နွေဦးပန်းတွေ ပွင့်ချိန်တန် [Complete]

အပိုင်း-၉ (Unicode)

"ငါတို့ တပ်စခန်းမှာ သေနတ်အမျိုးအစားအများအပြားရှိတဲ့အထဲကမှ မင်းတို့ကို ဒီနေ့ ပစ်စတိုနဲ့ ရိုင်ဖယ်တွေအကြောင်းကို ပြောပြပေးမယ်။ ဘာလို့လဲဆိုတော့ ပစ္စတိုနဲ့ ရိုင်ဖယ်သေနတ်တွေက မင်းတို့လို ခြေလျင်တပ်သားတွေအတွက် မရှိမဖြစ်လိုအပ်တဲ့ လက်နက်တွေဖြစ်လို့ပဲ။

ပစ္စတို(Pistol)ကို အဓိကအားဖြင့် နှစ်မျိုးခွဲခြားထားတယ်။ ကျည်ဆံ ၆တောင့်ကို ဆုံလည်ကျည်အိမ်မှာ ထည့်ပစ်ရတဲ့ ခြောက်လုံးပြူးသေနတ် (Revolver) နဲ့ ကျည်ဆံ ၁၂ တောင့်မှ ၁၄တောင့်အထိထည့်ပစ်လို့ရတဲ့ အော်တိုမောင်းပြန်ပစ္စတိုပဲ ဖြစ်တယ်။

ရိုင်ဖယ်(Rifle) ဆိုတာကတော့ မောင်းတုံးနဲ့လှုပ်ရှားပြီး ကျည်ဆံအားဖြင့် ၅တောင့်ကနေ ၃ဝအထိ ထည့်ပြီးပစ်လို့ရတယ်။ အော်တိုမတ်တစ်(Automatic) ဖြစ်တဲ့အလျှောက် အတွဲလိုက် အလိုအလျှောက် ပစ်ခတ်ရာမှာ ကျည်တစ်တောင့်ပစ်ပြီးတိုင်း နောက်ကျည်တတောင့်က ကျည်ပေါက်ထဲကို အလိုအလျောက်ဝင်ပြီးသားဖြစ်တယ်။ ဒီအချိန်မှာ မောင်းခလုတ်ကို ဆက်တိုက်ဆွဲထားလိုက်ရင် ကျည်ရိုက်တန်က ကျည်ဆံရဲ့ဖင်ကို ရိုက်ခတ်ပြီး ကျည်ဆံ တွေတရစပ် ထွက်လာမှာဖြစ်တယ်။

မောင်းတုံးထိုး ပစ်ခတ်ရသော ရိုင်ဖယ် (SMLE Bolt Action Rifle) ကတော့ အလေးချိန် ၃.၃၆ kg နဲ့ အရှည် ၁.၁၃ m ရှည်တယ်။ သူ့မှာ ကျည်ဆံ ၁ဝတောင့် ထည့်နိုင်တဲ့ ကျည်အိမ်တစ်ခုပါတယ်။