يامُناي ودعاي

Part 15

بعد ثلاثه ايام
انتهى العزاء وانتهى التعب وكل واحد رجع بيته صح كلهم مجروحين على فراق عمهم لكن ما باليد حيله
الساعه 10:33
دق فهد على عبدالله وقال اول ما وصله صوته : عبود انزل لي انا تحت
وماهي الا دقايق ونزل عبدالله واستقبله كرتون المناديل بوجهه ،ضحك وقال : شفيكك؟؟؟
فهد وهو معصب : ساعه انتظرك خخيرر!
عبدالله وهو رافع حاجبه : لا تزودها كلها كم دقيقه
فهد : اركب اركب لا اتوطاك الحين
ركب عبدالله وهو منهار ضحك على فهد
كان فهد يسوق ويسولف لعبدالله بحكم انه اول ما طلع من المستشفى ما قابل عبدالله لان كان عنده عزاء
كان عبدالله يبادل فهد السوالف وفجأه سكت
فهد وهو يضحك : اهخخ بس ضحكني ذاك اليوم
سكت لثواني قصيره وقال : اقول ذاكرت الميد حق بكره؟
وطالع بعبدالله بأستغراب لانه واضح شارد وقال : ههيي ولد اسألك انا
عبدالله وهو باقي شارد : وقف وقف فهد
فهد وقف على جنب بدون ما يسأل لكن ما يخفي انه كان مستغرب من حركات عبدالله
عبدالله بدون اي سابق انذار نزل من السياره تحت صدمة فهد ، واتجه لمحل صغير ، ما اهتم فهد ورجع لسيارته ومسك جواله وهو ينتظر عبدالله

_____________________________
- بالمحل -
دخل عبدالله المحل وابتسامته شاقه وجهه وقال : سلام عليكم
لكن هالمره ما كانت موجوده اللي هو يبيها
هيفاء : هلا والله اخوي ب وش اقدر اساعدك ؟
تحطم عبدالله واختفت ابتسامته وهو وده يسألها وينها البنت الثانيه لكن قال بينه وبين نفسه : عبدالله عيب استح على وجهك
عبدالله اعتذر لهيفاء على اساس انه ملخبط بالمحل وطلع وكان مستعجل وهو زعلان لانه ما شافها
وفاطمه اللي كانت داخله المحل وهي مستعجله لانها استأذنت تطلع ربع ساعه وترجع وللاسف تأخرت ، وبعدم انتباه ضربت بشخص
عبدالله استوقفته البنت اللي ضربت بصدره
فاطمه بخوف رجعت على ورا بسرعه وهي تقول : معليش وربي اسفه ما اتبهتت
عبدالله ضحك وهو عرف صوتها وصد على طول عن الباب وقال : معليه حصل خير
دخلت فاطمه ووجها احمر ولو احد يقول لها ( ا ) بتبكي
هيفاء كتمت ضحكتها اول ما عرفت انها مره استحت
وعبدالله اللي كان واقف وهو للحين يهوجس فيها ، لف وقال : اءاا لو سمحتي ابي ورده
فاطمه ماردت عليه وهي للحين منحرجه منه
هيفاء اللي استغربت من تصرفاته وانه توه كان يقول انه غلطان لكن ما اعطت الموضوع اهميه وقالت : وش لون
عبدالله تنهد وهو يحس ان ريحة عطرها دخلت بقلبه قبل صدره ( مع انها ما كانت تتعطر كثير لما تطلع لكن هالعطر ثبت في عبايتها من فتره مو مره طويله )
قال : احمر
هيفاء : تمام فطوم جهزي له الورده انا عندي طلب ابي اخلصه قبل الساعه 11
هزت فاطمه راسها بتمام وبدأت تجهز له الورده
اما عبدالله اللي كان مرهه مبسوط انه عرف اسمها و اخيراً
اعطته فاطمه وهي تقول بصوت يادوب ينسمع وكانت يدها ترجف : تفضل
ابتسم عبدالله على رجفة يدها اللي كانت واضحه وقال : شكراً
وراح للسياره اول ما دخل قعد يشم الورده بكل حواسهه
فهد بأستغراب ضربه على كتفه : هييي شفيك انهبلت ! انا صار لي ساعه احتريك هنا واخرتها جايب ورده !!!
عبدالله وهو خلاصص طايح على وجهه : اهخخخ يا فهوود اهخخخخ
فهد عقد حواجبه : خيرر؟
عبدالله : تهبللل يا فهدد ابيهااا
فهد وسع حواجبه : ممميننن تكلمم؟
تربع عبدالله وحكى له اللي صار
فهد بضحك : والله ما توقعتك خفيف يامعفننن ! ههههههه
عبدالله ضحك وقال : حرك حرك وشغل لنا راشد تكفى
فهد غمز له : راشد اجل
عبدالله حط الورده عند قلبه وقال : ايييييي
وكمل وهو يغني مع راشد :
من يوم شفتك ... وقلبي مد لك يده
والعين ذابت ... في روعة حسنك وزينك
وتنهد وهو مبسووط لأبعد حدد

_____________________________
البارت مرهه قصير بس حبيت اختمه بشي حلو 🤍