فريد
#الجزء_الخامس_والتسعين"مراد قلبي"
☆احداث هذه الروايه معظمها واقعي وحقيقي مع اضفاء لمسة من الخيال لزيادة المتعه والتشويق..تبدا من سنة 1996..تنتهي 2022☆
🚫الـرجـــــــــــاء الـــتـــركـيــــــــز عـلـــــى الـمــــــــرور الـــزمـنــــــي و الـتــــواريـــــخ والأيــــــــام]🚫
#الأذكار
”البسُوا مِعطَف الأذكار لِيقيكم شُرور الإنس والجَان، ودثِّروا أرواحَكُم بالإستغفار لتمحي لكُم ذُنوب اللَّيل والنَّهار، وإن أصابكم ما تَكرهونه فسترضون وتتيقَّنون بأنَّه خير قدَّره لكم ربّكم لأنَّكم قد تحصَّنتُم باللّٰه.“
- ابن كثير. 🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
🍃"لا أريدُ أن أخطفُ أنظار العالم ، فأنظَارك أنت تكفي".🍃
__________________________________________
واقفات في الكوجينه يوتوا في الفطور..
مطيره وطوبى...
فردوس وغرفه وآلاء راقدات..
اما اريج مسكره ع روحها الدار وتقرأ في القرآن..
🍃فالكوجينه..
مطيره:ربي يكون في عون اميمه صيام وفي جو زي هدا تخدم..
طوبى:كله بأجره..
مطيره:ايه والله كله بأجره..
وكملوا شغلهم بصمت الا من الذكر اللي كانت شاداته طوبى..
ومطيره مرة مرة تستغفر..
شويه قالت طوبى...
/عمتي؟
مطيره؛نعم؟
طوبى بدي يحمر وجهها وهي تقول
/نحسبوا التارقي؟
مطيره بضحكه؛من غير ماتقولي..
ابتسمت طوبى بعدين قالت..
/ونادوا عبد الرؤوف ع الفطور..
سكتت مطيره..
التفتت طوبى شافتلها وقالت..
/عمتي
مطيره بضيق.
/بالله يابنتي الدنيا صيام ماتخلنيش نغلط في الدوة
سكتت طوبى وهي مضايقه..
🍃وعبد الرؤوف في هالوقت كان لاهي بالمساعدات الانسانيه اللي يوصل فيها للنازحين
زي ماكان عدي يساعد ف مكتب صدقات وزكاة في توصيل المساعدات ليهم..
تلاقوا في مكان واحد صدفه..وسلموا وسألوا عن احوال عن بعض...
🍃عدي:والله توا قاعدين في حوش اجار..
عبد الرؤوف:مش قبل ناوي تاخد حوش في الشارع؟
عدي ابتسم وقال..
/لاماكنتش ناوي الحق..وبصراحه اكثر فرحت اللي شفتك بش بنفتح معاك موضوع  خاص شويه ونستسفر منك عن بعض الامور..
عبد الرؤوف شبه فهم قصده وقال..
/موضوع شنو؟
عدي اشرله براسه ع مكان وقال...
/تعالى معاي نقعمزوا غادي قبل..
هز عبد الرؤوف راسه موافقه ومشوا مع بعض...
🍃🍃🍃🍃🍃
وعبد القيوم في هالوقت كان ف مكان عمله..الشغل في مجاله الفترة هادي كان صعب بسبب الحرب والأضرار اللي خلفتها..ومع هدا قطع شويه من وقته بش يرد ع اتصال عمته...
🍃عبد القيوم؛كل سنة وانتي طيبة شنو حالكم ؟
"الحمد لله كلنا كويسين..انت شنو حالك ووينك توا؟
ضحك وقال..
/والله حالي باهي وفي خيار خيري وقاعد نخدم والامور طيبه..
"في ضرب قريب عليك؟"
عبد القيوم؛لا والله لا
"باهي وهما توا يتحاربوا ولا موقفين!؟"
عبد القيوم:مايهديهم شي ياعمتي لارمضان لاعيد..
"ربي يحرسك ياولدي ويحفظك يارب"
ابتسم وقال..
/آمين..
"باهي شن  بدير في فطورك!؟
ضحك وقال..
/لااليوم معزوم..
"عيت الواعر عازمينك"
قال في نفسه"ياريت" وعلنا جاوبها..
/لاعيلة سوريه تعرفت عليهم من فتره..
ضحكت وقالت..
"صار بتاكل اكل شامي..يابختك"
ضحك عبد القيوم..
"كان حزت هالحرب وين نجوك غادي نبوك تعرفنا عليهم"
عبد القيوم بضحكه..
/إن شاء الله إن شاء الله..سامحيني عمتي لازم نسكر توا مشغول واجد..
"باهي ياباتي باهي...ربي ييسر امرك ويحفظك"
عبد القيوم؛آمين..السلام عليكم..
"وعليكم السلام"..
🍀وتنهي سليمه المكالمه وتتصل طول ببنتها اللي ردت عليها وهي تقول..
"مرحبا امي شخبارك اليوم"
سليمه بحماس:الاخبار عند ولد خالك..
"عبادي!..كنه"
سليمه:ننقانها طلعت رسميه حكاية السوريه..
"كيف!!؟"
سليمه بضحكه...
/توا كنت نحكي معاه قال عازمتني عيلة سوريه ع الفطور..
سكتت صفيه..
سليمه؛شوقني نتعرف عليهم..
"معقوله يعني! بالسهوله هذي!؟"
سليمه:ولد خالك عاقل ويعرف مصلحته..مانبي نذم في المراة ولاهلها..بس مش حيجيه من وراهم غير المشاكل والصداع..وغير هك من حقه يزوج وحده كيفه مازوجتش من قبل..
"توا طلعت المطلقه ماتناسبه!؟"
سليمه:مش هذى معنى كلامي..انا نبي لولد خوي الله يرحمه الحاجه المسقمة حتى لو ماكانت ليبيه مش مشكله المهم وضعها يكون طبيعي ويرتاح معاها مش يعاني منها..ساد ماشاف معاناة في حياته..
"ماني عارفه شن نقول..انا كيفك نبي مصلحته وراحته..لكن والله طوبى تعز عليا وفي رايي اكثر وحده تناسبه..في النهايه هو شن يبي يدير"
سليمه:ايوه هو شن يبي يدير انتي معاد تشجعيه عليها..
"انا مانشجع فيه على شي..انا قبل نبيهم لبعضهم بس كان ربي مش كاتب نصيب وهو غير رايه ماعندي ماندير"
سليمه:ايوه خليك برا منها..
"وااك امي..استغفر الله راني صايمه"
ضحكت امها وقالت..
/باهي عدي..وسكرت عليها بعدين تنفست براحه وقال..
/ياالله في هالايام المباركه توفق عبادي للي فيها مصلحته يارب وتحفظه وتحميه...
🍃🍃🍃🍃🍃
الساعه 4:30قبل العصر..
في كوجينه شقة التارقي.
كانت سلافه واقفه وهي لامه شعرها الاصهب فوق تحشي في الكبه والابتسامه ع وجهها..
وامها معاها طيب في شيخ المحشي..
كانت مرة مرة تسرق في نظر لبنتها اللي حستها متحمسه هلبه للعزومه..
وقالت في نفسها بتساؤل..
"معقول تكون معجبه فيه! اويكمن تكون حاببته..اي والله هو شب منيح..بس ممكن القصه ماتزبط في كتير فرق بينه وبينها..الله يستر..يارب هني هالبنتين دخيلك لاتورجيني فيهن شر "..
🍃🍃🍃🍃🍃
وبعيد عن الهدوء...لأماكن التوتر والخوف..
مناطق الاشتباكات..
اللي قاعد فيهم عبد الفتاح بعيلته..
الضي كان هارب..والجو يخنق والحاله حالة صيام..
سميره تعبها الوضع وكانت تبي تطلع لكن قلبها ماطاوعهاش تخليه..
🍃"اناني راجلك هدا من يومه"
سميره وهي تكلم في اختها هاتفيا..
/لاماتقوليش هكي مش هاين عليه حوشه..
"وانتم!! كان صارت فيكم حاجه! مافكرش فيكم بكل!؟"
سميره؛هو قال اكتر من مرة نطلعك لكن اني مانبيش.
"مهبوله ياسميره والله مهبوله فكري في ولادك ع الأقل"
سميره بضيق:حتى هما مايبوش يطلعوا..
وتسمع صوت زرمه قويه..
"هدا شنو!!"
سميره:شي قذيفه اشبح وين طاحت..
"حي ع البرود! "
سميره بضحكه:خدينا عليهم..
وطيح قذيفه تانيه لكن هالمرة في مكان اقرب ..
وقفت ع حيلها وشافت البيبان والرواشن يتحركوا..
"نهار احرف ياسميره شن هدا!!؟"
مالحقتش ترد..الا وطيح وحده غيرهم اقرب من قوة انفجارها كسرت مرش الرواشن والبيبان..
عيطت وطيحت تليفونها وطلعت تجري
وصلت لوسط الحوش لقت راجلها وولادها جايين..
عبد الفتاح بقلق وتوتر..
/اقعدوا هني اقعدوا هدا آأمن مكان..
حاوطوا الولاد امهم وهي كانت مرعوبه وتتشهد..
وعبد الفتاح يشوفلهم بضيق فوق توتره وخوفه
والقذائف مازال طيح وتطلع
🍃🍃🍃
اخت سميره دب فيها الرعب ع اختها وصغارها خبرت اهلها حاولوا يوصلوا فيهم ماحصلوهمش..
كلموا عيلة عبد الفتاح..وبوه وخوته ولوا في قمة القلق والخوف بعد ماحاولوا يتصلوا بيهم ومالقوش رد..
وزادتهم صفحات الاخبار ع الفيس اللي تنزل في اخبار مرعبه عن الاشتباكات..
عواطف وصفاء ونجاح شافوا هالاخبار وصارت فيهم حاله..
معاش قدروا يديروا شي وفوق خوفهم كانوا خايفين لو نجمة تعرف وتصير فيها حاجه..
🍃🍃🍃🍃
وقرب يآذن المغرب..
ومطيره وتت فطور التارقي وكلمت بوها يتصل بيه بش يجي ياخده لكن علي الواعر قال..
🍃علي:معزوم عبد االقيوم..
مطيره:معزوم؟
علي:ايه بكري قالي العيله السوريه اللي عاطيهم شقته عازمينه ع الفطور..
هزت راسها وقالت:اممم..
علي:تعالي هني.عبد الرؤوف وين كلمته يجي يفطر قال بنفطر عند عمتي استغربت فيه مفروض فطوره هني اول يوم...
مطيرة في نفسها"عند عمته ياسلام!"..
/ماندريش عليه..
علي:هاتي من الاخير وقوليلي شن صاير؟
مطيره؛قتلك يابوي مشكله بيناتهم..يتعاركوا ويتراضوا مادورش..ومشت بسرعه هربا من الحاحه..
هو هز راسه وقال..
/خير..إن شاء الله خير..
🍃خشت الكوجينه وهي تقول..
/خزي كلهم زي بعض..
طوبى وهي شايفاتها خاشه بالسفره قالت بإستغراب..
/خيرك!
ع خشة اريج...
مطيره بصوت منخفض..
/هداكا اللي اسمه عبد الرؤوف وين كلمه جدك ع الفطور قاله بنفطر عند عمتي..
غمضت طوبى عيونها بأسف..
اريج:شن قصده يزيد فيها ولاشنو!؟
فتحت طوبى عيونها وقالت..
/ماتخلوش غرفه تسمع..
مطيره بغل...
/عمرك ماتشوفي حد كامل وتقولي مافيش خير منه الا مايطلع بعيب يطيحه من عينك..
اريج:اني نقول بلعاني يستفز في غرفه..
مطيره:هدا اسمه صغر عقل..عارف الوضع..وفطور العيله ملتمه فيه وعزيز راجل آلاء اول مره يجينا معقوله يدير حركه زي هادي!
طوبى برجاء:بالله قدام نبيله بعدين خليك عاديه المراة مادخلها بشي..
سكتت مطيره وهي معصبه..
اريج؛باهي اللي في الصفره لمني!؟
راجت طوبى اجابة السؤال بلهفه.
مطيره؛هدا للتارقي قال جدك طلع معزوم عند السوريين..
اريج شافت لطوبى اللي بدت ع وجهها ملامح الضيق وهي تشوف للسفره.
تنهدت مطيره وبدت تاخد في الحاجات ودس فيهم..
رن جرس الحوش..
مطيره:شكلهم جو..هي بسرعه ديروا دورة ع السفر شوفوا كان في حاجه ناقصه..
خشت عليهم آلاء وقالت..
/كله واتي؟!..
مطيره؛ايه بنتي واتي واتي..
🍃وفردوس وغرفه مقعمزات في الصاله مع الصغار وكل وحده فيهم كانت حالتها النفسيه اسوأ من التانيه..
غرفه فوق مشكلتها الوحم مخليها عصبيه بزياده وبدت تفش غلها في صغارها تعيط عليهم وتهزب فيهم وهما يخافوا منها ويبكوا ووظيفه خالاتهم يطبطبوا عليهم ويسكتوهم..
🍂🍂🍂🍂🍂
ومنهم لأختهم المتغربه..
اللي بدت تبان عليها اعراض التعب من الصيام مع اعراض تانيه..
🍃كلهم كانوا ملتمين في الصالون يتابعوا في الاخبار..
هي وخوها مختار ومرت عمهم وفاتن..
شويه وخش عليهم رضا وقال..
/السلام عليكم..
شافتله صفيه بتمعن وهي ترد في السلام مع اللي حواليها..
رضا:حمد لله ع سلامتكم انستوا..
صفيه:الله يسلمك تسلم..
مختار:خش قعمز..
رضا:لا نبي نرتاح شويه قبل المغرب..
🍃وسدره معاهم ومش معاهم..
من بعد الظهر والتعب بادي فيها..وقبل شويه قرت قرآن وحست بعد القرايه بالتعب زاد مع شعور غريب بالخوف..
فاتن ركزت عليها ولاحظت انها حتفقد الوعي..كلمتها بقلق..
/سدره!
كلهم شافوا لسدره..
وهي في هديكا اللحظه فقدت الوعي تماما..
مختار بدون اراده منه ناضلها بسرعه..
قعد يخبط ع خدودها بخفه وهو يقول بخوف..
/سدرة..سدرة...والله ماكنت نبيها تصيم ماتقدراش الصيام..
بسرعه يارضا كلم الدكتور اورلاند يجي بسرعه...
🍃وكلم رضا دكتور مختار..وجاهم في وقت قصير لقرب مكان سكنه من فيلا مختار..
كشف عليها وسألهم بعض الاسئله واستنتج انها تعبت من الصيام وهي اساسا ماتقدرش عليه بسب ضعف بنيتها اللي تسببت فيه الغيبوبه..
غير انها قعدت فتره اول مافاقت معتمده ع السوائل بس وتدريجيا رجعت للأكل يعني جسمها فاقد هلبه معادن وفيتامينات وبروتينات ويبي هلبه بش يعوض..
وهي تعرف هدا كله لكن غرها تحسن حالها وصامت..
🍃🍃🍃🍃
فتحت عيونها شويه شويه..
شافت قدامها وجه بوها..رجعت غمضتهم وقالت..
/بوي..
بعدين فتحتهم وشافت وجه خوها مختار والقلق كان باين في عيونه..
مختار بحنان وقلق..
/سدور حبيبي..مسح ع شعرها وقال..تسمعي فيا..
سدرة بصوت متعب بعض الشيء..
/شن صار؟
مختار وهو يمسح ع شعرها..
/دختي من الصيام..ماتقدريش عليه ياسدره جسمك مش حمل صيام..
سدره:نحساب..روحي نقدر.
مختار:الدكتور قال معاش تخلوها تصيم..
سدرة:باهي..ادفع الفديه ولما نشد حيلي نرده..
مختار:حاضر حبيبي حاضر..
سدرة:اذن المغرب..
مختار:ايه..
سدره؛فطرت؟
مختار؛ايه خديت حاجه ع الماشي..
سدرة؛برا..افطر برا..اني كويسه مافيا شي..
مختار؛بعدين..
سدرة؛قتلك برا..خير مادوخ حتى انت ونحصلوا فيك..
ضحك بعدين قام يدها وباسها..
ناض من حداها وقال..
/ناكل ونجيك..
هزت راسها بإيجاب..
مشي وطلع من الدار..وقبل ليسكر الباب شافلها بإبتسامه..
هي يدوب ردتها..
بعدين سكر الباب..وقعد واقف قدامه..
يفكر في اللي داره والحاله اللي كان فيها..مسح بإيديه ع وجهه بعنف..بعدين خدي نفس ومشي...
🍃🍃🍃🍃🍃
وفي حوش طوبى...
فطروا...وبدوا يلموا في الحوسه..
☘في الكوجينه..
طوبى تلم في الماعين..ومعاها عمتها مطيره ادس في الماكله اللي فضلت..
ع خشة نبيله جايبه مفرش ملموم حطاته ع الطاوله وقالت..
/طوبى رؤوف هني؟
طوبى بضيق؛لا..
نبيله:قلتوله يجي؟!..
مطيره:قلناله ياحنه قال لا بنفطر عند عمتي..
نبيله بدت ع وجهها ملامح الاستياء..
مطيره:كثرها وخثرها راهو..
طوبى بضيق..
/عمتي .
مطيره بشي من الانفعال.
/خليني ندوي بالله عليك..شن يحساب ماعندها حد وراها!؟..ولابالك يحساب باللي داره معانا ركبها وركبنا جميل وشدنا بيه من رقابنا!! فهمي خوك قوليله مش عيلة الواعر اللي يتعاملوا معاهم هي..
نبيله بهدوء:استهدي بالله يامطيره..عبد الرؤوف مش هكي بكل..
مطيره:لا هكي ونص توصل بيه قلة الاحترام هني!! عنده حق ماهو حسبناه ولدنا وكبرنا بيه دار مادار ولد عيت شنيبه .
نبيله؛لامعليشي هكي ظلم يامطيره..
طوبى بتوتر ..
/خلاص تعوذوا من الشيطان المشكله ابسط من هكي..
مطيره:لايابنتي مش بسيطه بكل..لما يسيب الفطور هني وهو ملزوم يحضره ع الاقل ع خاطر صاحبه الله يرحمه...ويمشي يفطر عند عمته هدا كأنه يقول لأختك بلطي البحر..
"رؤوف!؟"..
التفتوا كلهم للباب لقوا غرفه واقفه وهي شاده مراضع ولادها وتشوفلهم بحده ودموعها في عيونها..عاودت قالت..
/رؤوف مشي فطر عند عمته!
قعدوا الثلاته ساكتات..
هزت غرفه راسها وخشت حطت المراضع ع الطاوله ومشت طلعت وهي معصبه..
ونبيله وهي مضايقه ع الآخر طلعت وراها لكن مالحقتهاش..
طوبى بضيق..
/ربي يهديك ياعمتي تو تزيد تكبر هكي..
مطيره:كبيره بروحها يابنتي...
🍃🍃🍃🍃
وهدا كله صار وعبد الرؤوف في واحد من اماكن الامدادات..
يفطر مع صحابه وهما يحكوا عن الحرب ومايتبعها..
🍃🍃🍃
ومافيش حد رايق زي عبد القيوم..
اللي كلي بشهيه الاكل الشامي واستمتع بالهدرزة مع اب سلافه ع الآخر..
🌼في الكوجينه..
كانت شاديه دير ف الشاهي..
وبناتها يغسلوا في الماعين..
سلافه:ايه ماما لاتحطيلوا سكر بالشاي مابيحبه.
شاديه؛ياسلام..مابيحب السكر بالشاي..لاتكتروا حاد ولاتحطوا فلفل اسود مابيتحملن..وشو كمان!؟؟
لبانه في نفسها وهي شاده ضحكتها..
"راحت عليكي ياأم السوس"
وسلافه دارت روحها عاديه..التفت لأمها وقالت..
/ماما عبد القيوم معي بالجمعيه..وغير هيك سبق ورحنا ع مصر وهونيك عزمنا معز اخوها لميار ع الغدا وهو حكا عن حالو شوي..
شاديه بشك:اممم..
سلافه عقدت حواجبها وقالت..
/على شو عم بتلمحي ماما؟!..
شاديه؛ولا شي..خلصي شغلك..والتفتت للشاهي..
لبانه شافت لسلافه وهي تفنص بإبتسامه وسلافه ردتلها نفس النظره...
🍃وكملوا باقي شغلهم من سكات لعند ماكملوا..
طلعت لبانه وقعدوا سلافه وامها..
سلافه؛ماما...بدك تعطيه شي ياخدو معه للسحور ماهيك!؟
شاديه:اكيد الشب عزابي وقاعد لحاله..انا عم فكر خلي افطاره علينا بكل رمضان..قبل المغرب بساعه يجي لهون ياخده معه..
سلافه بإبتسامه...
/بتجنني انتي ماما وافكارك حلوة متلك..باستها من خدها وقالت..تؤبريني..ومشت طلعت من حداها..
شاديه ضيقت عيونها وقالت...
/خلص واضحه..البنت بتحبه..
تنهدت وقالت..الله يستر من اخرتا بس..
🍃🍃🍃🍃
وفي حوش محمد شنيبه...
جابت نسرين الفطور معاها قبل ساعه لحوش اهلها..
حطاته في الكوجينه بمساعده ولدها محمد..بعدين خشت لأمها سلمت عليها..
سلام مغليه كان بارد ونسرين كانت ابرد لأنها مااهتمتش..
عاونت مرت بوها ع تجهيز ع فطور..
ومع المغرب فطروا كلهم مع بعض حتى مغليه معاهم..المهم تقعد ع قلوبهم..!
نسرين..طول الوقت تراقب في تصرفات سميره..لاحظت معاملتهم لصغار طاهر..حنها عليهم ماشافوشي من امهم..
ولاحظت علاقتها بسدره..كانت سميره نازله لمستواها وتتعامل معاها وكأنهم من عمر واحد..
وشافت العلاقه الحلوة بينها وبين نضال وهدا اخر شي كانت تتوقع تشوفه نسرين..
بس اكثر شي لفت انتباهها..صبر وقوة سميره بعد موت خوها قاعده تحاول ع قد ماتقدر تكون بأحسن حال..
🍃غسلوا الماعين مع بعض وضموا الحوش..وبعدين..
☘سميره؛مش معطله ساعتين بس..
نسرين؛ولايهمك خودي راحتك..
سميره ؛بارك الله فيك..ومشت طول لجناحها...
توضت وصلت العشاء..بعدين لبست عبايتها وحجابها ومشت طلعت من الجناح ومنه من الحوش كله وتوجهت لحوش طوبى..
🍃🍃🍃🍃
الحوش زاد تعبا...
جوهم فايزة وبناتها..وهاديه..وحواء وصغارها...
كلهم كانوا مقعمزين في الصاله..
ماعدا طوبى واريج اللي كانوا متفرغات للصلاة والقرآن..
وغرفه اللي شاده تركينه وراقده...
🍃خشت آلاء عليهم الدار وقالت..
/اريج سميره جت..
هزت اريج راسها بإيجاب وهي تقرا..
مشت آلاء..
وطوبى وأريج وقفوا قرايه مع بعض..
ناضوا حولوا مصلياتهم..
اريج مشت للزيانه..مشطت شعرها ولماته ومشت طلعت من الدار..
اما طوبى كانت تشوف في جنة كيف راقده وقالت.
/اقعدي راقده ماما لين يروحوا باهي!؟..
ولمت شعرها كعكه..ومسحت عليه شويه من القدام..وين جت بتطلع..عيونها جو ع اللوحه..
قعدت تتأمل فيها بنظرات باين فيهم الحزن..مشت بسرعه طلعت من الدار وسكرت الباب بهدوء..
مشت للصاله وتتقابل مع الصغار وهما يلعبوا وصغار غرفه يفسدوا عليهم..ابتسمت..
بس سرعان مااختفت ابتسامتها لما سمعت صوت بكي اريج وسميره..
🍃🍃🍃🍃🍃
وسرعان ماسكتوا عن البكي وبدوا يهدرزوا عادي..
بس نبيله طول القعده وهي محتفظه بصمتها وباين ع وجهها ملامح التهجم..
وهما في عز الهدرزة..سمعوا صوت واحد من ولاد غرفه يعيط..
ناضتله طوبى تجري..ولما قربت توصل فيه..
لقت غرفه شاده واحد من صغار حواء وتضرب فيه بقوة ع يده..جتها بسرعه وفكاته منها وقالت..
/خيرك غرفه!..
رفعت غرفه ولدها وقالت بعصبيه..
/قرص ولدي في ذراعه..شوفي..ومدت ذراع ولدها..
طوبى؛باهي كلمتي امه تتصرف معاه..
غرفه رفعت حاجبها وقالت..
/عندك حق مش بنتك اللي قرصها..
ومشت بولدها لدار المعيشه وطوبي تشوفلها بإستياء..
بعدين طبست ع ولد حواء رضاته وعطاته اللعبه متاعه..
ومشت خدت التوأم التانب ومشت بيه للدار..
🍃🍃🍃
خشت ع غرفه لقتها مقعمزه تبكي..
سكرت طوبى الباب ونزلت الولد..ومشت قعمزت جنب اختها..
طوبى:غرفه..
غرفه ببكي:سامحيني راني مش طايقه روحي..
طوبى:حاسه بيك..
غرفه ببكي؛ريتيه ياطوبى ريتي..زاد طيح من قدري قدام ماليا وعمته الشيطانه..
طوبى ؛بكري اريج قالت مرات يستفز فيك بس،مامشاش غادي..
غرفه وهي ترشف..
/معاش تبرروله اني نعرفه لما يعاند..
طوبى:واني نقولك اتصلي بيه وشوفيه كان ماطلعش كلام اريج صح ديري فيا اللي تبيه 
غرفه مسحت دموعها وقالت..
/تمام اني بنتصل بيه بش نثتبلك انك غالطه..
☘وفي الحقيقه كانت تتمنى لو كلامها يطلع صح...
خدت تليفونها وحطت ع رقمه واتصلت بيه وفتحت المايك.
نادى لين فصل ماردش..
طوبى؛شكله قاعد في الجامع..
غرفه؛جامع شني!؟ قداش ليها صلاة التراويح تامه..معاش تبرري ياطوبى خلاص..
وفجأه رن تليفونها..شافاته..لقت عبدالرؤوف يتصل..
طول فتحت الخط والمايك..
"ايوه"
قلب غرفه رجف لما سمع صوته..ردت عليه تقول..
/وينك؟
"يهمك تعرفي!؟"
غرفه:ندوي جديات..
"حتى اني ندوي جديات"
غرفه بإنفعال؛لوسمحت جاوبني وينك؟
"عند عمتي"
غرفه؛كويس..استمر ياعبد الرؤوف دير كل شي يكرهني فيك ويخرب بيني وبينك..
وسكرت عليه..
طوبى بضحكه..
/والله العظيم ماهو عندهم ولامشالهم من اصله..
غرفه ودموعها ينزلوا..
/معاش تحلفي..
عاود اتصل بيها مرة تانيه..
طوبى بضحكه..
/بالله عليك تردي..بالله..
غرفه فتحت الخط وقالت..
/شن تبي!؟
"تعرفيني مانحبش من يسكر عليا"
غرفه؛عارفاتك هدا علاش درتها..
شدت طوبى ضحكتها..
"تعرفي كان نوصل فيك..زوز كفوف ماشي جاي"
غرفه؛بارك الله فيك! بدل ماتعتذر وتطلب السماح..!
"عطتيني فرصه انتي!؟"
غرفه؛مفروض انت تصنع الفرصه ماتراجيش لين اني نعطيهالك..
"براا..خشيتي ع الفلسفه"..
غرفه:كان بتقعد تتسهوك هكي بنسكر عليك مرة تانيه..
فجأه..سمعوا صوت رزمه..
الزوز انفجعوا..
غرفه بخوف:شن هدا!؟
"شي مافي شي ماتخافيش"..
سمعوا بعده صوت واحد تاني يقول....
"عبروف وخر وخر..اركب سيارتك وتحرك بسرعه"..
طوبى حطت يدها ع قلبها بخوف...
"بعدين نكلمك.."
غرفه بخوف؛رؤوف!
وسكر عليها..
وهي ترجف مع بعضها قالت بنبرة باكيه..
/رؤوف!
🍃🍃🍃🍃
وصارت في غرفه وفي باقي العيله حاله بعدها..
اريج كانت حتموت من الخوف جرحها قاعد جديد ماتبيشي يزيد يقوى لو عاشت زيه خالتها..
☘في الجنان..
"طوبى"
طوبى بقلق وخوف:هاه خالي شن صار..
المحجوب:توا كلمني قال جاي في الطريق..
تنفست براحه وقالت..
/الحمد لله..وكيف جت بتخش وقفت لما ناداها خالها..
طوبى:نعم!؟.
المحجوب؛شن اللي صاير بينه وبينها بالزبط حاس في حاجه مدرقه..
طوبى:لالا مافي شي..هما الزوز ياخالي مسكرين رووسهم ومكبرينها ع الفاضي هي هادي..خليني نخش نخبرها..
ومشت بسرعه..
والمحجوب ولى للمربوعه وهو يفكر..
🍃🍃🍃🍃🍃
"توا الوضع شبه هادي ردوهم ل****"
الصيد؛اسمع ياولد اول ماتحصل فرصه تطلع بعيلتك سمعتني ولا والله نغضب عليك...
"حاضر يابوي حاضر"
الصيد؛ياسرك عناد قريب ودرت عيلتك..راهو مالي مرتك حملونا حني المسؤوليه كان صارت في بنتهم حاجه..
:خلاص يابوي بإذن الله لما نحصلوا فرصه نطلعوا خلاص..
🍃🍃🍃🍃
"رفعت للجماعه فطور غادي وفطرنا مع بعص الجو كان هادي حتى صوت الرصاص ماينسمعش"
علي؛مش قتلي ماشي لعمتك؟!
عبد الرؤوف:سامحني ياحاج اضطريت نكذب عليك بش ماتنشغلوش..
علي:رد بالك تعاودها ياولدي..وين ماتمشي قول في ظرف زي هدا لازم نقولوا وين تمشوا ووين تجوا..
عبد الرؤوف؛حاضر ياحاج..
عزيز بإبتسامه:يللا حمد لله ع سلامتك..
رد عليه بإبتسامه وقال..
/الله يسلمك...
🍃🍃🍃🍃🍃
وتعدي ساعة تانيه..
تروح حواء بصغارها..ويروحوا عبد المطلب والمحجوب بنساوينهم..
واخر من يروح سميره..وتقعد فايزة ببناتها بيات...
🍃في الجنان..
تحت شجرة الياسمين..
اريج ودموعها ينزلوا..
/ريتي شن صار في لحظه كنتي حتنكسري نفس كسرتي..حرام والله حرام مافي حاجه مستاهله تقعدوا متفارقين ع خاطرها..
وغرفه واقفه قدامها تسمع فيها ودموعها ينزلوا...
☘☘☘☘
وعبد الرؤوف..
مقعمز ع السرير في الدار حاط رجل فوق رجل وشاد المصحف ويقرا..
كمل ورده وحط المصحف ع الكامدينو وناض بيطلع للكوجينه يدير مايتسحر..
ويسمع باب الحوش ينفتح بعدين يتسكر..
قعد واقف في مكانه يترقب..
لحظات وتبان عليه وهي قايمه خمارها..
تبادلوا نظرات مليانه شوق..وزعل..وعتب..
شويه وجاته بسرعه..وهو قدملها..
وضموا بعض بقوة..
غرفه ببكي؛نكرهك ونكره عنادك وطول لسانك..وضرباته ع ظهره..
هو ضحك بعدين قال..
/معاش ديري فيا هكي..معاش تخليني من غيرك..
غرفه بنبره باكيه..
/تافه لكن نحبك..
ابتسم وباس راسها...
بعدها شويه وهو شادها قال..
/من جابك؟
غرفه؛جدي..والصغار خليتهم راقدين غادي..
ابتسم وقرب باس جبينها بعدين قال..
/سامحيني..يقطع لساني كان مازال قلت اللي قلته مرة تانيه...
مسحلها دموعها وقال..
/اسف..
هزت راسها بعدين قالت..
/تعشيت كويس؟
عبد الرؤوف:ايه الحمد لله..تعالى نحكيلك اللي صار بالزبط.
وخداها معاه لدارهم وهو يحكيلها..
وقلوبهم قاعده معانقه بعضها بلهفه وشوق...
🍃🍃🍃🍃🍃
مقعمزات مع بعض في الكوجينه برواحهم يتسحروا..
امينه؛سمعت مرات عمها بتتكلم عن حالة كانت بتجيها قبل ماتحصلها الحادثه..
صابرين وهي تاكل في مكسرات..
/حالة!
امينه:مش عارفه..بس اللي فهمتوا منها انها كده عين..مس..السحر حوالين الحاجات دي..وقالت كمان انها بدأت فيها بعد فرح اختها الصغيره..
صابرين:اممم..وكيف جت بتاكل حبة لوزة راجعت كلام امينه الأخير عقدت حواجبها بإستغراب وقالت..
/ماعرفتيش بالزبط شن هي الحاله؟
امينه؛لا ماحكتش اكثر من كده..
سكتت صابرين وهي تفكر بتمعن في كلام امينه وفي الأخر تسائلت بينها وبين نفسها...
"ياربي!؟معقوله اللي فكرت فيه يكون صح!؟"

#مراد_قلبي
#طوبى

...يتبع....