နွေဦးပန်းတွေ ပွင့်ချိန်တန် [Complete]

ကျေးဇူးတင်လွှာ

ကျေးဇူးတင်လွှာ

နောက်ဆုံးတော့ ဒီ နွေဦးပန်းတွေပွင့်ချိန်တန် ဆိုတဲ့ ဇာတ်လမ်းလေး ပြီးဆုံးသွားခဲ့ပါပြီ။ ပထမဦးဆုံး ဖန်တီးဖြစ်တဲ့ OCလေးမို့ လိုအပ်ချက်တွေအများကြီး ရှိနေမှာသိပါတယ်။ ဒီလိုအပ်ချက်တွေ မပြည့်စုံမှုတွေကို နားလည်ပေးပြီး အဆုံးထိဖတ်ရှုပေးခဲ့လို့ ကျေးဇူးတင်ပါတယ်ရှင်။

ကလောင်နာမည် အသစ်နဲ့ Followerတစ်ယောက်မှ မရှိတဲ့ လူကို ယုံကြည်ပြီး အဆုံးထိဖတ်ရှုပေးခဲ့လို့လဲ ကျေးဇူးတင်ပါတယ်ရှင်။

ဇာတ်သိမ်းအတွက်ကတော့ တကယ်ကို အနူးအညွတ်တောင်းပန်အပ်ပါတယ်။ တော်လှန်ရေးကာလ တိုက်ပွဲတွင်း အခြေအနေဖြစ်တာကြောင့် နွေဦးသာတို့ သူငယ်ချင်း၅ယောက်စလုံးရဲ့ ဇာတ်သိမ်းဟာ ပျော်ရွှင်စရာဇာတ်သိမ်း မဖြစ်နိုင်တာကိုတော့ နားလည်ပေးစေချင်ပါတယ်။ တိုက်ပွဲတစ်ခုမှာ ဆုံးရှုံးမှုတွေ၊ အနစ်နာခံမှုတွေ၊ ပေးဆပ်မှုတွေ မရှိဘဲ အောင်မြင်မှုဆိုတာ ဖြစ်လာနိုင်မှာ မဟုတ်ပါဘူး။ မဖြစ်လာသေးတဲ့အနာဂတ်ကို ကြိုတင်ရေးသားပြီး ဇာတ်သိမ်းရတဲ့အတွက်လည်း လိုအပ်ချက်များ ရှိခဲ့ရင် တောင်းပန်အပ်ပါတယ်ရှင်။

ဒီဇာတ်လမ်းကို တစ်နှစ်နီးပါးလောက် အချိန်ယူပြီး ပြင်ဆင်ခဲ့ရတာပါ။ အပိုင်းတွေရဲ့ အောက်က Dateလေးတွေကို သတိထားကြည့်မိရင် သိနိုင်ပါလိမ့်မယ်။ ပထမဆုံး နှစ်ပိုင်းကိုတော့ ၁လပိုင်းမှာ စရေးခဲ့တာဖြစ်ပြီး နောက်အပိုင်းတွေကိုတော့ ၁၁လပိုင်းမှာမှ ပြန်စရေးပြီး နေ့စဥ် ဆက်တိုက်ရေးသားခဲ့ခြင်းဖြစ်ပါတယ်။ အဲ့ဒါကြောင့် ကြားထဲမှာ အချိန်တော်တော်ကွာဟနေပြီး တစ်နှစ်နီးပါးလောက် အချိန်ယူ ပြင်ဆင်ခဲ့ရတာပါ။ အဲ့ဒါကြောင့်လဲ နေ့စဥ်ဆက်တိုက် Updateတွေ တင်ပေးနိုင်ခဲ့တာပါ။

အစကတော့ စစ်အာဏာသိမ်းခြင်း တစ်နှစ်ပြည့်အနေနဲ့ ရေးဖို့စဥ်းစားပြီး ရေးသားခဲ့ပေမယ့် ယခုလတ်တလော ဖြစ်ပျက်နေတဲ့ ဖြစ်ရပ်မှန်တွေကို ရေးသားရမှာဖြစ်တဲ့အတွက်ကြောင့် တကယ်ရေးသားလိုက်တဲ့အချိန်မှာတော့ တော်တော်လေးကို တာဝန်ကြီးခဲ့ရပါတယ်။ တကယ်ဖြစ်ခဲ့သော ဖြစ်ရပ်မှန်တွေအပေါ်မှာ အခြေခံပြီး ဇာတ်အိမ်တည်ထားခဲ့တာမို့ Informationတွေ၊ Dataအချက်အလက်တွေ မှားမှာ အရမ်းစိုးရိမ်ခဲ့ရပါတယ်။ အဲ့ဒါကြောင့် အမှားအယွင်းမရှိရလေအောင် စာတွေသေချာဖတ်ပြီး ကိုယ်မရင်းနှီးတဲ့ နယ်ပယ်အကြောင်းတွေပါ အကုန်လေ့လာခဲ့ရပါတယ်။ ဒါတောင် ကိုယ့်ရဲ့ လေ့လာမှုအားနည်းခြင်းကြောင့် တချို့အရာတွေဟာ မှားကောင်းမှားနေနိုင်ပါသေးတယ်။ ဒါတွေဟာလဲ ကိုယ့်ရဲ့ အသိပညာနည်းပါးမှုကြောင့်လို့သာ သတ်မှတ်ပြီး သည်းခံဖတ်ရှုပေးစေချင်လိုပါတယ်။
ပေရှည်နေတာနဲ့ စာလဲ တော်တော်ရှည်သွားခဲ့ပြီ။ နောက်ဆုံးအနေနဲ့ကတော့ ဖတ်ရှုပေးခဲ့ကြပြီး သဘောကျပေးတဲ့ တစ်တစ်ဦးယောက်စီတိုင်းကို တကယ်ကျေးဇူးအများကြီးတင်ပါတယ်ရှင်။Vote တွေ၊ Cmt တွေ မပေးလဲ Viewerတွေ ရှိရုံနဲ့တင် တကယ်အားဖြစ်ပြီး ကျေးဇူးတင်ရပါတယ်။ Vote တွေပေး၊ Cmt တွေပေးရင်း နေ့တိုင်းစောင့်မျှော်ပေးပြီး နာမည်ကြီး စာအုပ်တွေရှိတဲ့ Reading Listတွေထဲ ထည့်ပေးတဲ့သူတွေကိုလဲ အတိုင်းထက်အလွန် ကျေးဇူးအထူးတင်ရှိပါတယ်ရှင်။ ပထမဆုံးဖန်တီးမှုလေးကို အများကြီးချစ်ပေးခဲ့ကြလို့ အရမ်းပျော်ရွှင်ရပါတယ်ရှင်။