فى غرفة سيف
-كانوا يجلسون امام الشاشة امام فيلم رومانسى ليتذكر سيف الآتى.....
Flashback
سيف
حور انتى عايزا ايه منى يابت الحلال ؟
حور
ليه بتقول كدا ؟
سيف
لان إللى بتعمليه دا مش بيحصل غير لما واحدة تكون عايزا تكمل او بتحب إللى قصادها ..
حور
وانت ايه رايك ؟
سيف
حور قولتهولك قبل سابق انا بحبك من ساعت ما شوفتك ..ياعنى عايزك تبقى مرتى ...وعايز احس انك عايزانى ذى ما انا عاوزك مش حكاية طار وخلاص ..
حور بتنهيده
وانا قولتلك قبل كدا انا هديك فرصة واتنين ومش هكذب من حقى اختبرك ...لانى فى الاخر هديك قلبى و قلبى غالى عليا قوى ...ولغاية ما اثق فيك لازم تستحملنى .اما بالنسبة إللى بعمله .. فعلا يا سيف ماما بتعمل كدا مع بابا وانا حبيت اعمل كدا علشان دا يبقى الخطوة الأولى ومنى كمان..فهمت
سيف بابتسامة
اممم ..طيب اسالك سؤال وعايز إجابة..
حور
قول
سيف
اذا فى يوم اكتشفتى انى بمثل هتعملى ايه؟
حور ببرود
هخلع قلبى بايدى وارميه تحت رجلى ...ومش هسمح انه يذلنى...حور ذى جبرية ...بس فى فرق أن جبرية نسيت تارها مع حكيم واكتفت باللى شفى جرحها اما انا وعد منى لو عملت كدا مش هوجعك وبس لا هخليك تكره نفسك من إللى هعمله فيك .....
سيف
واه ..واعره قوى يابت خالى.
حور بتنهيده
سيف هطلب منك اول طلب؟
سيف
عيونى
حور
بلاش بنت خالى .انا بنت جبرية وشمس ...وياريت لا دلوقت ولا بعدين تنسى كدا ..لأنك كل ما تفكرنى انا بجد بتعب. ممكن...
-ليهز رأسه بنعم ولكن ما أصعب الوجع عند خاله فابنته قد ورثت منه العند و أكثر...
-ليمر اليوم معا ..يتحدثون فى كل شئ يتعرفون معا على بعضهم ..
- back
-ليفوق على صوت حور
حور
سيف ...
سيف
ايوة .
حور
بنده عليك كتير ...
سيف
معلش سرحت شوية .
حور
سيف ممكن اسالك سؤال ؟
سيف
اممم
حور
هى ليه مامت ودرد مش شايفاها..
سيف بوجع
لانى جدتى محرمه عليها تقعد هى ولا ورد..وديما فى اوضتها...
حور
نعم
سيف
بلاش ياحور خالتى نوارة ولا ورد دلوقيتى ..كفاية كل ما اشوفهم ولا افتكر ايه إلى بيحصل معاهم بحس بالعجز..
-لتراه أمامه يتألم....لتتنهد وترجع إلى الفيلم مرة أخرى...
حور
طول ما انت موجوع كدا .شوف إللى يريحك واعمله لان ربنا بيحاسب كل واحد لوحده ...
-لينظر لها ويغمض عينيه ...ليهمس بداخله ..مش هما وبس لع واخواتى كمان بس ما اقدرش اعمل حاجة......لتمر الليلة عليهم بحلوها ومرها...
فى الصباح
-استيقظت ورد ..لتجد نفسها بجوار ايهم ..لتخجل .. وتسرع وتخرج من السرير..صلت ونزلت إلى المطبخ ..
لتجد سعده ..لتضمها وتقبلها
ورد
صباح الخير .
سعده
صباح النور على البنور...
ورد
انا مش فاهمة ايه إللى حوصل امبارح ولا ايهم زعل ليه؟
سعده بجدية
ايهم قالك انزلى اشتغلى فى المطبخ ياورد.
ورد
لع
سعده
هو قالك اعملى ذى إللى كنتى بتعمليه فى بيتكم ..و مكنش يعرف أن صالحة بتخليكى تعملى اكدة.علشان اكدة انا زعلت منه لما سمعتك.
ورد بابتسامة
والله ما زعلانه منه ..ايوة كنت بزعل زمان بس دلوقيت لع..
سعده باستغراب
ليه يابتى .المفروض تزعلى ..
ورد بحزن
لو قولتلك عندى استعداد اشتغل خدامه طول عمرى بس اعيش فى هدوء ...
سعده
مش فاهمة ؟
ورد بالم
مش مهم .المهم هنعمل ايه دلوقيتى؟
سعده بجدية
مش هتعملى حاجة واصل فاهمة ..
ورد بزعل
طيب .ماشى ..
سعده
ما متزعليش يابتى ..انا بعمل الصالح ليكى .
ورد
طيب بصى اولا انا مكنتش هعمل حاجة علشان ايهم ما يزعلش..
سعده بخبث ويغمز لها
ايهم ما يزعلش ررضيك.
ورد بوجع
انا فين وايهم فين وبعد اكدة انا وانتى والكل عارف الاتفاق .يبقى بتعملى ليه اكدة .
سعده
ياعنى ايه انتى فين وهو فين .ايه الحديد دا ..
ورد بمرح
بصى بقى سيبك من كل الحديد دا ...انا لغاية ما فارس يشوف هيخدنى فين .انا مقدرش ازعل ايهم ولا حد فى البيت دا ..
سعده
ليه يابتى اكدة .انتى مرت ولدهم وبت عمته.
ورد
ممكن ما نتكلمش فى الموضوع دا ..علشان بجد ايهم هيزعل ..ثانيا انا مش هعمل حاجة الا فطارى انا وانتى ايه رايك؟
سعده
لا. استنى افطرى معاهم
ورد
انتى عايزانى اموت من الجوع بقى ...
سعده
ليه بعيد الشر
ورد
علشان انا مش بتعشى وكون استناهم يبقى ايه....
سعده
امرى لله .ماشى
ورد
وحاجة كمان ...
سعده
ايه تانى .اصتبحى.
ورد
هعمل البن كيك ليهم.
سعده
ورد
ورد
علشان خاطرى ..مقدرش اقول لاخواتى لع ..
سعده
اه منك ..اعملى وخلصى...دى جبرية كنت بقدر عليه .. انتى طالعة راسك ناشفة لمين ...ياله عشان جعانه.
-لتجرى عليها ورد وتقبلها على خدها ..
ورد
انا بحبك قوى.
أنت تقرأ
جبريه
General Fictionهى انا امرأة لا انحنى إلا فى صلاتى ولا أصمت إلا عندما ينعدم كلامى . ولك إحذر عندما ابدأ فى إنفعلاتى فلا يهمنى شىء سوا أن أنهى مأساتى !!!!!!!!!!!!!! هو ستظل أمنيتى أن استيقظ من نومى وأجد يدك تحيط بى ....... ولكن أنا ..الذى كسرتك واصبح الغريب غالى...
