بين الماضي و الحاظر

68

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا..

يوم جديد..

كايد ينظر في انحاء جناح الفندق بتسال دقيق/ اكيد خذتي كل اغراضك مو لا وصلت المطار قلتي نسيت شي ولا شي ترا ماراح ارجع؟..

بثينه ترتدي نقابها امام المراءه/ لا ان شاءالله مانسيت شي ولو نسيت ترجع تجيبه وش وراك؟..

كايد اقترب لها وقف خلفها وهو يعدل شعره وينظر بالمراءه/ وراي رحله على سويسرا اذا تاخرنا عليها طارت؟..

بثينه كانت تنظر بصورة العاكسه امامها بالمراءه بتفحص كيف ان استثنائي برجولته واناقته المبهره..

كايد رفع حاجبه/ علامك تطالعين فيني كذا فيني شي غلط؟؟..

بثينه استدارت وهي ترفع راسها لطوله كي تنظر بعينيه/ انت ليش دقيق بلبسك وشعرك و عطوراتك تحب تلفت الانتباه؟؟..

كايد قطب بشده/ وشو؟؟..

بثينه تنهدت بضيق وهي تصد عنه/ تاخرنا يلا نمشي..

كايد امسك وجها وادارها له/ عيدي وش قلتي؟؟..

بثينه تنظره بعيني منفعله من تحت النقاب/ اللي سمعته..

كايد مال من طوله وهمس لها بحده/ ماهو انا اللي يحب يلفت الانتباه هذي شخصيتي من وانا صغير اهتم بادق التفاصيل اذا نسيتي اذكرك؟..

بثينه لاتعلم لماذا ولعت بالغيرة من اتت مكه وهي تراه عميق الترتيب والتالق لايخرج الا على اكمل صوره.

زفرت بغيظ/ لا ماكنت كذا بس الظاهر السنين اللي قضيتها بالغربه غيرتك كثير..

كايد طارت عينيه/ انتي شفيك اليوم تنبشين العلوم؟؟..

بثينه تبتعد عنه حملت شنطتها اليدويه بزفرة/ تاخرنا..

كايد تنهد بطولة بال/ دقيقه بنادي الموظف يشيل شنطنا..

—————————————————————-

عساف عجز ان يسيطر على لهفته لرؤية رشا وابنه فهد اكثر من يومين تبخرت قراراته منذا يقتحمان خياله..

فتح الباب الخارجي ودخل وهو يتنحنح معلن وصوله/احم احم يا اهل الدار؟..

انتصار اقتربت له مرحبه ببتسامه/ ياهلا حي الله ابو فهد من طول الغيبات جاب الغنايم..

عساف اقترب قبل راسها ببتسامه/ ابقاك الله شلونك عساك طيبه..

انتصار بموده/ طيبه طاب حالك اقلط عند فهود يدور ابوه وانا بروح المطبخ اجيب القهوه..