بين الماضي و الحاظر

49

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا

الساعه العاشرة ليلاً..

خزنه تسال بثينه باهتمام/ كايد ما عاد للبيت من الصباح هو مداوم اليوم شفتين؟..

بثينه ردت بتحكم/ مادري عنه يا خاله لاني نقلت مستشفى ثاني..

جواهر بصدمه/وشو من متى وليش ماقلتي لنا؟؟..

بثينه بذات التحكم/ ما نقلت الا اليوم وليش اقول؟؟..

جواهر بحزم/ تشاورينا ماهو تسوين شي من راسك..

بثينه ناظرت بها بنصف عين/شي يخصني ماني مجبورة اشاور احد فيه..

جواهر بزفرة/ يخصك ماقلنا شي بس اكيد فيه سبب لنقول؟..

بثينه بحزم رقيق/مافي سبب بس حبيت انقل..

خزنه بتدخل حاني /انتي ادرى يامك سوي اللي يريحك..

جواهر بعدم اقتناع/سوت وخلصت ما شاورت احد ولا تبي تقول لنا السبب بعد؟..

بثينه ترشف من كاس الشاي بصمت تحت انظار جواهر القارصة لها حتى انفتح الباب..

دخل كايد تنحنح/ احم احم..

جواهر تضع الجلال على راسها/حياك كايد..

كايد اتجه لهما وهو صاد النظر انحنى وقبل راس والدته/ مساك الله بالخير..

خزنه بحنان صافي/ مساك النور وينك يامك تو تجي من دوامك؟؟..

كايد بحزم هادئ/كان عندي شغل وتو خلصت منه والان برقى فوق بنام..

خزنه تنظر به/ تعشيت طيب؟؟..

كايد اتجه الدرج/ الحمدلله..

جواهر تنظر في بثينه/ماتبين تلحقين فيه؟؟..

بثينه برود/ لا..

جواهر بصرامه/ عيب عليك قومي واحترمي وجود خالتي على الاقل..

خزنه بهدو/خليها على راحتها يا جواهر..

جواهر بزعل/ مافي شي براحتها قلت لها تقوم تقوم..

بثينه تنهض واقفه باحترام وهي تتجه الدرج/ حاظر هذا انا بروح..

وصلت جناحهما لتصادف كايد خارج من الحمام وبيده يحمل فوطه صغيرة يجفف وجهه بها..

وقف وعينيه مرتكزه بها بعتاب مشتعل ما فعلته من نقول وعدم تجاوبها معه بعد تنازلاته وجع لا ينسى..