-مرت ثلاث ايام ...نعم ايام الجنازة كانت الناس تاتى وتذهب وهى مكانها لا تحس بشئ .أولادها حولها يبكون تارة أو ينامون من كثرة البكاء أيضا...لم يعد أحد من حولها ....ولكن أين حكيم فقد اختفى ولم يظهر ....كانت عندما تفوق من توهتها تسأل الشيخ عبدالله وهو ليس معه غير رد واحد معرفش يابتى ....
-بتسأل فى نفسها ماذا حدث له ،هل عرف بموت جدها ،فطوال مدة زواجها وهو لم يتأخر عنها غير بعض الأسابيع التى كان يذهب بها لا تعلم اين ولكنها تظل اسابيع...ولكن الآن اين هو ....
الشيخ عبد الله
جبرية يابتى ...جبرية مش اكدة لازم تفوقى عيالك شوفى عاملين اذاى ..
-لتنظر له بعيون زايغة ...
جبرية
ليه ..ليه يموت ويسيبنى لحالى؟
الشيخ عبدالله
واه ...ليه اكدة ..استغفر الله العظيم عمره يابتى ...
جبرية
يسبنى لحالى ...
الشيخ عبدالله بجدية
عمرى ما شفتك اكدة وبعدين فين حكيم؟
جبرية بتوهان
معرفش ...معرفش تليفونه اتقفل ولا عارفه راح وين ولا عرف ولا معرفش ...انا مش فاهمة حاجة واصل ....كل إللى اعرفه جدى مات ...سندى مات ..بقيت لوحدى..
الشيخ عبد الله
ليه أكدة جوزك راح واين..ربنا يخليهولك ..دا جدك جوزك لحكيم عشان يوم ذى دا ....
-ليخبط الباب..ليفتح ايهم بسرعة ...لينظروا ليجدوا....
العمدة ومعه حربى (هل تتذكرونه)نعم هو الذى حاول كثيرا الاعتداء على جبرية ومعه رجاله ..ليقف الشيخ عبد الله...
العمدة
السلام عليكم.
الشيخ عبدالله
وعليكم السلام .
العمدة
البقية فى حياتك ياجبرية .
جبرية بقوة
ام وبعدين ..والكلب دى ايه إللى جابه اهنه ؟
حربى
واه حد يرد على عمدته اكدة ..وهو جاى يعمل الواجب.
الشيخ عبد الله
معلش يا عمدة انت عارف جدها كان غالى كيف ؟
العمدة
ولا يهمها.
حربى
وبعد اكدة الكلب قصدك انا ياعنى امال سيد الرجالة وين ؟
-لتهب بسرعة جبرية وتسرع وتمسكة من ياقتة قميصه...
جبرية
بتلقح حديدك على مين ياكلب انت ؟
حربى بسخرية
هيكون مين ..الراجل إللى اتجوزتيه قدام الكل وقولتى عليه سيد الرجالة وهو واحد خسيس الشيطان ذاته ..
جبرية
اخرس قطع لسانك .
الشيخ عبدالله
برضوا اكدة يا عمدة شوف راجلك.
العمدة بسخرية
بص ياجبرية يابتى من غير حديد كتير واشوف ولا تشوفى..انا جاى النهاردة اعمل الواجب وبعد اكدة عايز حقى ...
جبرية باستغراب
نعم ..حقك فى ايه ؟
العمدة
عاوزك تسلميلى الجنايين ياجبرية ...انا ممكن اروح واخدها عادى ..
جبرية بجدية
استنى بس .جنايين ميين دى؟
العمدة
جناينيك ياجبرية.
حربى بسخرية
ماهو سيد الرجالة باع للعمدة ارضك مش انتى برضوا عملتيلوا توكيل ب اكدة.
-لتنتفض جبرية وهى تنقل نظرها بينهما ....عن من يتكلمون عن زوجها حكيم..لتنظر إلى الشيخ عبد الله..
الشيخ عبدالله
هو مين دا يا عمدة إللى باع ؟
حربى بقوة
حكيم ..احنا بنتكلم عن حكيم جوز المحروسه...
الشيخ عبد الله بنفضه
محصلش حكيم مايعملش اكدة واصل ..
أنت تقرأ
جبريه
General Fictionهى انا امرأة لا انحنى إلا فى صلاتى ولا أصمت إلا عندما ينعدم كلامى . ولك إحذر عندما ابدأ فى إنفعلاتى فلا يهمنى شىء سوا أن أنهى مأساتى !!!!!!!!!!!!!! هو ستظل أمنيتى أن استيقظ من نومى وأجد يدك تحيط بى ....... ولكن أنا ..الذى كسرتك واصبح الغريب غالى...
