Evermore

S-2 (1)

💘 Season II Part - 1 💘

--------------------

🎶အလှလေးရယ် မိုးကောင်းကင်မှာငါတွေ့တယ်🎼

🎵မာယာတွေနဲ့ဖြာဆင်း အိမ်မက်များပေးခဲ့တယ်🎶

နားထဲမှာကြားနေရသော သီချင်းသံသည် သီချင်းနဲ့မတူတော့ဘဲ ကိုယ့်ကိုလှောင်ပြောင်ထားသည့် စာသားတချို့ဟုသာ ထင်မိသည်။

တကယ်ပဲ မာယာများပြီး အိမ်မက်တွေပေးခဲ့သော ဒီနိုင်းဆိုသည့် အလှတရားလေးကို မိုးကောင်းကင်မှာတွေ့ခဲ့ခြင်းမဟုတ်ပါ။

ဒဏ်ရာဗလပွဖြင့် ဆေးခန်းမှာတွေ့ခဲ့ခြင်းဖြစ်သည်။

🎵ငါထပ်ပြောမယ် မင်းမေတ္တာတွေမက်မောတယ်🎼

🎶ငါသည်အကြိမ်ကြိမ်ကျရှုံး ဒါသူကလှည့်မကြည့်ခဲ့🎶

ငါညင်သာစွာနှုတ်ဆိတ်🎶 သူ ထွင်းတဲ့ပြဇာတ်တွေထဲ🎶

လွမ်းတယ် ချာတိတ်...

ဘာကြောင့်ရယ်မသိဘဲ မင်းကိုမုန်းလို့မရဘူး။

အကြောင်းတစ်ခုခုရှိခဲ့လို့ ဒီပြဇာတ်ကို ထွင်းခဲ့တာလို့ ဖြေတွေးနေမိတုန်းပဲ

အဲ့ဒီအချိန်တွေတိုင်း မင်းကိုပြန်လိုချင်တယ်

ဒါပေမယ့် နိုင်းရယ်...

မင်း ရက်စက်တယ်

ရက်စက်တယ်ဆိုတဲ့စကားအပြင် ကိုယ့်နာကျင်မှုကိုဖော်ပြလို့ရတဲ့ တခြားစကားလုံးတစ်ခုခုရှိခဲ့ရင် မင်းကိုပြောချင်တယ် နိုင်း...

ကိုယ် ကတိပေးခဲ့တယ်

သံလွင်မြစ်ကြီး စီးဆင်းနေသ၍ မင်းကိုချစ်သွားပါ့မယ်လို့- လေ

ဒါ ကတိစကားသက်သက်မဟုတ်ဘူး နိုင်း..

ကိုယ့်ရဲ့နောက်ဆုံးထွက်သက်အထိ စိတ်ပါလက်ပါလက်ခံသွားမယ့် သစ္စာတရားပဲ

"ကျွန်တော် သံလွင်မင်းခသည် ဒီနိုင်းကိုအိမ်သူသက်ထားအဖြစ် လက်ထပ်ပေါင်းသင်းဖို့ အခုအချိန်ကစပြီး စောင့်ဆိုင်းနေပါမယ်