Unicode
လူတစ်ယောက်ကိုမေ့ပစ်နိုင်ဖို့
အချိန်ဘယ်လောက်ထိလိုတယ်လို့ ထင်လဲ။
ငါ့အတွက်တော့ နှစ်ပေါင်း၂၀ကြာတာတောင်
မေ့ပစ်ဖို့အတွက် မလုံလောက်ခဲ့ဘူး။
ချစ်နေသေးလားဆိုတဲ့မေးခွန်းအတွက်တော့
အတိတ်ကချစ်ခဲ့တဲ့လူတစ်ယောက်ဆိုတာထက်
မပိုတော့ဘူးပေါ့။
ဒါပေမယ့် မေ့ပစ်ဖို့ကျ ခက်တာမှတော်တော်ခက်တာ.....မှတ်ဉာဏ်ထဲကနေ သူမ ရှိခဲ့တဲ့အချိန်တွေကိုပဲ ရွေးပီးဖြတ်ထုတ်လိုက်လို့ရရင်ကောင်းမယ်ဆိုတဲ့
ရူးကြောင်ကြောင်အတွေးမျိုး ငါအမြဲတွေးခဲ့ဖူးတယ်။
ငါအချိန်အတော်ကြာ ကိုရီးယားမြေကနေ
ရှောင်ပြေးနေခဲ့တယ်။ ဒီလိုလုပ်ရတဲ့
အကြောင်းကလည်း သူမကြောင့်ပဲပေါ့။
တကယ်လို့များ
တစ်နိုင်ငံတည်းမှာ ငါရှင်သန်နေခဲ့ရင်
တစ်နေ့နေ့တော့မျက်နှာချင်းဆိုင်
ပြန်ဆုံတွေ့နိုင်တယ်ဆိုတဲ့
အတွေးခပ်တိမ်တိမ်ကြောင့်........
ပြန်ဆုံခဲ့ရင် ဘယ်လိုရင်ဆိုင်ရမလဲ။
ဘာပြောသင့်လဲ....ငါတကယ်လုံးဝသိမနေပါ။
ဒါတွေကြောင့်လည်း
သမီးအရင်းတစ်ယောက်လုံးကိုတောင်ပစ်ထားပီး
ငါဂျပန်မှာပဲနှစ်တွေအကြာကြီး နေဖြစ်ခဲ့တယ်။
သို့ပေမယ့်လည်း ငါအသက်လေးဆယ်ကျော်လာတဲ့
အချိန် တွေးမိတာလေးတစ်ခုရှိလာတယ်။
ကမ္ဘာမြေပေါ်မှာ နေထိုင်ရမယ့် နေ့ရက်က
သေချာရေတွက်ကြည့်ရင် တော်တော်လေးနည်းသွားပီထင်တာပဲ။
လူ့ဘဝဆိုတာတိုတိုလေးပဲလေ.....
ငါတို့ဘယ်အချိန်သေရမလဲမသိနိုင်ဘူး။
အဲ့လိုအတွေးလေးရပြန်တော့
ငါ့ရဲ့သမီးလေးနဲ့ အချိန်တွေအတူကုန်ဆုံးပီး
နှစ်ရှည်လများထွက်ပြေးလာခဲ့တဲ့
ဒီကိုရီးယားမြေကိုပြန်အခြေချသင့်တယ်လို့
ငါဆုံးဖြတ်ချက်ချခဲ့တယ်။
ရယ်တော့လည်းရယ်ရသား.....
ဒီလိုဆုံးဖြတ်ချက်ချခဲ့တာတောင်
အကောင်အထည်ဖော်နိုင်ဖို့
သတ္တိမွေးခဲ့ရတာ အချိန်တစ်ခုကြာတယ်။
YOU ARE READING
Deĵa Vú (Completed)
FanfictionDo you get Deĵa Vú..... {Error တခုကြောင့် အပိုင်းတွေက အစဥ်တိုင်း မဖြစ်တော့ပဲ ဗျောက်သောက်တွေဖြစ်နေပါတယ်ဗျ.. ကျေးဇူးပြုပီး အပိုင်းနံပါတ်လေးတွေသေချာဖတ်ပီး Fic ကိုဖတ်ပေးကြပါအုံးဗျ...} {Error တခုေၾကာင့္ အပိုင္းေတြက အစဥ္တိုင္း မျဖစ္ေတာ့ပဲ ေဗ်ာက္ေသာက္ေတျြဖ...
