يامُناي ودعاي

Part 16 ( Happy National Day )🫡🇸🇦

- باليوم الثاني -
كان عبدالعزيز كالعاده في مكتبه ويقلب بين القضايا اليوميه اللي عنده ولكن تفاجئ بقضيه لشخص يعرفه من مده طويله متهم بقضية اختطاف وانصدم منها وطلب من واحد من العساكر يتصل عليه ويستدعيه عشان يحققون معه
وبعد نص ساعه دق باب مكتب عبدالعزيز وانفتح اول ما سمح له بالدخول ، دق العسكري تحيه لعبدالعزيز اللي قال : استرح
العسكري : طال عمرك ريان بن هادي برا
عبدالعزيز: خله يدخل
العسكري بستغراب : بس هذا متهم بقضية اختطاف مو المفروض ندخله التحقيق ولا ؟
عبد العزيز ابتسم للعسكري وقال : معروف هذا ما يحتاج بحقق معه وباخذ العلم وبعدين نشوف وش بيصير
العسكري دق تحيه لعبدالعزيز وراح
وماهي الا ثواني ودخل ريان وابتسم عبدالعزيز اول ما شافه وقام وهو يرحب فيه : ياهلاا ب رياان ارجب
ريان : تبقى يا عبدالعزيز
ابتسم عبدالعزيز وقال : اجلس اجلس
ريان وهو معقد حواجبه : عبدالعزيز عسى ماشر ليه استدعيتوني ؟
جلس عبدالعزيز مقابل ريان واخذ اوراق القضيه وحطها على الطاوله اللي قدامهم وقال : ريان انا بختصر لك الموضوع كله
عبدالعزيز كان في شغله مايفرق بين صديق او غريب هو بس ادى واجبه احترام لمعرفته بريان وقام وسلم عليه ولما جا وقت الجد صار جديّ معه وقال : تعرف انفال بنت سالم ؟
ريان كان ساكت ومعقد حواجبه و اخذ اوراق القضيه و وسع عيونه اول ما شاف مكتوب على الملف جريمة اختطاف انفال سالم وقال : لا
عبدالعزيز وهو يطالع بعيون ريان وقال بنبرة صوت شوي عاليه : ريييانن
ريان رفع حاجبه وقال : عبدالعزيز شفيكك ؟ انت تتهمني انو رح اخطف البنت؟
قام عبدالعزيز وهو متجه لمكتبه وقال ببرود : ما اتهمك
ريان وهو يطالع عبدالعزيز وقال : اجل ؟
جلس عبدالعزيز وقال : برر لي ؟ اشرح لي بالورقه و القلم وين كنت يوم السبت المغرب ؟
ريان بتأفف: كنت بالاستراحة عند اخوياي
عبدالعزيز بعدم تصديق : اها بالاستراحه
طلع عبدالعزيز من الملف حق القضيه سلسله ومدها على مكتبه قدام ريان وقال : تذكر هالسلسله كويس يا ريان
طالع ريان بعبدالعزيز بنص عين وقام وقال : انتهى التحقيق يا عبدالعزيز ؟ اقدر امشي؟
عبدالعزيز وهو تأكد ان ريان هو المشتبه الاول بالاختطاف هذا وقرر من هالحظه انه يكشفه على حقيقته بس لما يجمع كل الادله وقال : مو انت اللي تقرر اذا انتهى او لا وبعدين انا هنا اللواء عبدالعزيز بن محمد
ورجع ظهره على الكرسي وقال : تقدر تتفضل
طلع ريان من المكتب ورجع عبدالعزيز يقلب بالاوراق ويقرا القضيه مرا ثانيه
دق بابه وقال : تفضل
دخل العسكري ودق التحيه وقال : طال عمرك طلبتني ؟
عبدالعزيز وقف وقال : استرح ، اي انا بطلع ربع ساعه قول لأي احد يرتب مكتبي وهالاوراق بالذات ( وهو يأشر على قضية انفال ) لحد يلمسها
العسكري : ابشر
كان بيمشى عبدالعزيز بس استوقفه العسكري وهو يقول : طال.....
قاطعه عبدالعزيز وهو طفش من كلمة طال عمرك وتنهد وقال : فيصل صار لي معك 4 سنين وعليها وانت للحين تقول لي طال عمرك ما زهقت؟ خلاص عادي بينا يمديك تناديني بعبدالعزيز،وانا والله اني اعتبرك اخوي خلاص يمديك تطيح الميانه بينا
ابتسم العسكري فيصل وقال : ابشر
ابتسم عبدالعزيز( وهو فعلاً مره يحب فيصل وعلاقتهم مره كويسه مو بس مجرد شغل وقسم )
تذكرعبدالعزيز ان فيصل كان بيقول له شي :اقول وش كنت تبي تقول اسف قاطعتك
فيصل : مو مشكله ، كنت بقول لك ان العميد مشعل بن زايد حولوه بهالقسم
رفع عبدالعزيز حواجبه وهو من زمان يسمع بأسم العميد مشعل بس ولا مره شافه وقال : صدق ؟ متى؟
فيصل : بعد الظهر
عبدالعزيز: كويس يلا اشوفك على خير - وراح -

_____________________________
- بمدرسة فارس -
كان فارس طالع من الحمامات لكن مسكه ياسر عند الجدار وقال : وين رحت يا خواف معد شفناك عقب ذاك اليوم
ضحك عمر على جنب وقال : خايف من ابوك يا بابا؟
فارس دف ياسر عنه وقال : وخر عني !
خالد شهق وهو يمثل الصدمه : شفيككك ياعمري بتبكي ؟
ضحكوا كلهم بضحكة استفزاز
وطالعهم فارس بنظرة استحقار وتركهم وهو مايبي يدخل بمشاكل وانه بيقطع علاقته معهم او بيغير مدرسه ثانيه المهم ما يشوفهم

_____________________________
- بمدرسة فاطمه -
كانت تمشي مع وحده من صحباتها اللي تعرفت عليها قريب
فاطمه : صراحه انا مره حبيت هالمدرسه باللي فيها ، تدرين اني ما كنت طايقتها وما ابي انقل حتى ههههه
ود : هي مرهه حلوه بس انتِ لو ما تمشين مع غلا بتزيد حلاوه
انصدمت فاطمه ولفت عليها وقالت : كيف يعني ؟
ود وهي مره تكره غلا لسبب غير معروف شهقت بتمثيل : ماتدرين وش سوت؟؟؟
فاطمه وهي معقده حواجبها : شسوت ؟
ود : صراحه فطوم انا ما ودي اصدمك بس سمعت ان غلا تطلع مع شباب
فاطمه ما اعطت ردة فعل لانها تعرف انها تقصد اخوها احمد
رفعت ود حاجبها لما ما شافت اي رد من فاطمه وقالت : شفيك لا يكون تدرين وساكته عنها؟
فاطمه : لا لا ما ادري بس مستحيل غلا تطلع مع شباب يمكن انك سامعه غلط
ود : والله انا قلت لك اللي سمعته لاني احبك واعتبرك زي اختي وما ابيها تأذيك
ابتسمت فاطمه بتسليك لها وقالت : حبيبتي الله يسعدك
وقامت فاطمه من عندها اول ما دق جرس انتهاء الفسحه ورجعت لفصلها وهي تنتظر غلا بفارغ الصبر
دخلت غلا وجلست عند فاطمه وفزت فاطمه اول ما جت وقربت منها وهمست لها عشان محد يسمع وقالت : ترا سالفتك بدت تنتشر انتبهي
غلا بستغراب :اي سالفه ؟
ابتسمت لها فاطمه بعبط وقالت : انتِ و احمد
شهقت غلا بقوه لدرجة انها شرقت وصارت تكح وكل الفصل ويطالعون بفاطمه وغلا
فاطمه وهي تضربها بخفه على ظهرها وقربت من اذنها وهمست : مريضه انتِ بتفضحينا؟
غلا وعيونها تدمع من الشرقه وقالت : تكفين فطوومم مين قالك؟؟؟
فاطمه مدت لها بمنديل وقال : ود اللي بثالث
غلا جلست تطالع بفاطمه وهي مصدومه
فاطمه بعباطه : شفيك مشبهه عليّ؟
غلا وهي معقده حواجبها : من متى صرتي صديقة ود؟
رفعت فاطمه حواجبها بصدمه وقالت : ليه وش فيها؟
رجعت غلا ظهرها على الكرسي وقالت بغرور وهي ترجع شعرها على ورا : اصلاً هذي تغار مني من زمان
فاطمه ضحكت وهي مو فاهمه شي وكانت بتسألها وش سالفتها هي و ود لكن قاطعها دخول الاستاذه

_____________________________
نزلت لكم هالبارت لعيون الوطنن🫡🇸🇦