ابعد المنظار عن عينيه وناوله لطارق الذي وضعه فوق اعينه يتابع ذاك القصر والحراسه المشدده من حوله تحدث دون ابعاد المنظار عن أعينه
( حاطين حراسه وكأنه بيت الريس.... هتقدر تدخل ازاي..!؟
نظر قاصي امامه بكره واضح لم ينقص على مر السنين ثم قال بهدوء مغاير تماماً لما يلوج بـ.داخل صدره من عواصف محمله بأعاصير مدمره
( اللي جاي دوره.... وماهيمنعني عنه جيش بحاله....
ابعد طارق ما على عينيه وهو يتابع قاصي بنظرات طويله بملامح جامده كان وكأنه يدرس تعابير وجهه وعينيه....
( عاوز اكون معاك....
رفع قاصي احد حاجبيه دون ان يلتفت لوجه الاخر ثم قال بهدوء خطير
( سبق وقولتلك دا انتقامي لوحدي ومش هسمح ليك او لاي حد تاني يدخله.....
ابتعد طارق عن حافه المنحدر وهو يقول بلامبالاه
( ازاي بتقول كدا... وانتا دخلت حد ملهوش ذنب بأنتقامك....
ذاقت عيني قاصي وقد ازدادت انفاسه حده مع ازدياد حركه صدره بجنون قبل ان يقول بصوت ميت
( كانت على بر الامان... لكن كونها السبب بموت اخر حد بعيلتي دخلت لأنتقامي برجليها.... ولوحدها....
اتكى طارق على مقدمه المركبه وهو يراقب حركه شعر قاصي المتطاير بفعل سرعه الرياح هبط بعينيه لسترته الطويله المتطايره بقوه مماثله ليقول ببرود
( وانتا مصدق الكدبه دي.... اخوك واحد مريض يا قاصي ممكن يكون حاول يوصلها وملقاش منها استجابه وخياله المريض صورله انها كانت بتحبه.....
التفت قاصي ليواجهه ابتسمت عيناه دون شفته وقال بخفوت ملجماً الباقي من كلمات الاخر
( انتا شاغل نفسك بيها اد كدا ليه..... ايه عجباك؟
انتفض طارق فوراً نظر بعينه المتسعه بصدمه لعيني قاصي الباردتين بخواء ثم قال بغضب
( انتا بتقول ايه.... قاصي انا مسمحلكش تتكلم كدا.... انا مبشوفش ليلى غير البنت اللي خطفتها وعاوزك تعرف اد ايه ندمان لمشاركتي بظلمها لو كنت اعرف من البدايه اصل الحكايا كنت هنسحب من المهمه دي......
نفخ قاصي ضحكه جليديه ثم استدار للخلف يراقب منزل احد الد اعدائه
( برافو... لقيت ضميك فين......
تأفف طارق بضجر
( لقيته عند ليلى... البنت دي نضيفه اوي وزعلان عليها جداً علشان دخلت لعالمك يا قاصي... فوق لنفسك وخرجها من البؤره الفاسده دي قبل فوات الاوان......
تشنج فك قاصي بغضب لكنه اخفاه بمهاره قبل ان يردف بجمود
( الاوان فات... داقت لسعتي خلاص مش هسبيها الا لما تتحرق بناري حتى لو حكايه ماجد كدب هيه خلاص مينفعش تعيش ..... انتا متشغلش تفكيرك اوي وخلي كل تركيزك على شغلك وبس...
تنهد طارق بيأس ليردف بهدوء
_( قدرت تعرف همه خدو مُنتصر فين... اكيد مش هيدخلوه لمصر والا هيتقفشو اكيد عندهم اماكن في روسيا.....
أنت تقرأ
غُرر بي لاجلك
Romanceرحله ترفيهيه قصيره جعلتها تغرق في عمق السواد لم تكن على درايه بما سيحل بها داخل القفص الذي سيقيد اجنحتها مانعاً اياها من الحُريه.... سقطت ببراثينه محاولاً كسر تمردها.... سقطت بين يدين من لم يعد له قلب، شخص مات منذ سنوات يحيى فقط لاخذ انتقامه لتدخل ه...
