بين الماضي و الحاظر

80

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا..

بالمطار..

عساف ومنصور مازالو ينتظرون الخبر الاكيد عن الرحلة الذي سافر بها عزام وجمانه لاي دولة؟..

منصور يخفت بنفاذ صبر/ هذول علامهم من الصباح ننتظر الظاهر انهم مغطين على خويهم..

عساف بتهدئة حازمه/مايقدرون يغطون عليه مسوليه لكن يبون يتاكدون من رحلته خل نتظر شوي..

منصور بضيق شديد/احس اني جالس على نار ابي اعرف وينها بالحقها ورجعها..

عساف ينظر به بذات الحزم/عين خير يا بو جميله وين تلحقه الله هداك؟..

منصور بقهر عميق/لو بالمريخ لحقته..

اتى الموظف/ تفضلو معي بالمكتب..

وقف عساف ومنصور لحق به وجلس الموظف وهو يفتح الجهاز الرحلات المغادرة ليلة البارح..

هتف بثبات/عزام الفاهد وجمانه رواف؟..

منصور باستعجال/ايه وين سافرو؟..

الموظف بحيره/للاسف فيه لخبطه هو طالب رحلة اخلا طبي لندن ولان موجود عندي اسمه واسم زوجته برحلة تركيا..

منصور شدت اعصابه/كيف فهمنا سافر لندن ولا تركيا؟..

الموظف بثقه/ تركيا طبعاً لكن هم عنده حجز رحلة على لندن اخلا طبي..

منصور وقف بصرامه/ احجز للي على تركيا الان..

عساف وقف بصرامه ابلغ/يارجال اعقل وترك عنك التهور تركيا وين تروح فيها شمال ولا غرب وبعدين يمكن يكون طلع لندن من مطار تركيا تر عزام خطير ويدرس كل شي قبل يسويه..

منصور يتمزق بالم/طيب والحل يا عساف اجلس كذا وانا مادري بنت اختي ارضها من سماها؟..

عساف امسك به بحزم خافت/ منصور امش معي لسياره وهناك نفكر بهدو..

منصور يتبعه وعقله يعتصر محاول يبحث عن حل سريع ركب جوار عساف بالمقعد الامامي بصمت..

عساف ادار وجهه له هتف بسياسه حازمه/ ركز معي وخلك هادي ترا عزام ماتصرف كذا عشان يخطفها لا هو محتاج يجلس معها بعيد عن العالم ويتفاهمون بينهم وحنا ما عطيناه فرصه..

منصور ناظر به بعتاب حاد/ تبريه يا عساف عشانه اخوك وانت اكثر واحد توقف بالحق؟..

عساف زفر بثقه/ لا طبعاً انا ما بريه هو اخطا فعلاً ولابد ياخذ جزاه لكن انا اطمنك انت انه مستحيل يضرها هي زوجته ترا واكبر دليل على حبه لها انه رمانا كلنا ورا ظهره عشانها..