بين الماضي و الحاظر

24

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا...

عساف من بعد ما اغلق مكتبه وانتهى من تصفية الحسابات كان بسياره بطريقه للبيت..

مفكر ان يرتاح قليلاً ماقبل المغرب لجل يحظر مع والده ومنصور زواج لابن ربيع رجل اعمال معروف...

ومن بعده يتجه لعناية الرجل كي يجهز نفسه قبل ليلة زفافه واستقبال ضيوفه...

قطع مخططاته رن هاتفه انقبض قلبه بشدة وهو يرا اسم رشاء يضي الشاشه...

من فتره قصيره لم ترد على اتصالاته ورسايله لماذا اليوم بذات اتصلت به؟؟..

من معرفته بها يعلم جيداً انها من المستحيل تتصل قبل زواجهما بليلة حياها الفطري يمنعها؟...

عساف رد بتوجس متماسك/ هلابك..

اتاه صوت انتصار الرزين /مساءالخير اخبارك...

عساف شعر بعدم راحه لكنه رد بثبات مدروس/ مساء النور بخير انتي اخبارك واخبار رشا؟...

انتصار ردت بنبرة متعبه/ انا بخير بس رشا والله انها ماهي بخير وهذا اللي خلاني اتصل فيك..

عساف انتفض باهتمام صادق / ليش شفيها رشا؟...

انتصار بذات النبره المتعبه/ يامك لها كم يوم طريحة الفراش من الحمى وديتها للمستشفى يعطونها خافظ حراره وتحسن بانهار لاجا اليل عادت تنتفض..

عساف زفر بعتاب شبه غاضب/ وليش ما اعطيتيني خبر من بدري ياعمه الحين وش يمدي نسوي؟؟..

انتصار ردت بحرج شديد/ والله انها هي اللي حرصت علي ماقول وعلى العموم انا ماقصد تاجيل العرس لا وانا عمتك ابي بس تعذرونها عن الزفه قدام الناس ماضنتي تقدر عليها..

عساف بنبرة غاضبه / انا مافكرت بالناس ولا بمهم تنزف لهم لاكن من الاصول اني ادري بمرضها عشان اجل العرس كله لين تطيب..

انتصار باعتذار محرج / يامك العذر من الله ثم منك والله مادري كيف طاوعتها ولا تكلمت..

عساف تنهد بطولة بال/ اللي صار صار المهم الحين شلونها؟..

انتصار بهدو / شوي تعبانه بس اشوى من البارح...

عساف بحزم / خلاص بجي اخذكم لمستشفى خاص يهتمون فيها لين تحسن حالتها..

انتصار برفض هادئ/ لا يامك ماله داعي وبعدين بنتي واعرفها والله ماتروح لونها بتموت..

عساف يعلم ذالك انها مستحيل تروح معه بهذا الوقت هتف بثقه /خلاص انا برسل لكم دكتورة شاطره للبيت تعالجها و تهتم فيها..