بين الماضي و الحاظر

84

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا..

رشا حكت لوالدتها ماحدث من عساف بقهر وغل تنتظر عودته كي تنتقم منه وتنحره كما نحرها تماماً..

هذا الحل الوحيد بنسبه لها الانتقام جرحها كثير منذا تزوجته وجمانه عالقه بحياتهما حتى وهي بذمة رجل اخر؟..

انتصار حاولت تقنعها بانه كبير العائلة ولابد ان يساعد والديه ويلحق بشقيقه بما انه خاطف البنت فعلاً..

لكن رشا لم تقتنع مركز بعقلها انه خاين وليسا له طب من حب مراهقته وهي لاتريد العيش معه بعد ذالك..

انتصار تنهدت بحيره/يا بنتي كذا مايصير تقفلين جوالك ترا كل يوم يدق علي يسال عنك وعن فهد؟..

رشا بعدم اهتمام/قصدك يسال اذا رحت الحفل ولالا كل هذا همه لكن يستاهل اني كسرت كلمته ورحت..

انتصار زفرت بحزم/لا طبعاً ما كسرتي كلمته وهو من كلمني وقال خليها تروح كان تبي لو مارضى ماخليتك حرام تطلعين من البيت من غير علم زوجك..

رشا ترص على الكلمه بغل/الله وزوج العاشق الولهان لحب المراهقه يومه خلاص لاعت كبدي منه ومن طاريه لاعاد تكلمين فيه..

انتصار هزت راسها بياس/ياربي والله مادري وش فيكم تصالحون يومين وتزعلون شهور انا مستغربه فهود كيف جا واغلب وقتكم هجر..

رشا احمر وجها بخجل/يومه الله هداك وش ذا الكلام؟..

انتصار تبتسم بلطف/والله اني صادقه ليله تنامين عنده وشهور تطمحين عندي يا دافع؟..

رشا ببتسامة مشابهه/اجل وش تبيني اسوي ازعل ونام معه؟..

انتصار هتفت بجديه/اي والله هذا المفروض حنا اول كذا لا زعلت المره من رجلها ما تنحاش وتترك بيته وفراشه حرام وعيب تجلس عنده وهو يرضيها..

رشا كشرت ملامحها/ماعندهم كرامه حريم اول سراحه..

انتصار عطتها نظره قارصه/مخلين الكرامه لجيل الوراعين اللي انتي منهم..

رشا اتسعت عينيها/انا ورع افا يومه افا؟..

انتصار ترشف من كاس الشاي برود/اي والله لونك مره عاقله ما هاذي فعلتك كل ما زعلتي من رجلك قلتي طلقني اخذه الدنيا لعب بزران..

رشا تهز كتفيها بزفره/لاني فعلاً ابي الطلاق..

انتصار رفعت حاجبيها بتعجب/وفهد مافكرتي فيه من يربيه مشتت بينك وبين ابوه ومرت الاب؟..