بين الماضي و الحاظر

12

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا...

الساعه 11 ليلاً ...

جواهر ماقدرت بان تصبر اكثر فبثينه من خرجت من البيت من غير علمها ماردت على اتصالاتها ؟؟...

و حساسها كاخت بان حصل بينها وبين كايد نقاش

حاد لذالك ماترد عليها ؟؟...

كانت بتطلب السواق يوصلها لاطمئنان على اختها لاكنه كان نايم بالوقت هذا ...

فاضطرت تتصل بحامد وطلبته من بعد مايعود من الاستراحه ياخذها لبثينة ضروري ...

وهذا هم بسياره متوجهين لبيت مخلد من بعد مافهم

حامد من جواهر السالفه كاملا؟...

تنهد بضيقه / لاحول ولاقوة الا بالله هذول متى يرتاحون ويريحونا ما يشبعون من المشاكل ؟؟..

جواهر زفرت بغيظ / سراحه اخوك هذا ماعنده رحمه يوم اقترب الزواج لازم يسوي سالفه و ينكد علينا ؟؟..

حامد لف لها بحزم / عاد اختك اللي عندها رحمه راكبه راسها ورافضه لاتترك ذا الطب اللي ماشفنا من وراه الا المشاكل ..

جواهر ردت بغيظ اعمق / وهو ليش مايخلي الطب حلال عليه وحرام عليها الا قول بيفرض رايه بالقوه مايرتاح لين يعذبها ...

حامد صفط سيارته امام بيت مخلد بعصبيه / اقول انزلي شوفيها خلصيني برجع انام وراي دوام ماني فاضي لاختك ماكن عندنا شغل غيرها..

جواهر ناظرته بزعل / كذا يا حامد صرت مثل ابوك وخوك ما ترحمون احد ماهي مرضانه من خلا الا من تحت راس اخوك بس ماقول الا حسبي الله ونعم الوكيل فيه ...

حامد شد يدها بقوه قبل ان تنزل / لاتحسبين يا جواهر ترا والله ما تلومين الا نفسك لو سمعتك مره ثانيه متحسبه عليه...

جواهر ماردت نزلت وهي تغلي من القهر ما يفعله هو واخوه غير لايق لا بحق ولا بشرع ...

فاختها ماسوت شياً يغضب ربها فهي حققت امنيتها منذا الصغر بان تكون طبيبه بيحرمونها من حق نفسها عليها ؟؟...

طقت الباب شوي وفتح لها مخلد وهو قاطب جبينه بغرابه و عيونه بدات بالاحمرار من شدت الحمية ..

كل مادار باله بانها شارده من حامد باخر اليل فوالله ليقوم قيامتهم وتبين العاصفه بعد الهدو؟؟..

سالها بحده / وش مسوي فيك ؟؟..

جواهر قطبت بغرابه اعمق/ منو ؟؟..