يامُناي ودعاي

Part 9

بالظهر انتهت الحصه الاخير و اخذت فاطمه شنطتها وطلعت للساحه وهي بس تبي ترجع للبيت ، جلست وهي تفكر وقاطع تفكيرها جلوس غلا جنبها
لفت عليها فاطمه وابتسمت على جنب وقالت : خلصتوا قلة ادبكم؟
غلا : فطوم والله ما سوينا شي قليل ادب بس طلعنا فطرنا ورجعنا
فاطمه شمقت لغلا بعيونها وطلعت لان ابوها جاها
ركبت فاطمه وحطت راسها ع القزاز
ابو مروان : شفيها بنيتي ؟
فاطمه : تعبانه شوي
ابو مروان : ليه ؟ ما كان فيك شي الصباح
فاطمه : اخذت برد بالفصل
ابو مروان : ما عليه ترجعي البيت تتغدي وخذي بنادول وانا بخلي امك تكلم هيفاء انك مارح تروحي المحل اليوم
فاطمه لفت على ابوها بقوه : لا لا بروح ما فيني شي بس شوي صداع و اصير كويسه
ابتسم ابوها على اصرار بنته على هالشغله مع انها مو محتاجتها وهو يحب هالشي اللي فيها كثير

___________________
عبدالعزيز دخل البيت وكان هادي كالعاده ودخل المطبخ وسألته العامله اذا يبي غداء وكان عبدالعزيز من النوع اللي ما يحب ياكل لحاله ورفض وطلع وهو يبي ينام بس قبل لا ينام قرر يسلم على ابوه بالاول دق الباب ودخل باس راس ابوه وهو كان يقرا قرآن
ابو ليّث وهو يقفل المصحف : كيف دوامك؟
عبدالعزيز: الحمدلله
الو ليّث : قول لاخوانك يفضون انفسهم اليوم عمهم مسوي عزيمه في بيته الجديد عقب العشاء
عبدالعزيز: ابشر
راح عبدالعزيز لغرفته ورسل بقروب اخوانه : يا عيال ابوي يقول فضوا انفسكم الليله عمي مسوي عزيمه في بيته الجديد وما يبي اعذار
ليّث رد على طول بالموافقه
فارس : طيب
عبدالله: عاد اليوم بالذات ما اقدر
عبدالعزيز: وليه ان شاءالله ؟
عبدالله: بروح اشوف فهد
عبدالعزيز: اقول تراك بتسلم على فهد وبترجع ، وما انصحك تطول و ابوه عنده
عبدالله : يالليل يا ذا الشايب الله يعيني عليه
قفل عبدالعزيز جواله وهو مقرر ينام

_______________________
كانت الساعه 2 الظهر وكانت فاطمه تحل واجباتها كالعادة عشان تقدر تروح المحل وهي ماعندها شي ، فجأه دق بابها ودخل احمد
فاطمه قفلت كتابها وكانت تطالعه بإستحقار كبير وقالت : نعم؟
احمد جلس جمبها بهدوء وتنهد وقال : فطوم لا تفهمينا غلط حن.....
قاطعته فاطمه وقالت : وشووو اللي ما افهمكم غلط؟؟؟ انتوا قدامي طلعتوا مع بعض ! احمد شفيكك انت منجدك تاخذ البنت من قدام المدرسه ولحالكم ؟
وكملت وهي تبكي : تخيل لو اهلها او اهلي عرفوا بالموضوع بيذبحوك يا احمددد
احمد قرب منها وضمها بهدوء وقال : ما عليك يا فطومي والله محد رح يعرف غيرك ، واقسم لك اني مو قاعد اللعب ع البنت و اني احبها اكثر من نفسي بس انتظرها تتخرج و بتقدم لها
وخرت فاطمه عنه وقالت : من متى تحبون بعض ؟
احمد ابتسم وقال : من سنتين
وضحك بخفه وكمل : تحسبين انو اقنعت ابوي ننتقل لهالمدينه عشان جامعتي ؟ هههههه لا يا حبيبتي بس عشان اكون قريب من قلبي
ضحكت فاطمه وضربت احمد بخفه على كتفه وهو فعلاً كان احمد مُصر انهم ينتقلون لهالمدينه وهو يقدر يروح جامعته بدون النقل والكل كان مستغرب من حلطمته وليه يبي هالكثر هالمدينه بالذات

______________________
- الساعه 8:30 بعد صلاة العشاء-
كان بيت ابو ليّث في حالة استنفار بين اللي يبي شماغه و اللي يبي فنيلته واللي يبي يتبخر اول
ابو ليّث بصوت هز البيت : ولدد انت وياهه الناس وصلوا وخلصوا وانتم تتضاربون على البخور ؟ اخلللصصصصص
نزلوا وهم كل واحد يقول الزين عندي
ابو ليّث ابتسم اول ما شافهم بس ما حب يبين لهم وقال : يلا الحقوني
وراح لسيارته وهو يبيهم يروحون معه
عبدالله: عزيز
عزيز لف عليه وقال : هلا
عبدالله: ليّث رح يجي ؟
عبدالعزيز: اي كلمته وقال بياخذ اهله ورح يجي
عبدالله ابتسم : اووف عاد وحشتني دُرر
عبدالعزيز ابتسم على طاري دُرر : ايييي
ركبوا السياره وكان ابوهم اللي يسوق و عبدالعزيز جمبه و ورا عبدالله وفارس ، وكان الكل ساكت وكسر هالهدوء عبدالله وقال : يبه
ابو ليّث طالعه من المرايه وقال : هممم
عبدالله : ترا بقعد شوي في بيت عمي وبروح
ابو ليّث عقد حواجبه وقال : ليش ؟
عبدالله سكت شوي وهو كان متوقع ابوه يعصب وقال : بروح ازور فهد
ابو ليّث : وبترقد عنده انت ؟
عبدالله ضحك وقال : لا يا يبه بس صار لي زمان عنه
ابو ليّث: طيب
وماهي الا دقايق ووصلوا
كان البيت كبير وفخم وقدامه سيارات كثير تعلن انهم تأخروا
ابو ليّث بعصبيه : كله منكم من اليوم اقول لكم امشوا اخرتها شف الناس وصلوا
سكتوا عياله ومحد له وجه يتكلم حتى
قال ابو ليّث بصوت عالي : يا اهل البيييت
وجاهم الرد من ابو سعود وقال : ححيييهممم
وجا يسلم على اخوه محمد وعياله
ودخلهم المجلس والكل فز لأبو ليّث وعياله اللي كانوا لهم مكانه كبيره عندهم وبعد السلام جلسوا وقال واحد من الرجال : شفيك يا ابو ليّث متأخر مو من عوايدك
ناظر ابو ليّث بعياله بعصبيه وقال بهدوء يعكس العصبيه اللي داخله : والله زحمة الرياض وش نسوي عاد؟
وجلسوا يتكلمون وياخذون اخبار بعض وبعدها ب شوي دخل ليّث وماسك بيده دُرر والكل فز لليث يسلمون عليه واللي ياخذ دُرر ويسلم عليها الا عبدالله نط من مكانه اخذ دُرر وهو مشتاق لها بالحيل وما شافها من فتره ورجع يجلس ، وبعد ما سلم ليّث على كل الموجودين التفت يمين يسار يدور دُرر وقال وهو معقد حواجبه: وين بنتي ؟
ضحك عبدالله وقال : عند عمها
التفت ليّث عليه وراح له وضربه على كتفه وقال : حتى ما جيت تسلم يا حيوان على طول اخذتها؟
عبدالله بأبتسامه : انت قبل كم يوم شايفك وشوله اسلم المهم الحين دُرتي
ضحك ليّث بخفه وجلس بين عبدالله وعبدالعزيز