بين الماضي و الحاظر

31

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا...

عزام قطع الاشارة الحمرا وكانت سيارة تاتي من اليمين

لياتيه صراخ جمانه العالي المرعوب/لا عزااام..

عزام ضع ذراعه على صدرها كي يثبتها ويحميها وعينيه على الطريق لف السيارة يسارا اوقفها بقوه...

استدار ينظر بها وهو يسال برعب / جمانه فيك شي؟؟..

جمانه كانت مغلقه عينيها وكفيها على اذونها وهي تلقي الشهادة بنفسها لم تتخيل انها سوفا تنجو..

عزام امسك كفيها وهو يعيد السوال/ جمانه شفيك تحسين بشي دوخه؟؟..

جمانه فتحت عينيها وهي تنظر للشارع وتعود تنظر عزام بذهول حقيقي كيف نجت من الموت!!...

ماكان بينها وبينه الا شعره هي متاكده رات السياره امامهما وقريبه جداً لهما اين اختفت؟؟..

زفرت بقهر متفجر / مجنون مجنون ما ترتاح لين تنهى حياتي لو مت معك بسيارة وش تبي تكون ردة فعل اهلي من يفهمهم اننا متزوجين؟؟..

عزام ابتسم هذا الحادث امتص غضبه/ انا ابلغهم لا تخافين..

جمانه صرخت بشدة/ احر ماعندي ابرد ماعندك لو مت معي يا مجنون؟؟..

عزام ينظر بعينيه بخبث/ ابوك في البركه يعود من السفر ويبلغهم ومزنه تدري ماعليك ماحد اكل لحمك وانتي ميته..

جمانه زفرت بقهر متراكم/ لحمي اكلته انت وانا حيه وتبي الناس تاكله وانا ميته بس انا ماراح اسمح لك لا هنيه وبس..

عزام حرك السيارة وهو يرد بحزم بالغ/خلينا من لحمك وقولي للي وش يبي الكلب ولد عمك جاي لدوامك؟..

استدار ينظر بها وهو يردف بحده/ لا تكذبين علي قولي الصدق احسن لك وله..؟؟

جمانه ردت بذات الحده/ وليش اكذب ان شاءالله ليكون متوقع باني خايفه منك؟؟..

عزام ينظر لطريقة / اي واضح مانتي خايفه واللي قبل شوي ترتعد وترجا منهي ليكون شبح لك؟؟..

جمانه هزت كتفيها بثقه/ ماهو معناته خوف منك كثر ماهو خوف على سمعتي اللي كنت ناوي تدمرها بسبب غيرتك..

عزام ناظر بها لن يخفيه رصها على كلمة غيرتك لتثير غضبه من جديد...

وهو يصر على اسنانه / اغار عليك انتي هاذي حلم بيلس بالجنه لكني اغار على محارمي ايه وبشدة بعد ولا سمح لك ولا لولد عمك تعدون حدودكم..