ရက်အတော်ကြာ အိပ်မရခဲ့ခြင်းကြောင့် "သက်ညာ"၏ခန္ဓာကိုယ်မှာ နွမ်းလျလျက် အဝတ်ထုပ်တစ်ခုကိုကိုင်ကာ သူမအဖေကိုရပ်စောင့်နေရ၏။ နံနက်ခင်းခုနစ်နာရီဆိုသည့်အချိန်သည် သူမအတွက် အမြဲလိုလို အေးချမ်းလျက် နေ့သစ်တစ်ခုကို စတင်ရစမြဲ။
သို့သော် ဒီနေ့တွင်တော့ "မိုးသက်ညာ" ရောက်နေသည့်နေရာကား လူအများစကားပြောသံ ၊ကားသံများဖြင့်ဆူညံလျက် ခရီးဆိုက်ရောက်သည့်သူများ ၊သူမလို ခရီးသွားမည့်လူများနှင့်
အတော့်ကို စည်ကားလျက်ရှိသည်။
တစ်ခါတစ်ခါ ဘေးမှဖြတ်သွားသည့်ကားသမားများ၏ဆေးလိပ်နံ့များကြောင့်မိုးသက်ညာခေါင်းပိုမူးရသည်။
မိုးသက်ညာတို့သားအဖ ရန်ကုန်သွားရန် မန္တလေးကားကြီးကွင်းသို့
ရောက်နေခြင်းဖြစ်၏။
"အဖေကလဲကြာလိုက်တာ"
ကားလက်မှတ်သွားဝယ်သည့်ဖခင်အား တစ်ယောက်တည်းစောင့်ရတာ
စိတ်မရှည်တော့၍ မိုးသက်ညာ တစ်ကိုယ်တည်းကြားရုံသာ ရေရွတ်မိသည်။
ထိုစဉ်..........
"သက်ညာ"
"ဟိန်းထက်"
မိုးသက်ညာအံ့ဩစွာခေါ်လိုက်မိခြင်း။
ဟိန်းထက်သည်သက်ညာ၏အချစ်ဆုံးသူငယ်ချင်းတစ်ယောက်ဖြစ်၏။ဟိန်းထက်မောင်တို့သားအမိသည်သက်ညာတို့မိသားစုနှင့်နှစ်အိမ့်တစ်အိမ်
နေလာကြသူများဖြစ်သည်။
ရွယ်တူသူငယ်ချင်းတစ်ယောက်ဖြစ်သလို အစ်ကိုတစ်ယောက်လိုလဲ
အမြဲ ကာကွယ်ပေးတတ်သည်။
"ဟိန်းထက် ဘာလို့လိုက်လာတာလဲ အိမ်မှာ အဒေါ်တစ်ယောက်တည်း
ကျန်ခဲ့မှာပေါ့"
နေမကောင်းတဲ့ ဒေါ်အေးမာကို
သက်ညာစိတ်ပူပါသည်ေလ။
"ရပါတယ် အမေကသက်သာနေပါပြီ ငါ နင့်ကို နှုတ်ဆတ်ချင်လို့ပါ"
"မနေ့ညကလည်းတွေ့ထားတာပဲကို ဟိန်းထက်ရယ် ငါကတစ်နှစ်လောက်ပဲသွားမှာပါ ပြန်လာမှာပေါ့"
"ငါကနင်မရှိဘဲတစ်နှစ်တောင်နေရမှာလေ ပြီးတော့နင်နဲ့အတူတူဆယ်တန်းဖြေဖို့ရည်ရွယ်ထားတာ"
YOU ARE READING
အသွင်(completed)
Fantasyချစ်ခြင်းမေတ္တာက ရုပ်ဝတ္ထုတစ်ခုသာ ဖြစ်မယ်ဆိုရင် ဘယ်လိုအသွင်ရှိမလဲ၊ ဘာအရောင်ရှိနေမလဲ။ သေချာတာတစ်ခုက လူတိုင်းအတွက် ကွဲပြားတဲ့ အဓိပ္ပာယ်တွေ မတူညီတဲ့အရောင်တွေ ကိုယ်စီရှိကြမှာပါ။ သူမအတွက် "လွှမ်း"ရဲ့ချစ်ခြင်းတွေကိုပုံဖော်ရာတွင်မည်သည့်အသွင်ရှိမည်ကို သိချင...
