يامُناي ودعاي

Part5

صلو على النبي 🤍
_________________

- الظهر-
رجعت فاطمه من المدرسه وراحت عند امها
فاطمه :ماميي
ام مروان : الله يستر ما تقولين مامي الا وراك شي
فاطمه وهي تمثل الزعل : شدعوه
ام مروان : كيف مدرستك الجديده؟
فاطمه : مره حلوه وتعرفت على بنت عسوله واخذت سنابي
ام مروان : شفتي قلت لك رح تتعرفي على صديقات جدد بس انتِ تحبي الدراما
فاطمه : اقول يمه خلينا من سالفة مدرستي بكلمك بموضوع
ام مروان وهي تقطع السلطه : هم
فاطمه : يمه تذكرين سالفة جارتك اللي جت امس ؟
ام مروان : قصدك محل الورد؟
فاطمه وهي جالسه ع الدولاب وتاكل خيار : الله عليك
ام مروان : طيب ؟ شفيها؟
فاطمه : يمه تدرين اني احب الورود وهالسوالف تكفين بشتغل بالمحل
ام مروان : فاطمه روحي غرفتك لا ارميك بهالقدر
فاطمه : يمه والله ما امزح فكري بالموضوع وربي مره حلوو
ام مروان : انتِ مجنونه ؟ ودراستك ؟
فاطمه : وش فيها دراستي ؟ اصير اداوم الصباح و اروح المحل العصر ، نزلت من الدولاب وهي تبوس امها : تكفين يمه كلمي ابوي بالموضوع والله اني مره متحمسسه
ام مروان : خلاص وخري بفكر

_____________________
- عند فارس -
دخل البيت وهو متوتر لأبعد درجه وكان واضح ان اخوانه مو بالبيت لان بس سيارة ابوه اللي موجوده ، اول ما دخل البيت حاول يروح بغرفته قبل يشوفه ابوه لكن استوقفه صوت ابوه وهو يناديه من وراه وهو كل خليه فيه ترجف
فارس وصوته يرجف : هلا يبه
ابو ليّث : تعال
نزل فارس ووقف عند ابوه
قرب ابوه منه وهو يسأله بهدوء : وين كنت اليوم ؟
فارس : بالمدرسـ ....
قاطمه ابوه بكف
سكت فارس لان عرف ان ابوه يدري ان صار له فتره ما يروح المدرسه
مسكه ابوه من ياقته وبغضب : تككككذذذببب علليييي يا حححييووااننن؟؟؟؟؟؟
ورفع يده يبي يمسك عقاله وقبل لا ينزله قعد يطالع بفارس وهو معقد حواجبه ومستغرب : ريحة دخان؟
فارس ما رد
ابو ليّث جن جنونه واعطى فارس كف ثاني وضربه بأقوى ماعنده بعقاله، وحاول فارس يدافع عن نفسه لكن ما قدر على ابوه وهو يضربه ويسبه بأسوء الشتايم وعلى حظ فارس دخل عبدالله البيت وشاف المنظر وركض لفارس وهو يحاول يفكهم عن بعض
عبدالله بأنفعال : يبه شففييككك؟؟ تبي تذبح ولدك!!!؟
ابو ليّث وهو كان ناوي يكمل الباقي على ظهر عبدالله : وخررر يا عبدالله خلني اربي الكلب ذااا!!
مسكه عبدالله : يايبه صلّ على النبي ششفيككك؟؟؟
ابو ليّث : الحيوان ذا صار له اسبوعين هارب من المدرسه ويدخننن!!
عبدالله انصدم  وكان يطالع بفارس اللي طايح بالارض ويبكي بصمت
ابو ليّث بعصبيه : وتبككككيييي يا ابن الكلللببب قومم عن وجهيي !!!!
عبدالله وهو ماسك فارس ويحاول يقومه : يا يبه خلااصصص 
نطق فارس ويا ليته ما نطق : يا يبه انا ما سويت شي و المدرسه هذي انا قايل لك من زمان ما ابيها بس انت ما همك الا نفسك وسمعتك
ابو ليّث من يفك فارس من يدينه هالمره ، دف عبدالله بقوه وطاح الارض ومسك فارس وقام يضربه بكل قوته وعبدالله يحاول يفكهم ولا قدر وجلسوا ع هالوضع تقريباً 5 دقايق الى ما قدر عبدالله يفكهم وابوه يسب فارس وفارس اللي طايح ووجهه كله دم وثوبه تقطع من العقال ، اخذه عبدالله بسيارته وطار فيه للمستشفى دخلوه الطوارئ وقعد فيها نص ساعه ، عبدالله دق على عبدالعزيز لكنه ما رد وعرف انه مشغول وراح يدق على ليّث
ليّث : ياهلا بالقاطعع ياولد مو يعني انو انتقلت من بيتكم يعني معد صرت اخوكم
عبدالله : ليّث ممكن تجي المستشفى ؟
ليّث بأستغراب: المستشفى ؟
عبدالله : اي
ليّث : ليه سلامات احد فيه شي ؟؟ ابوي صار له شي ؟
عبدالله: لا فارس
ليّث : شفيه ؟
عبدالله: تعال المستشفى وانا اعلمك
ليّث : يلا زين زين جايكم
وبعد 10 دقايق وصل ليّث وسأل عن غرفة فارس بن محمد ولما دخل الغرفه لقاه صاحي وعنده عبدالله
ليّث : سلامات فروس وش فيك ؟
فارس بدون اي رد
ليّث استغرب وطالع بعبدالله اللي واضح انه معصب
جلس ليّث جمب عبدالله : عبدالله شسالفه؟
عبدالله بعصبيه وهو يطالع فارس: فارس شسالفه ؟
فارس ساكت
عبدالله بصراخ : تككككللممممم
ليّث فز وهو يمسك عبدالله : عبدالله شفيك
عبدالله : خله يقول لك وش قالي ابوي قبل لا يضربه اخخخ لو ادري من قبل كان ضربته زي كذا و اكثر !
طلع عبدالله وهو معصب
تنهد ليّث وهو يجلس عند فارس اللي حيل متضايق : فارس علمني وش السالفه؟
فارس قال لليّث السالفه من الى
ليّث بعتاب لفارس : ليه يافروس ليه يا اخوي تسوي كذا ليه ؟ حنا قصرنا معك ب شي عشان تسوي كذا ؟ قول لي وش اللي مكرهك بالمدرسه ذي
فارس ما رد
سكت ليّث وهو يفكر بالمصيبه اللي سواها اخوه

_________________________
بحكم انهم بنفس المستشفى اللي كان فيه فهد قرر عبدالله يروح ويسلم عليه
دخل الغرفه و اول ما دخل لقى ابو فهد عنده
عبدالله : سلام عليك كيف حالك ياعم
ابو فهد : الله لا يسلمك من ولد !
فهد بأستغراب: يبه !
عبدالله وهو مو فاهم شي ونفسيته بخشمه من سوالف فارس : افا ياعم
ابو فهد : انقلع يا عبدالله لا اخلي هالخيزرانه تنطبع على ظهرك انقلعععع!!
عبدالله : وش جاك ياعم؟
ابو فهد قرب من عبدالله : وش جاني اجل ؟ انا وش ما جاني من يوم خاويت وليدي يا السلوقي ما جا من وراك الا المصايب ! كله بسببك انت اللي مطلع ولدي بآخر الليالي عشان سوالفك الماصخه ومين اللي اكلها اخر شي ؟ ولدي !
فهد : يا يبه شفيك عبدالله ماله دخل !
عبدالله بضيق : يا عم الله يهداك انا وولدك عشرة عمر من وحنا صغار الحين صرت انا اللي اجيب له المصايب ؟
ابو فهد وهو يأشر بأصبعه السبابه على عبدالله : اسمعنيي عِلمٍ يوصلك ويتعداك لا اشوفك توطوط عند ولدي مره ثانيه لا والله اخلي اللي يسوى واللي ما يسوى يتكلم بسيرتك يا ولد محمد !
طلع عبدالله من الغرفه وهو وده يذبح اي واحد قدامه ركب سيارته وهو ما يدري وين يروح اهم شي ما يشوف هالمستشفى واللي فيه مره ثانيه

____________
رأيكم؟