بين الماضي و الحاظر

71

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا..

بعد سبوع..

جمانه منذا ساعه تحاول تقنع منصور بان يوقف في صفها فهي حقاً لا تريد العوده لعزام..

منصور ناظر بها بحزم/ انتي متاكده من قرارك جمانه ترا ان جينا لاصدق عزام رجال نشمي وفيه الخير بس عيبه التهور والعصبيه..

جمانه بحزم رقيق/ ياخالي عيوب عزام كثيرة بس انتم تشوفون الظاهر انا كنت اصادفه ايام معدوده وبكل مره نتهاوش ما يناسب فكري هو عصبي وانا عنيده كيف لو نتقابل بيت واحد نتذابح؟..

منصور هتفت بجديه/ مع العشره راح تغيرون واحد منكم يتنازل عشان الثاني وانا خالك لا تستعجلين بطلاق فكري..

العنود زفرت بحرقه/ خالك صادق يامك ترا العمر يمشي و معاد انتي صغيرة اللي بعمرك معها عيال ارجعي لعزام كاد الله يصلح حالكم وتجيبون لكم ورعن يسد افواهكم..

جمانه تنظر بها بتعجب/ يومه اللي يسمعك يقول الحياة واقفه عليه لو طلقني بطيح بكبدك؟..

العنود بصرامه/ انا ماقلت تطيحين بكبدي ادري ان بيجي نصيبك وكلن يتمناك لكن الحق لله انه هو من يستحقك كان ربي خالقه لك خص نص..

منصور كمل معها/ اي بالله ان امك صادقه انتي ماشاءالله مزيونه وهو مزيون انتي مثقفه هو مثقف شخصيتك قويه وهو شخصيته قويه كيف تقولين مو متطابقه افكارك مع بعض؟..

جمانه توقف بنفاذ صبر/ مابيه ماهو غصب وعلمه يا خالي يطلق بطيب ولا بروح المحكمه يطلقوني منه بالغصب ترا انا للحين ساكته احترام لمزنه فقط..

منصور يناظر بها وهي تبتعد بزعل ليعود ينظر في العنود/ بنتك علامها صايرة شرار ما تنكلم؟..

العنود تنهدت بضيق/ ما تنلام رواف ماخلا فيها عقل اول بلاها بولد اخوه وبعدين بديونه وبعده جاب لها عزام وبتلشت بشره..

منصور بتسال حازم/ انتي مقتنعه بطلاقها من عزام؟..

العنود بصدق/ لا بالله ودي ترجع له هو اللي يستاهلها بعد هالصبر..

منصور ينهض واقف/ اجل انا لاشفته بكلمه يصبر عليها لين يلين راسها وتسمع نصيحتنا..

العنود بموده/ زين تسوي المهم وين رايح تعش عندنا؟..

منصور قبل راسها بتقدير/ تعش عندك العافيه معزوم عند رجال تمسي على خير..

————————————————————