Unicode
ကင်မ် ဟာဘာရည်ရွယ်ချက်နှင့် မောင့်မိဘတွေအကြောင်း မေးသလဲဆိုတာ မောင်မသိဘူး။
ရှည်ရှည်ဝေးဝေးတွေလည်း သူများတွေလို
စဥ်းစားလေ့ရှိတဲ့လူစားထဲ မောင်မပါဘူး။
ကင်မ်သိချင်ရင် မောင်ဟာဖြေပေးမည်။
ပျော်ရွှင်စရာဆိုလို့မြူမှုန်တစ်မှုန်စာတောင်မရှိတဲ့
မာမီတို့အိမ်ထောင်ရေးအကြောင်းကိုပေါ့။
အမှန်ပြောရရင် စိတ်ထဲမှာတော့မတင်မကျဖြစ်နေမိသည်။ ကင်မ်က အများကြီးပင်ပန်းလို့
ငိုနေရင်းကနေ ရုတ်တရက်ကြီး မောင့်မိဘတွေရဲ့
အိမ်ထောင်ရေးအကြောင်း ထမေးသည်။
ကင်မ်စိတ်ပင်ပန်းရသည့်အကြောင်းနှင့်များ
မောင့်မိဘတွေက တစ်ခုခုပတ်သက်နေသလားလို့
စဥ်းစားရအောင်လည်း အဆက်အစပ်မရှိ။
မဖြစ်နိုင်ဘူးလေနော်.....
တွေးနေရရင် ခေါင်းရှုပ်လို့ မောင်ဘာမှဆက်မတွေးပဲ
ကင်မ့် ကိုကြည့်ကာ စကားစ,ဖို့ပြင်လိုက်သည်။
"မာမီတို့က ချစ်လို့ယူခဲ့ကြတာမဟုတ်ဘူး ကင်မ်"
မောင့်အသံဟာတည်ငြိမ်နေပီး မောင့်မျက်နှာလေး
အနည်းငယ်ညိုးနွမ်းနေသည်။
မောင့်ရဲ့ငယ်ဘဝမှာ စိတ်ထိခိုက်စရာတွေ
များခဲ့ပုံရတယ်ဆိုတာ ကျွန်မကြိုခန့်မှန်းမိပါသည်။
အမှန်တော့ ကျွန်မက မောင့်ကလေးဘဝအကြောင်း
သိချင်တာလည်းပါသလို ကင်မ်ဂျီဆူက
ကျွန်မကိုဘာလို့ထားခဲ့ရသလဲဆိုတာနဲ့
ပတ်သက်ပီး အဖြေရှာချင်တာလည်းပါသည်။
ကျွန်မအသက်၂၀အရွယ်ကိုပြန်သွားလိုက်ရင်
အဲ့အချိန်က ကျွန်မကသိပ်သနားဖို့
ကောင်းခဲ့တယ်မလား။
မချစ်နိုင်တော့လို့ထားသွားသည့် လူတစ်ယောက်ကို
ရူးသွပ်လွန်ပီး အနှစ်နှစ်ဆယ်တောင် အချစ်ဆိုတဲ့
အရာကနေ ထွက်ပြေးနေခဲ့ရသည်။
ဂျီဆူက သူမအပေါ်အများကြီးကောင်းပေးခဲ့ပီး
ချစ်ပေးခဲ့တာကို သူမ သိသည်။
သို့သော် နေ့ချင်းညချင်း ပြောင်းလဲသွားကာ
လမ်းခွဲဖို့ပြောလာတုန်းက မယုံနိုင်ဖြစ်ခဲ့ရသည်။
YOU ARE READING
Deĵa Vú (Completed)
FanfictionDo you get Deĵa Vú..... {Error တခုကြောင့် အပိုင်းတွေက အစဥ်တိုင်း မဖြစ်တော့ပဲ ဗျောက်သောက်တွေဖြစ်နေပါတယ်ဗျ.. ကျေးဇူးပြုပီး အပိုင်းနံပါတ်လေးတွေသေချာဖတ်ပီး Fic ကိုဖတ်ပေးကြပါအုံးဗျ...} {Error တခုေၾကာင့္ အပိုင္းေတြက အစဥ္တိုင္း မျဖစ္ေတာ့ပဲ ေဗ်ာက္ေသာက္ေတျြဖ...
