بين الماضي و الحاظر

41

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا

جناح عساف..

من عاد للجناح كانت رشا بالحمام تستحم من خرجت دخل هو استحدم ومن بعده اتجه لسرير تمدد جوارها

كانت لاويته ظهرها ليفهم بانها انتبهت لحديثه مع والدته لتعود لغيرتها وزعلها على اتفه سبب..

عساف خفت بهدو/ ماتبين تجين تنامين على صدري؟؟..

رشا ردت بذات الخفوت/ لا..

عساف تنهد ثم سال/ ممكن اعرف السبب؟؟..

رشا بذات الوضعيه/ مافي سبب بس مرتاحه بنومتي كذا...

عساف رفع حاجبه / رشا انا رجال ماحب الف ودوران ممكن تقولين شفيك بضبط؟؟..

رشا بحزم خافت/ مدامك ماتحب الف ولا الدوران فاكيد انك فاهم وش فيني..

عساف بحزم اعمق/ لا ماني فاهم طالعي فيني وانتي تكلمين بدل مانتي موجه للي ظهرك؟؟..

رشا استدارت وهي تنظر به بعيني مشتعله/ طلعت بنت الجيران اسمها جمانه وانت ماترضى حتى امك تكلم عنها؟؟..

عساف ينظر بعينها رد بثقه/ انا ماقلت لا تكلم عنها انا قلت لا تدعي عليها..

رشا فار دمها/ انت تبي تقهرني بكلامك وتفهمني انك تخاف عليها عساف كفايه اهانات..

عساف طارت عينيه/ وشو اهانات قذفتك بكلمه مديت يدي عليك ضريتك بشي؟..

رشا باشتعال/ سويت اللي اكبر منها اول شي بيت امي من تكلمنا عن الوغد مثلت بانك شفقان عليه وبعدين كملت بسيارة تسال عن بنت الجيران قدامي ولا احترمتني..

عساف صد بوجهه وهو يزفر بوف ثم عاد ينظر بها/ترا انتي مكبره الموضوع بزيادة سالفة الوغد كنت ابي ابرر عن تغير وجهك مابي احد يلاحظ وسالفة جمانه ماهو انا اللي سالت مزنه تكلمت عنهم وانفتح الموضوع..

رشا عادت لاويته ظهرها وهي تزفر بقهر مكتوم/ اصلاً عادي ماعاد يهمني يا عساف اسال عنها كثر ماتبي الله يهني سعيد بسعيده..

عساف صمت لدقايق يريد ان يتماسك فهي تكسر خاطره بالعفل ثم اقترب لها..

ادخل ذراعه واحده من تحت كتفيها والثانيه فوق كتفيها ضم ظهرها على صدره بدفى حاني..

انزل شفتيه عند اذنها همس بشحن/ رشا وربي انك تفهمين الامور غلط ماهو بقصدي اضايقك ولا اسال عن اخبار احد لكن سوالف عفويه لا تصيرين دقيقه بكل شي..