بين الماضي و الحاظر

90

صباح الخير..كيفكم؟..حبايب قلبي بعد ذا البارت بعتذر منكم الى بعد العيد ورجع اكمل معكم باقي البارتات..مارح اطول عليكم باذن الله تعالى..لكني بطلب منكم طلب صغير..لا تنسوني انا و والدي من خالص دعائكم بيوم عرفة..وكل عام وانتم بخير مقدماً..

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا..

بثينه اليله من اسعد اليالي عندها واخيراً ستحظر زفاف صديقة عمرها من بعد شقى وعنى طويل..

لكنها احتارت ماذا تلبس تمنت يكون الزواج قبل ان تحمل لكن لم يهم ذالك بما ان بطنها لم يكبر ويوضح

ارتدت فستان ناعم من عند الصدر ضيق ومن تحت الخصر كلوش يوصل نصف الساق بالون الزهري غامق

شعرها عملت له تكسير ميكب هادى مع روج فاقع بالزهري وهي تقف امام المراءه فاتنه رائعه انيقه..

كايد اطل معها عبر المراءه وهو يعدل نسفة شماغه ويهتف بحزم هادئ/بثينه انا سبق وتدخلت بلبسك؟..

بثينه نظرت في انعكاس صورته بغرابه/لا ليش؟..

كايد بذات الحزم/اشوف لبسك مره قصير ماله داعي وبعدين الكعب عالي مظر لك وللجنين؟..

بثينه هتفت بعذوبه/ترا كلها كم ساعه ورجع وبعدين مافي احد عرس خاص وانا طول الوقت اكون جالسه..

كايد هز راسه بتفهم/ابد اللي يعجبك بس عاد انتبهي لنفسك..

بثينه استدارت وهي تهتف بتقصد/احسن شي انك مثقف ومانت شديد بالبس الظاهر الغربه لها فايده وانا مادري؟..

كايد سال بتوجس/وش قصدك؟..

بثينه بهدو عميق/زوجتك كانت تلبس كذا؟..

كايد زفر بضيق/بثينه الف مره قلت لك لا تنبشين الماضي شفيك ماتفهمين؟..

بثينه هزت كتفيها برود/ما نبشت شي مجرد سوال لكن انت صاير منفعل..

كايد تافف بضيق اعمق/الحين انتي جاهزه نمشي؟..

بثينه علقت انظارها فيه/ايه جاهزة..

كايد بادلها النظرات بصمت يعلم بانها تقاوم غيرتها ويعلم بانه هو يقاوم غضبه بالاخير يهدا لعيونها..

بثينه تضارب مشاعرها من تتذكر بانه كان متزوج وبذات بعد ما تحسنت الاوضاع بينهما زادت الغيرة..

كايد يفتح يديه لها/تعالي ضميني..

بثينه تاشر على شفتيها/راح اوسخ ثوبك بروج..