بين الماضي و الحاظر

82

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا..

مليحه تقبل خد فهود بموده/يالله تحييه نورت بيتك..

رشا تبتسم بعذوبه/النور نورك يا الغاليه..

مليحه تنظر بها بذات الموده/الحمدلله اللي اصلح بينكم كنت مفكره بعد الحفل امر عليك لكن الظروف ما سمحت..

رشا باحترام عميق/حنا نجيك يومه ما يحتاج تعنين..

مليحه عادت تقبل فهود برقه/جيتكم مثل المطر على قلبي..

انفتح الباب ودخل مزنه تقدمت و سلمت على رشا ومن ثم قبلة راس مليحه وقبلة خد فهود ببتسامه..

جلست وهي تنظر رشا بهدؤ/مادريت انك هنيه يالله تحييها..

رشا هتفت بنعومه/الله يبارك فيك جابني عساف وسافر..

مزنه ناظرت في مليحه بتسال سريع/يومه صدق عساف عرف مكان عزام و جمانه تو قال للي منصور بس ماصدقت جيت على طول اسالكم؟...

مليحه تنهد بعمق/يقول ان واحد من خوياه بسفارة عرف مكانهم..

مزنه زفرت بضيق/ياربي كان مادرا عزام وشرد من تركيا..

مليحه سالت بهتمام/الا شلون العنود عسى ماهي تعبانه؟..

مزنه تنهدت برحمه/لا ماشاءالله عليها ماتوقعتها كذا صابره وتقول مدام جمانه مع زوجها ماعليها خوف..

رشا بتسال حذر/ليش وش السالفه عزام في شي؟..

مزنه تنظر بها بغرابه/عساف ماقال لك؟..

رشا توترت بالفعل/الا قال للي بس انا ماركزت عليه؟..

مزنه زفرت بعفويه/عزام الله هداه خطف جمانه يوم الحفل وسافر لتركيا وهلها زعلانين وعساف واعدهم يرجعها..

رشا تكتم غضبها وتستفسر بهدؤ غريب/طيب ليش يخطفها وش حاده؟..

مزنه بذات العفويه/هي رفعت عليه طلاق وهو انقهر وقام خطفها الله يصلحه..

مليحه لم يفتها علامات الصدمه والغيرة على تعابير وجه رشا لتفهم بان عساف لم يخبرها بشيء؟..

لذالك نحرت مزنه بان تصمت/خلاص سكرو الموضوع وعساف راح عشان ابوه طلبه ولا يبي يرد مطلبه..

رشا صمتت وهي من داخل تحترق كيف يفعل ذالك لم يقول لها سافر من اجل يحمي جمانه ويعود بها؟

لم يقتنع بانها تزوجت يريد يهدم حياة شقيقه من اجل عشقه لجمانة بانت حقارتك و وقاحتك يا عساف!!..