يامُناي ودعاي

Part2

يوم الجمعه 10:33 ص
رحمه : فاطمه باقي ما جهزتي شنطتك؟
فاطمه : يمه تكفين حاولي في ابوي ما نبي ننقل
رحمه : يلا بس بلا دلع زايد الله يهداك انا اقول لك بنمشي عقب صلاة الجمعه وانتي تقولي ما نبي ننقل ، وبعدين وش عاجبك بهالمدينه؟
فاطمه : يمه صديقاتي ما ابي اتركهم !
رحمه : ياحبيبتي بتلقين اللي احسن منهم لا تزعلين يلا قومي وانا امك رتبي شنطتك
فاطمه تنهدت بضيق: زين
__عقب صلاة الجمعه___
مشعل: رحمه عيالك جاهزين؟
رحمه: اي
مشعل: يلا بسم الله
ركبوا كلهم السياره محمد واحمد وكادي وفاطمه .
فاطمه : اووفف الله يهديكم كان خليتوني اودع صديقاتي ع الاقل
احمد : من زين صديقاتك عاد
فاطمه : وانت شدخلك؟
مشعل : بس خلاص انت وياها
مدينتهم ما كانت تبعد كثير عن المدينه الجديده
____________________
عند بطلنا
عبدالعزيز: عبدالله خذ الغداء و الحقني بسرعه ابوي بيكسر العصى على ظهورنا اليوم
عبدالله وهو يكلم خويه فهد : زين
وهو يقفل السياره شاف سيارة غريبه عليه واللي فيها واضح جُدد وهم يوقفون بالعماره اللي جمبهم وواضح انهم جدد بالحي ، ما اهتم ودخل ع طول قبل لا يعصب ابوه
تجمعوا كلهم ع الغداء
ابو ليّث وهو شبه معصب : فارس وش سالفة الاستدعاء اللي وصلني امس من مدرستك؟
فارس ما رد
عبدالله يناظر فارس بأستغراب : استدعاء؟
ابو ليّث : معليه انا بروح مدرستك الاحد واشوف بنفسي
عبدالعزيز: يبه الله يهداك وشوله انت تروح خلاص انا بروح ولا عبود
ابو ليّث : اسكت انت انا باقي حيّ ترا
عبدالله وهو يبي يغير الموضوع: يبه شفت الجيران الجدد اللي جو اليوم؟
ابو ليّث : لا بس سمعت انو البيت اللي جمبنا شراه واحد اسمه ابو مروان .
_________________________
المغرب
محمد: اوف خلاص مقدر تكفون خلوا الباقي بكره
احمد : اي والله خلاص متنا
ابو مروان: طيب يلا كل واحد ياخذ فراش وينام بكره بصحيكم ع الفجر ويا ويل اللي ما يصحى انا علمتكم
_________________
و كل الناس تنام الا عبدالله ما ينام ، اتفق هو واخويها انهم يحجزون مخيم وبعد السوالف و الضحك قرروا انهم يلعبون بالدبابات
فهد : عبود يلا سباق تكفى
عبدالله : لا يا ولد فكني مالي خلق مصدع
فهد : تكفى بس فره وحده
عبدالله وهو يتأفف : يلا يلا
وركبوا الدبابات وبدأو العد
1...2...3
وبدا السباق ما بين ضحك وتحدي
وللاسف فهد ما كان مره يتقن ركوب الدباب كثير فا مر من منحنى وعجز يتحكم بالدباب وانقلب فيه
عبدالله اول ما شافه طاح وقف ونزل يركض له و يصارخ عشان العيال يجون ويشوفون فهد
اما فهد اللي اول ما طاح جته ضربه في اسفل راسه و صار ينزف و اغمى عليه
مسكه عبدالله وهو يرجف ويصارخ بأسمه : فففففههههدددد  ففففههههدددد دقققققووااا عععلىىى اللاسسسعاااففف
تجمعوا كلهم عليه ودقوا على الاسعاف
وفهد مازال على وضعه ما يتحرك
وعبدالله كل شوي يتحسس النبض و الدمعه بعينه ويحس انه قرب و يفقد اعز اخوياه بسبب سباق : ففففهددد تكفىىىى لااااا يافهدددددد قوممممم
وصل الاسعاف و نقلوه بسرعه لأقرب مستشفى ، وراح معه عبدالله
بعد ساعه ونص ومافي اي خبر عن فهد وعبدالله على اعصابه ومو قادر يوقف تفكير ولا هو متقبل فكرة انه يفقد فهد ، رن جواله وكان عبدالعزيز رد عبدالله بدون ما يقول اي كلمه
عبدالعزيز: عبود وينك الساعه 1 ونص لو يدري ابوي انك مو بالبيت بيذبحك !
عبدالله: عزيز مارح اجي اليوم
عبدالعزيز بأستغراب : ولد شفيه صوتك؟
عبدالله وهو يمسح عيونه: ولاشي
عبدالعزيز: بتقول ولا شسالفتك؟؟؟
عبدالله ما قدر يمسك نفسه اكثر وبكى : عزيز فهد سوا حادث بالدباب وصار له بالعمليات اكثر من ساعه!
عبدالعزيز: ايشششش ! كيفف وش صاررر؟؟
عبدالله ما رد
عبدالعزيز: طيب طيب خلاص انا جايك انت اهدى ، وقفل
__________________________
بعد ربع ساعه وصل عبدالعزيز المستشفى وشاف عبدالله وراح يركض له
عبدالعزيز: باقي ما طلع؟
عبدالله طالع فيه وهو متلثم وعيونه حمرا: لا
عبدالعزيز حط يده ع كتف عبدالله وقعد يهديه وعبدالله اللي الندم قاعد يذبحه ويحس انه اذا صار لفهد شي بيكون هو السبب
__________________________
الساعه 3:48 الفجر
طلع الدكتور من غرفة العمليات
فزوا عبدالله وعبدالعزيز له وهم يسألوه عن حالة فهد
ابتسم الدكتور: انتم اخوانه؟
عبدالعزيز: لا اخوياه ، شفيه فهد؟
عبدالله كان ساكت وخايف انه يسمع خبر ما يسره
الدكتور: لا تخافون الحمدلله العمليه كانت ناجحه ونقلنا خويكم للغرفه العاديه بس ما تقدرون تدخلون عنده الحين لانه لازم يرتاح شوي
عبدالله ضحك وحضن عبدالعزيز وهو يبكي
عبدالعزيز : الحمدلله يارب ، زين متى نقدر نشوفه؟
الدكتور : بعد ساعه او ساعتين بالكثير
عبدالعزيز: مو مشكله اهم شي هو بخير الحين

صلو على النبي 🤍