بين الماضي و الحاظر

65

(ادعو لوالدي برحمه والمغفره )

في ظلام الليل والصمت المهيب...

ذكريات تزورنا ونشغل بالنا ..

تجعل الماضي من الحاظر قريب...

وتستعيد قلوبنا قصة لنا...

قصة عشناها نظن فيها نصيب...

والحقيقة مات فيها حلمنا

يوم جديد..

مليحه تضع بصحن عزام قطعه من الحلوى/ تحلى يامك من انعام ربك لك سبع شهور على هالمغذيات..

عزام يرشف من فنجاله ثم هتف بحنو/ ياروحي يومه ترا انا بخير لاتفكرين بسبع الشهور اللي راحت انسيها..

فهد تنهد بعمق/ والله يابوك لو حاولنا ننساها مانقدر اصعب الايام اللي مرت علينا طيحتك بالمستشفى..

عزام برحمه/ اختبار صبر من الله والحمدلله هذا انا عندكم وبخير..

مليحه بموده/ اي والله يستاهل الحمد المهم انا ابي اسوي سلامتك شوفو الوقت المناسب وبعزم القريب والبعيد..

فهد بحزم هادئ/ لا تستعجلين نبي نسوي تمايم ولد عساف معه..

مليحه قطبت/ تمايم ولد عساف توه ننتظر امه لين تخلص الاربعين..

فهد بحزم اعمق واهدا/ عادي ننتظرها ونسويه مره وحده ولا شرايك يا عزام؟..

عزام هز كتفيه/ ابد اللي تبونه الراي رايك انت وامي..

عساف ينزل الدرج وهو يعدل نسفة شماغه تقدم لهما بهيبته المعتاده قبل راس والده ومن ثم والدته وجلس

مليحه تهتف ببتسامه/ وهذا ابو الولد جاء الشور شوره..

عساف يحمل ترمس القهوه و يصب له فنجال/ شوري با ايش؟؟..

فهد بموده/ اقول لها تخلي سلامة عزام مع تمايم ولدك بيوم واحد ماهو احسن؟؟..

عساف ناظر والدته/ الا والله احسن وانتي عاد بكيفك امري وحنا نلبي..

مليحه بحب صادق/ يالبى قلوبكم لاحرمني الله لا منكم ولا من ابوكم ابد اللي تبونه..

فهد ابتسم/ ولا يحرمنا منك يالغاليه..

عزام بخبث/ ما كبرتو على الغزل وقدامنا بعد؟..

فهد مازال يبتسم/ لا تونا صغار لا تحسب اننا صرنا اجداد من ولد عساف ومزنه..

عساف ابتسم بتقدير/ احلى اجداد انتم من حظ فهود وعزام وانتم اجدادهم..

مليحه تنظر عزام بتقصد/ عقبال نصير اجداد لعيال عزام..

عزام رشف فنجاله كانت حرارته كا الجمره تذوب بلاعيمه وهو يصد النظر عن عساف مازال محرج منه

عساف فهم عليه وهو يبتسم بتصنع/ عاد ولد عزام عندك يا يومه اتوقع ان غلاه غير عن غلا عيالنا؟..