يامُناي ودعاي

Part 27

باليوم الثاني الساعه 7:34 صحى عبدالله وقام يتوضى ويصلي ونزل وما لقى احد بالبيت ، طلع جواله بيدق على عبدالعزيز لكن لقاه مغلق تنهد ودق على ابوه يشوف وينه وبرضو مغلق رجع جواله لجيبه وركب سيارته متجه للمستشفى يشوف فارس
•••••••
دخل المستشفى وراح لفارس ولقاه صاحي وسلم عليه وجلس وقال : اخبارك اليوم؟
فارس : الحمدلله وانتم؟
تنهد عبدالله وقال : الحمدلله
تأفف فارس ومسك جواله
رفع عبدالله حاجبه وقال : شفيك؟
فارس : شفيني بعد ؟ طفشت من المستشفى خلاص خلهم يطلعوني والله بخخيرر مافيني شي
ابتسم عبدالله بهدوء وقال : تمام بشوف لك الدكتور
طلع من الغرفه وهو متجه للدكتور اللي مشرف على حالة فارس
دق الباب ودخل بعد ما وصله صوت الدكتور : تفضل
عبدالله: السلام عليكم
الدكتور : وعليكم السلام تفضل اخوي
عبدالله : اخوي بغيت اسألك عن حالك فارس بن محمد ومتى يقدر يطلع؟
الدكتور وهو يبحث بالكشوف : اممم فارس حالته الصحه جيده حاليًا يمديه يطلع لكن يمكن تجيه اعراض كـ ارتفاع حراره او صداع لكن كتبت له ادويه تخففها له وكله اقل من ثلاثه ايام ان شاءالله ويصير احسن وقدامه العافيه
ابتسم عبدالله وقال : الله يعافيك يا دكتور
وطلع من المستشفى وراح لفارس يعطيه خبر عشان يجهز حاله و اغراضه عبال ما يروح وياخذ الادويه من الصيدليه
رجع من الصيدليه و اخذ فارس وركبوا السياره وكان عبدالله سرحان وقاطعه فارس : رش صار عليهم ؟
عبدالله بتعقيدة حواجب : مين؟
فارس : الكلاب اللي هاجموني
عبدالله : الشرطه مسكتهم والحين هم بالسجن
فارس : احسن
كمل عبدالله يسوق وهو ساكت
شك فارس ان في شي ومخبيه عبدالله وقال : في شي ؟
لف عليه عبدالله وقال : زي وش ؟
فارس : مدري وضعك مو عاجبني ، صاير شي ؟
تنهد عبدالله وقال لفارس سالفة عبدالعزيز و ابوه
فارس بصدمه : اححح وهو يحب ليان !!
عبدالله : نعمم؟ ليان مين ؟
فارس : ليان بنت عمي سلمان
عبدالله : لا ياشيخ عزيز وين وليان وين
رجع فارس ظهره على المرتبه وقال : انا قلتها لك وانت بكيفك
ضحك عبدالله بسخريه على كلام فارس وما اعطاه اي اهميه لانه يشرف فارس صغير ويقول كلام ما يحسب حسابه

_____________________________
• عند سعود وعبدالعزيز •
صحى سعود و اخذ شور ولبس وطلع بدون ما يصحي عبدالعزيز لان سعود صحى الفجر ولقى عبدالعزيز صاحي ، ركب سيارته وهو متجه لبيته وبعد اقول من 10 دقايق وصل ودخل البيت ولقاهم يفطرون شلم على راس ابوه و امه وجلس معهم
ابو سعود : عسى خير وينك من امس ؟
سعود : كنت مع عبدالعزيز
ابو سعود : وش صار ؟ معد شفناه من بعد اللي صار امس
ام سعود : ليه وش صار ؟
سعود طالع بـ ليان وتنهد وقال : بيتزوج اشجان
كلهم كانوا يطالعون بسعود بصدمه وقال ابوه بأحباط : يعني وافق ؟
فجر : يوههه والناس كلها كانت تشبك عبدالعزيز وليان و اخرتها اشجان ؟
سعود : عمي محمد غصبه
ابو سعود : كيف غصبه عبدالعزيز مو صغير ترا !
سعود بقهر : قال له يا تاخذ اشجان يا لا انت ولدي ولا اعرفك
ابو سعود بنرفزه وقهر من اخوه : يستهبل محمد يحط ولده بموقف زي كذا! انا بنفسي قهرني امس بالمجلس وافق على البنت قبل لا يشاور ولده !
ام سعود : ياحياتي ياعبدالعزيز انحط بموقف ما يُحسد عليه حرام عليه والله
سعود بغبنه : اي والله يا ان امس لما رحت له كان كأنه جثه بدون روح
قامت ليان وقالت : الحمدلله شبعت
كلهم كانوا يطالعونها وعرفوا انها زعلت من الخبر
دخلت ليان غرفتها وسكرت الباب و انفجرت تبكي وهي ما تدري تبكي على نفسها ولا من قهرها على عبدالعزيز اللي رسمت احلامها فيه وكانت رابطه نفسها معه من وهي صغيره وانها مارح تاخذ الا عبدالعزيز اللي كانت كل ما تشوفه تفز فرح له وتدعي ربي طول عمرها انه يكون من نصيبها وتبكي مقهوره منه لانه ما حاول ولا حارب عشانها وترجع تتذكر انه ابوه بيتبرى منه لو ما تزوج اشجان وتبكي زياده لما تتذكر ان سعود اكثر واحد يمون معها من اخوانها ومخبئ اسرارها وهي نفس الشي لسعود وكانت ترتاح له كثير وتحكي له انها تحب عبدالعزيز وتبيه زوج لها و كان سعود دايمًا يجيها ويحكي لها ان عبدالعزيز يحبها وكثيييرر وانه قاعد يشتغل ويبني حياته عشانها وتنقهر اكثر لما تحس ان الحياه اللي كان عبدالعزيز يبنيها عشان ليان بتصير كلها لأشجان
دق بابها وما ردت وكان سعود اللي ورا الباب وقال : ليان افتحي
ارتاحت ليان انه سعود وفتحت الباب ورجعت لسريرها وهي تبكي
دخل سعود وسكر الباب وراه وجلس جمبها وقال : لياني لاتبكين يرحم لي والديك
ليان وهي تحس ان الغصه بتذبحها : كيف ما ابكي يا سعود !! وانا رابطه كل احلامي معاه !!
ضمها سعود وهو يهديها وقال : ياروح اخوك انتِ خلاص
ليان بكت زياده من حنية سعود وقالت : قهرني يا سعود قهرنيي ! كيف على طول وافق عليها !
سعود مسك وجه ليان بكفوفه وقعد يطالع فيها ويقول : مو على طول يا ليان والله مو على طول عبدالعزيز حاول كثير والله لكن الظروف اكبر منه، انتِ لو تشوفين عبدالعزيز الحين بيموت من قهره عليك لكن عمي الله يهديه مسكه من اليد اللي توجعه
بكت ليان زياده وهي تدري ان عبدالعزيز مو بيده كل اللي قاعد يصير تنهد سعود وباس راسها ورجع يضمها

_____________________________
• عند غلا •
كانت تكلم فاطمه وحاطه سبيكر وتعطيها واجبات يوم الخميس لانها كانت غايبه
مر سهم من غرفتها وسمع صوتها وهي تكلم ودخل الغرفه بدون ما يدق طالعته غلا بصدمه
فاطمه : ايوه ووش بعد غير بحث الكيمياء ؟
غلا مسكت الجوال وقفلت السبيكر وقالت : فطوم اكلمك بعدين - وقفلت - وطالعت بسهم وقالت : وجع سهم وجع !
سهم ضحك بستفزاز لغلا
غلا : دق الباب طيب !!
سهم جلس جمبها وقال : هذي اللي وصلناها ذاك اليوم ؟
غلا شمقت له وقالت : مالك دخل
سهم : صدق صدق هي ؟
غلا : اي هي وش تبي فيها! تراك كل شوي تسأل عنها !
تنهد سهم وقام وقال : خلاص ولاشي
رفعت غلا حاجبها بصدمه من حركاته وقالت : انقلع وسكر الباب بس
••••••
عند فاطمه
استغربت من حركة غلا لكن ما اهتمت وبدأت تخل بواجباتها و الدروس اللي فاتتها ورفعت راسها للباب اول ما دخلت كادي ، سكرت الباب وجلست جمبها وقالت : يويليي ببكي
فاطمه بتعقيدة حواجب : شفيك ؟
كادي بتوتر : بقول لك بس لا تعلمي احد
فاطمه : انطقي
كادي : انا احب واحد
شهقت فاطمه بصدمه : ايشششش ؟
وسعت كادي عيونها بخوف : اصصصصص فضحتينااا !
فاطمه كانت تناظر كادي بصدمه وقالت : من متى؟
كادي : 8 شهور
فاطمه : ومين وكيف !! كادي تكلمي بتجلطيني
كادي : تعرفت عليه من برنامج وكان يسولف لي وانا اسولف له لين ما صرنا نحب بعض و الحين واعدني انه يتزوجني بس باقي يبي يخلص جامعته
فاطمه وهي باقي مو مصدقه : كادي منجدك؟
كادي : وربي ما امزح
فاطمه بزعل : كيف تسوين كذا حرام عليك ، اهلي ما يستاهلون تجازينهم كذا خليك من ذا، وش رح تسوين لو عرفوا ؟ والله ليذبحونك !
كادي : اهخخخ هذا اللي مخوفني ، امس ابوي دخل علي وانا اكلمه ومن الخرشه قفلت بوجهه و احس ابوي شاك فيني
حطت فاطمه يدها على فمها من اللي تسمعه وتحس انها متورطه مع اخته وما تعرف وش تسوي : وش بتسوي طيب ؟
تنهدت كادي وقالت : ما بسوي شي بس علمتك عشان يكون عندك خبر
فاطمه : كادي لا تجننيني ، وش اللي ما بتسوين شي ! تخيلي يكون يضحك عليك ؟
كادي : لا ما يضحك علي هو صدق يحبني ويبي يتزوجني بس باقي له اخر سنه بالجامعه
فاطمه بتأفف : اووف والله مدري مدري
كادي : فطوم لا تقولي كذا والله اني احبه مره
فاطمه جلست تطالع بأختها بحزن : طيب حرام!
كادي : ان شاءالله يصير حلال معليك
زفرت فاطمه وما ردت عليها
كادي : لا تخافين صدقيني بنتزوج واذكرك بهالكلام
فاطمه : انتبهي لك بس
كادي باستها وقالت : ابشري
طلعت من الغرفه وسكرت الباب
اخذت فاطمه كتابها ورمته على الكنبه الصغيره اللي بغرفتها وانسدحت على السرير بتأفف وصارت شايله هم كادي وهم احمد وتخاف احد من اهلها يعرفون بسوالفهم وتصير مشاكل .

_____________________________
صلوا على النبي 💙