يامُناي ودعاي

Part 55

بعد فتره قصيره من الايام ، وتخطي البعض للسوالف اللي صارت و البعض مو قادر
كان عبدالعزيز بدوامه وقرر انه يطلع من مكتبه ويغير جو لانه طفش من الجدران اللي حوله ويبي يشم هواء ، كان يتمشى بالممرات بهدوء وسرعان ما عقد حواجبه وهو يشوف شخص يعرفه ومستحيل ينسى وجهه ، قرب منه وقال : السلام عليكم
: وعليكم السلام هلا ي وليدي
عبدالعزيز: كيف حالك ي عم ابو انفال ؟
ابو انفال : اللهم لك الحمد ي وليدي وانت اخبارك؟
عبدالعزيز ببتسامه : الله يسلمك ي عم ، وش عندك هنا عسى ما شر ؟
ابو انفال : والله ي ولدي عندي ولد اخوي مسوي حادث ومبلغين عليه ، وجيت اشوف وش لازم اسوي
عبدالعزيز وهو يسمع له : وش اسم الولد ؟
ابو انفال : نواف الـ******
هز عبدالعزيز راسه وهو يقول : زين ي عم انا بتصرف انت خلك هنا
ابو انفال : لا ي ولدي ما بتعبك انا اروح
عبدالعزيز ببتسامه : شدعوه ي عم لا تعب ولا شي
لف عبدالعزيز وهو متجهه للقسم اللي فيه الولد وهو مو عارف ليه قاعد يساعد هالشايب بس قال بنفسه : يلا ي شيخ اكسب اجر فيه .

________
عند عبدالله
كان متجمع مع اخوياه بالاستراحة وقاعدين يتجهزون لليلة تخرجهم بفرح كبيير و اخيرًا رح يفتكون من الجامعه ، كانوا يجربون البشوت عليهم ويرّسمون ويسوون بروفه للتخرج وهم مبسوطين ويضحكون وحرفيًا جلسةٍ مافيها نفسٍ ثقيله

____________
~ عند عبدالعزيز ~
كان طالع من القسم ومعه الولد اللي اسمه "نواف" بعد ما كفله عبدالعزيز اتجهوا لأبو انفال الي كان جالس على احد الكراسي وانتبه على عبدالعزيز اللي تنحنح اول ما وقف عنده ، وسرعان ما وقف ابو انفال قدامه وقال : الله يوفقك ي وليدي ويهل لك امورك ويسعدك زي ما اسعدتني ، يولدي كيف ارد لك معروفك؟ انا باقي ما رديت معروفك مع بنتي انفال و صار الحين لازم ارجع لك معروفك مع نواف ، الله يهديك دايمًا تحرجني معك
ابتسم عبدالعزيز ابتسامه خفيفه وحط يده على كتف ابو انفال وقال : ولو يا عم الله يطول بعمرك
ابو انفال : اقول يا ولدي اقدر اخذ رقمك؟
ابتسم عبدالعزيز بستغراب وقال :اي يا عم سجل عندك 05*****
عبدالعزيز: يلا زين انا استأذنكم ، وقال وهو يأشر على نواف : وانت انتبه لنفسك مرا ثانيه ولا تسرع ، توك صغير الحياه قدامك عيشها كويس . و ابتسم ومشى

___________
~ بالليل ~
كان بالبيت وهو جاهز تمامًا ويطالع بنفسه بالمرايا ببتسامه بتشق وجهه كانت وسامته ما تقل عن وسامة اخوانه ، لف على الباب لدخول عبدالعزيز اللي قال : عريس عريس ماشاء الله
ضحك عبدالله وقاطعه صوت ابوه اللي يقول : اخلصوا تأخرناا
ابتسم عبدالله وطلع مع عبدالعزيز وركبوا سيارة عبدالله وراحوا متجهين للحفل وبعد الحفل استلم عبدالله شهادته اللي حس انها ابطت كثييررر لكن و اخيراً طلع وهو يسلم على ابوه و اخوانه "عبدالعزيز و ليّث وفارس " وعشان تكمل فرحته كلم ابوه ان وده يطلع مع اخوياه يتعشون ويسهرون مع بعض ، ووافق ابو ليّث بحكم انه تخرجه وخلص الحفل بدري وما يبي يعكر مزاجه لو يوم ويخليه ياخذ راحته فيه : زين انتبه لنفسك
ابتسم عبدالله وراح مع اخوياه والباقين رجعوا ،ابو ليّث وعبدالعزيز وفارس لبيتهم و ليّث ببيته عند سارا و درر .