جبريه

البارت (٤١) حب جديد

-لينسحب  ايهم  بسرعة من غرفة ابيه .لتستغرب جورى فاخيها تحول ...لتنظر الى شمس وجبرية ..
جورى باستغراب
هو انا عملت حاجة ؟
شمس بتنهيده
لع ياحبيبتى ..مافيش حاجة روحى على اوضتك
-لتقبلهم وتتركهم ...لتنظر له جبرية ..
شمس
هو اللى اختار ...مش صغير هو ..محدش قاله روح طلقها واتجوز غيرها ..
-ليلتفت اليها ...
شمس
وبعد اكدة انا مش قلت مش عاوزك تزعلى واصل
عيالك كبروا خلى بالك من روحك انتى ...
جبرية بحب
وانت سايبنى اتنفس حتى ...
شمس وهو يتصنع الحزن
زهقتى منى ؟
جبرية بهيام
لو هقعد معاك العمر كله لحالنا مزهقش منك واصل ...
-ليضمها اليه بحب ....
شمس
عشان خاطرى ياجبرية اتمسكى بيا انا مقدرش اعيش من غيرك ......لو سبيتنى مش هاعيش من بعدك ....

عند ورد
-ذنب ايهم مثل الطور الهائج .....نعم فالسواد ملئ قلبه قبل عينيه ...نعم ...ليقابله حسن
حسن
حمدالله على سلامتك ياولدى..مبروك.
ايهم بوجه عابس
الله يسلمك ....
حسن
مال شكلك اكدة ليه...
ايهم
مافيش عايز اشوف ورد..لا قصدى عيالى ...
حسن باستغراب
حاضر ...هخلى نوارة تجبهملك ...
ايهم بسرعة
طيب ما تخلى ورد هى اللى تجيبهم ...
حسن ببرود
ورد ..مال ورد ولا غيرها اللى يجبهملك ...المهم تشوف عيالك وبس ...
ايهم بسرعة
اه صح ..اه صح ..

-لتحضر نوارة ومعها الاطفال ..ليبتسم هو عندما رائهم ...نعم اخذ يلعب معهم وتناسى لما اتى هو ولكنه تذكر عندما سمع صوت من خلفه ليلتفت ويجد ورد مع يحيى ..ليقف هو بعد ان وضع اولاده بداخل حضن نواره ...
ورد ببرود
ايه دا البشمهندس هنا ..حمدالله على سلامتك .. يارب شهر العسل كان كويس ..بس هو خلص بسرعة ليه ..
ايهم بسرعة وبسخرية
وانتى مالك ... وبعد كدا انا على الاقل كنت مع مراتى ..وانتى بقى كنتى مع مين ..
-لتبرق عيون ورد ...
يحيى بغضب
انت اتجننت ؟
ايهم
ايه اللى خلى واحد يسافر مع واحدة لسه مطلقة وكمان ما بنهمش اى رابط ...وبعد كدا تقول انك اتجننت ..
حسن بصريخ
ايهم ....
-ليحضر فارس وحكيم على صوت حسن ... لتشهق ورد ونوارة ...ليلتفت اليه ايهم
حسن بغضب
انت ذوتها ..خلاص ما بقيش فيه حيا ولا خشى انتى فى بيت مين ؟
ايهم
حضرتك بس اسمعنى .
حسن بجدية
لع انت اللى تسمعنى ..كنت بعتبرك ذى ولدى اكراما للعملته معاها فى الاول ..بس لغاية اهنه وبس وطول ما انت مش عارف تحترم البيت اللى انت داخله يبقى من هنا ورايح يوم ما تعوز تشوف عيالك هتتصل وبعديها هبعتهم مع خالهم ..دخول بيتى لع ...فاهم ...ودلوقيت برا ..
برا...
حكيم
حسن ..دى ولدى ...
حسن بصريخ
ياعنى ايه ولدك ..ها ياعنى ايه ؟

-لينسحب ايهم بسرعة فما فعله لا يغتفر ....نعم ليتحرك الى الخلف ليلتفت وينظر لها ليجدها تشهق وتكتم صراختها...نعم تعاتبه ليحس بنغزه
داخل قلبه ..قلبه الذى احس بالغيرة ليست الغيرة فقط وانما بالوجع من مجرد نظراتها ....ليخرج بسرعة ...
حكيم
مش اكدة ياحسن .
حسن بغضب
لع اكدة ..ايه زعلان عشان بدافع عن بتى ولا اه نسيت ...انها ما تعنيلكش ايتها حاجة ..لع مش هى وبس لع لا حسن ولا نوارة ولا فارس ولا ورد ..احنا بالنسبالك ولا حاجة ...
حكيم بتبريق عينيه
انت ولا حاجة ياحسن ..انت صاحب عمرى ..
-ليقف امامه حسن وبغضب
حسن
صاحب عمرك ..كنت خليت بالك من خيتك اللى هى مراتى وعيالى ..لو كنت صاحبى بجد كنت دافعت عنيهم ...
-ليشاور على نوارة التى تقف تبكى بوجع ...
اختك ..اختك السكر أكل جسمها والذل اللى امك ورته لها وانت كنت وين كنت بتتفرج ...
-ليشاور بعده على فارس الذى يقف يحس بالغضب بداخله ...ويكمل حسن
وفارس ..فارس اللى المفروض يبقى بشمهندس قد الدنيا امك طلعتوا من المدرسة رغم انه كان الاول على مدرسته وشغلته بالاجرة ...
-ليشاور بعدها على ورد ...التى تقف تحاول ان تتمالك قوتها
حتى ورد اللى جيت لقيتها متجوزة ولدك ..لقيته ذلها وعشان ايه عشان اختارت تدافع عن امها واخوها ....انت ماوقفتش قدام حد وجاى دلوقيت زعلان عشان ولدك .ولدك اللى شبهك فى غبائك ..ايوة انت وهو  نفس الغباء.