Unicode
ဘယ်လောက်တောင်ငိုထားသလဲဆိုတာ
မောင့်မျက်လုံးလေးတွေကိုတွေ့ရတာနဲ့တင်
ကျွန်မ သဘောပေါက်လိုက်ပါသည်။မောင့်မျက်လုံးလေးတွေဟာ ဖောင်းအစ်နေပီး
နီမြန်းနေလေသည်။တစ်ညတည်းနဲ့ မောင်ပုံပျက်ပန်းပျက်ကို
ဖြစ်နေတာပါလားလို့ တွေးမိတော့
ကျွန်မလည်းဝမ်းနည်းရပြန်သည်။မောင့်ရဲ့ညာဘက်လက်မှာ ပတ်တီးအဖွေးသားလေးတွေ နေရာယူထားသည်။ သေချာပေါက်
မောင် နံရံကိုဖြစ်ဖြစ် တခြားအရာတစ်ခုခုကိုဖြစ်ဖြစ်
စိတ်လိုက်မာန်ပါ ထိုးပစ်လိုက်တာပဲဖြစ်မယ်။"ကင်မ်....မောင့်ကိုအခွင့်အရေးလေးထပ်ပေးပါလားဟင်"
မောင့်တစ်ကိုယ်လုံးကိုအကဲခတ်ရင်း
အလုပ်ရှုပ်နေချိန် မောင်ဟာ ကျွန်မရပ်နေသည့်နေရာအနား တိုးလာရင်း ခပ်တိုးတိုးဆိုလာသည်။မောင်ရယ်...တို့ကိုယ်တိုင်လည်း နာကျင်နေရတာတွေကို မောင်မမြင်အောင် ဖုံးကွယ်ထားနေရတာ
ပင်ပန်းတယ်ကွယ်။မောင့်ဘက်က တို့အပေါ်စိတ်နာပီး
ဘယ်တော့မှပြန်ပေါ်မလာမယ့်အဖြစ်မျိုးကို
တို့ကလိုချင်မိတာကွ။"မနေ့ညတည်းက စကားကိုအပြတ်ပြောထားပီးသားလေ....လီဆာရယ်၊ မင်းဘာလို့လူလိုနားမလည်ရတာလဲ"
သိပ်မြတ်နိုးရတဲ့ အမျိုးသမီးဆီက
ဒီလိုစကားမာထန်ထန်တွေ လက်ခံရရှိလိုက်တော့
မောင်ဒီနေရာမှာတင် ယိုင်နဲ့ပြိုလဲမတတ်ဖြစ်သွားရသည်။အိပ်ရာနိုးလာကတည်းက ဆိုးရွာစွာကိုက်ခဲနေတဲ့
ခေါင်းကလည်း ပိုတောင်ဝေဒနာစူးရှလာသည်။ကင်မ့်ရဲ့ ဆေးဆိုးပန်းရိုက်ကင်းစင်နေသည့်
မျက်နှာကြွကြွလေးအား မယုံကြည်နိုင်ခြင်းများစွာနှင့်
မောင် ငေးမောနေမိသည်။မောင်....နောက်ထပ်စကားလုံးတွေမထွက်နိုင်တော့တဲ့အထိ ကင်မ့်စကားတစ်ခွန်းက အကျည်းတန်နေတယ် ကင်မ်ရယ်.....
မောင် ချက်ချင်းပင် မျက်ရည်တွေဝဲတက်လာသည်။
အမြင်အာရုံထဲက ကင်မ်ဟာ ဝေဝါးဝါးဖြစ်လာနေပီ။
![](https://img.wattpad.com/cover/316934355-288-k293601.jpg)
YOU ARE READING
Deĵa Vú (Completed)
FanfictionDo you get Deĵa Vú..... {Error တခုကြောင့် အပိုင်းတွေက အစဥ်တိုင်း မဖြစ်တော့ပဲ ဗျောက်သောက်တွေဖြစ်နေပါတယ်ဗျ.. ကျေးဇူးပြုပီး အပိုင်းနံပါတ်လေးတွေသေချာဖတ်ပီး Fic ကိုဖတ်ပေးကြပါအုံးဗျ...} {Error တခုေၾကာင့္ အပိုင္းေတြက အစဥ္တိုင္း မျဖစ္ေတာ့ပဲ ေဗ်ာက္ေသာက္ေတျြဖ...