Poorman Series: Rodrigo Cardenal

Chapter 15

Chapter 15

Wala pang alas sais noon ng umaga pero tapos na silang kumain. Hindi na hinayaan ni Rodrigo na magsalita pa si Shey dahil pakiramdam niya, ay kung anu-ano na naman ang lalabas sa bibig nito.

Nakaupo si Shey sa may balkonahe sa labas ng bahay, doon nito itinuloy ang pagkakape, habang si Igo ang nagdayag matapos nilang kumain.

"Okay ka lang dito?" Tanong ni Igo matapos ang kanyang ginagawa.

"Uhmm." Sagot ni Shey habang tatango-tango. "Nga pala you don't have a work?" Ani Shey ng mapansin nitong mukhang hindi nagmamadali si Igo, ay alas sais na.

"Hindi na muna ako papasok. Samahan na lang daw muna kita. Si Cy at Jose na lang muna ang bahala. Dahil wala naman akong gagawin. Doon muna ako sa likod bahay. Bubungkalin ko ang isang plot ko doon para makapagtanim naman ako ng iba pang gulay." Sagot ni Igo at tuluyan ng lumabas ng bahay.

"Hey Igo. Sama ako sa likod." Tawag niya.

"Baka mainip ka lang doon."

"Mas nakakainip dito. Wala naman akong makausap ay nandyan ka naman."

"Sige na nga. Tara. Maupo ka lang doon ha. Ipagdadala kita ng upuan." Sagot ni Igo at binalikan ang isang mono block chair para may maupuan si Shey.

Pagdating nila sa may likod bahay, ay nakita ni Shey iyong mga rectangular nataniman na sinasabi ni Igo. Halos tuyot na ang mga halaman na nakatanim doon. Kaya naman pwede na nga ulit taniman.

Kumuna ng asarol si Igo na nakalagay sa tabi ng bahay nito. Napasunod naman ng tingin si Shey kay Igo ng bigla nitong hubarin ang suot na damit at isabit doon sa sampayan na nandoon. Kinuha naman ni Igo ang isang tuwalya at isinabit sa leeg nito.

Wala pang ginagawa si Igo pero napalunok na ng laway si Shey. Hindi niya maalis ang mga mata sa katawan nito. Perks of being kargador, na may workout na pagbubukal ng lupa. Kahit malakas kumain ay may disiplina sa sarili.

"Mas okay pa talagang modelo ang isang ito. Papasa pa ito sa mga local and international modeling." Ani Shey at hindi inaalis ang tingin kay Igo.

Napakunot noo naman si Igo ng maramdaman ang mainit na pagtitig sa kanya ng kasama. Kaya naman dahan-dahan niya itong tiningnan. Napangiti pa siya ng mahuli niya itong nakatulala sa kanya. Mali nakatulala sa katawan niya. Hindi man sa pagmamayabang, maganda naman kasi talaga ang katawan niya. Same with Cy and Jose. Oo nga at mahihirap lang sila, pero katawan lang naman ang maiipagmalaki nila. Kaya naman, iniingatan nila.

Being a healthy and fit person. Mas mapapadali sa kanila ang trabaho nila. Mahirap kumilos kung mataba ka, base na rin sa trabaho nila. Kaya naman mabilis silang kumilos at easy lang ang trabaho ng pagbubuhat dahil malakas ang pangangatawan nila and physically fit nga kung baga.

"Baka mamaya magulat ka na lang may langaw ng nakapasok sa bibig mo. Natulala ka na nga. Naiwan pang bukas ang bibig mo." Ani Igo na ikinagulat ni Shey. Kaya naman mabilis niyang naitikom ang bibig. Hindi naman niya inasahan na nakatulala at nakanganga na pala siya sa harapan ni Igo.

"Hindi ah. Hindi kaya ako natutula. And hindi kaya nakabukas ang bibig ko. Feeling ka naman." Inis na sagot ni Shey sabay irap.

"Anong hindi natutula? Hindi ka naman talaga natutula. Ano yan? Balagtasan? Natutulala iyon." Pagtatama ni Igo kay Shey. Napaisip naman ang huli, gusto man niyang sabihin na tama ang sinabi niya kaya lang baka mali na naman.

Huminga naman ng malalim si Shey bago muling nagsalita. "I'm not staring at you! Hmmmp. I can't compare you to the local and international models I see in magazines and television. Don't tell me the things I can't do! Okay! I'm  not staring at you! Period." Paliwanag ni Shey kaya nailing na lang si Igo.