بين الماضي و الحاظر

85

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا..

بثينه تدخل جناحها من بعد ما وصلها كايد وغادر قلبها ارتاح من ناحيت سلامة نبض جنينها..

لكنها تضايقت من ناحيت كايد الغاضب حتى وهي تسولف عليه طول الطريق كانا صاد عنها بزعل وضيق.

بثينه تعترف انها بدات تنفعل على اتفه سبب وكايد بدا يتجاهل كلامها وفعالها لكن واضح بانها مضايقته جداً.

قررت تصحح خطاها وتبادر بالاصلاح هذي المره اول مافعلت اتصلت على جواهر تطلب منها مساعده..

جواهر تدخل الجناح ببتسامه/شعندها الاخت اليوم ناويه على الحفلات والرومانسيه؟..

بثينه كانت جالسه على الاريكه هتفت بضيق/زعلته علي اليوم حيل وابي اسوي له جو رومانسي واعتذر منه..

جواهر تجلس جوارها هتفت بحنو/زين تسوين صححي خطاك و اعتذري بطريقه ذربه لين يكبر عقلك وتنسين الماضي..

بثينه تنهد بتعب اقرب للحزن/حاولت جواهر بس كل ماشوفه يداوم ودي افصله مثل ما فصلني اليوم رحت المستشفى والله اني عجزت حتى لامر قريب مكتبي..

جواهر من رات دموع بثينه بدات تنزل حضنت كتفيها بحنان/يا قلبي ربك اخذ وعطا عوضك بالحمل يجي ولدك وينسيك كل مامضى..

بثينه ضعت راسها على كتف جواهر خفتت بالم/الله يسمع منك مرات اتمنى افقد الذاكره عشان ارتاح..

جواهر انتفضت بجزع/لا تكفين لا تفاولين على نفسك مافي شي يستاهل..

بثينه تبتعد وتنظر بها بسكون موجع/وقلبي ماهو مرتاح لغياب جمانه لاحد الان ما تصلت علي؟..

جواهر بحزم هادئ/خلاص امها طمنتك عليها وهي ادرى بنتها بعدين يمكن ما معها وقت تتصل عليك..

بثينه تنهد بعمق/طيب قومي خلي نرتب عسان يمدي اسبح وتكشخ قبل يجي..

جواهر تضحك بلطف/كني غرت بروح اسوي حفله لحامد..

بثينه تضرب فخذها ببتسامه ذابله/اول ساعديني بعدين روحي احتفلي على كيفك..

———————————————————-

بطائره..

كانا عزام جالس بالمعقد المجاور لجمانة شابك انامله باناملها شاد عليها بقوه وكنها سوفا تضيع لو افلتها...

جمانه لم تمنعه با لعكس كانت متجاوبه معه وعينيها تراقبه وهو مغلق عينيه وساند راسه على الوساده..