សុបិន្តស្នេហ៍-Dream to Love ❤️🥀(ចប់)

ភាគ១: ផ្ដើមរឿង

       នៅក្នុងពិធីមង្គលការរៀបចំលក្ខណ:បែបសាមញ្ញៗមួយ រូបភាពបង្ហាញអោយឃើញកូនកម្លោះកូនក្រមុំកំពុងដើរអោបចង្កេះគ្នាលើកម្រាលព្រុំ ជាមួយទឹកមុខញញឹមញញែម មានក្ដីសុខច្រើនអនេកមិនចាញ់ពិធីមង្គលការអភិជននោះទេ
      បើយើងក្រឡេកទៅជ្រុងម្ខាងទៀតនៃពីធីកន្លែងស្ងាត់ដាច់ឆ្ងាយពីគេបន្តិចមាននាយបុរសសង្ហាសាច់សរម្នាក់ មុខមាត់ស្អាតបាត សម្លៀកបំពាក់សមរម្យស៊ីវីល័យតាមបែបផែនវង្សត្រកូលអភិជន គេម្នាក់នោះមានឈ្មោះថា ចន ជុងហ្គុក ជាបុរសសង្ហាតួឯកប្រុសរបស់យើងនឹងឯង។
"ប្រាវ"ភ្លាមៗគេស្រាប់តែក្រោកឈរឡើងស្រែកមួយវាស់ស្រវាចាប់បោចកម្រាលតុក្រវាត់ទៅម្ខាងធ្វើកែវស្រាធ្លាក់បែកខ្ចាយបង្ករការភ្ញាក់ផ្អើលពេញមួយពិធី មុននឹងយោងខ្លួនទ្រេតទ្រោតដោយភាពស្រវឹងស្រាជោគដើរតម្រង់ទៅរកកូនម្លោះដែលកំពុងចូលពិធីជាមួយប្រពន្ធដែលជាសង្សាចាស់របស់គេនោះ។
"ឯង!! ឌឺបៗ"មុននឹងមកទីនេះគេបានផឹកស្រាអស់ជាច្រើនដបនៅក្នុងខ្លឹបមួយកន្លែងក្បែរនេះហើយតាំងពីមកដល់ទីនេះគេអង្គុយផឹករហូតធ្វើអោយគេស្រវឹងជោគលែងដឹងខុសត្រូវក្លាយជាមនុស្សម្នាបែបនេះ
      ជុងហ្គុកភ្លាមៗស្ទុះទៅដាល់មុខកូនកម្លោះទាំងកម្រោល ក៏កញ្ជ្រោលទៅដាក់ថែមប៉ុន្មានដៃទៀតធ្វើអោយកើតរឿងចលាចលពេញមួយពិធីតែម្ដង
"ជុងហ្គុកធ្វើអីហ្នឹងឈប់ទៅលោកឆ្គួតហើយ" សម្លេងរបស់អ្នកជាកូនក្រមុំរត់ចូលទៅលើកកូនកម្លោះ ដោយជុងងហ្គុកត្រូវបានអ្នកផ្សេងទៀតចាប់ទៅម្ខាង
"លែងយើង លែងយើងភ្លាមពួកអាចង្រៃឯងមិនដឹងថាយើងជាអ្នកណាទេហេស... លែងយើង វាដណ្ដើមកូនក្រមុំរបស់យើង!យើងទៅវៃវាអោយងាប់លែង! ព្រុស!"ជុងហ្គុករើរបម្រះខ្លួនស្រែកកញ្ច្រោលពេញហ្នឹងរហូតទាល់តែសន្តិសុខទាំងនោះចាប់នាយបោះទៅក្រៅពិធី ។
     ភ្លាមនោះមេឃក៏ចាប់ផ្ដើមបង្អុលភ្លៀងធ្លាក់ចុះមក ធ្វើអោយសភាពជុងហ្គុកកាន់តែយ៉ាប់យ៉ឺន មើលចុះមនុស្សកំពុងឈឺចាប់បាត់បង់ស្នេហា ដងខ្លួនក៏ត្រូវគេវៃដុំច្រំធាក់ស្ទើរតែរលាយសុះសសៃរបាត់បង់អស់ភាពស្រស់សង្ហា ឯណានៅសភាពស្រវឹងស្រាដែលមិនទាន់ស្វាង ឥឡូវនៅបន្ថែមដោយទឹកភ្លៀងធ្លាក់ចុះមកទទឹកជោគជាំពេញខ្លួនប្រាណបែបនេះទៀត ធ្វើអោយសភាពនាយពេលនេះមិនខុសពីកូនឆ្កែមួយក្បាលដែលកំពុងធ្លាក់ទឹកនោះទេ។
     ហឹស.បើមានអ្នកស្រុកគេឃើញគេច្បាស់ជាយកទៅនិយាយដើមផ្អើលពេញស្រុកទេស ហើយបើមានអ្នកកាសែតមកឃើញគេច្បាស់ជាយកទៅចុះផ្សាយព័ត៍មាននិយាយដើមថា... កូនប្រុសតែមួយនៃមហាសេដ្ឋីលេខមួយលំដាប់ប្រទេសចូលរួមមង្គលការបែរជាត្រូវគេទាត់ចេញមកវិញដូចឆ្កែដូចឆ្មាចូលទៅសុំបាយគេស៊ីហាសហា គិតហើយសប្បាយមុខខ្លាំងណាស់
ជុងហ្គុកគិតហើយនិយាយសើចចម្អកខ្លួនឯងមុននឹងប្រឹងឈោងដៃងើបឈរឡើងទាំងខ្សោះខ្លួន បន្តរដំណើរទៅមុខទៀតទាំងសើចតិចៗដូចមនុស្សឆ្គួតមិនដឹងអីម្នាក់ចឹង 
____