يامُناي ودعاي

Part 46

<< عند ليان >>
دخلت غرفتها وفصخت عبايتها وراحت للحمام تغسل وجهها من الميك اب و غيرت ملابسها ولبست بجامتها ، طلعت من الحمام ومسكت جوالها وصورت صوره عفويه ونزلتها ستريك قفلت جوالها وحطته على سريرها وراحت للتسريحه وهي تحط كريم لوجهها ويدها وبعد دقايق قصيره التفتت على جوالها اول ما سمعت رساله وقامت وهي متجهه له و ابتسمت اول ما شافتها رساله من فاطمه ، فتحتها وكان مكتوب " فاضيه ؟" ردت ليان بـ " اي " دقت فاطمه وقالت ليان اول ما وصلها صوت فاطمه : مسرع اشتقتي لي ؟
ضحكت فاطمه وقالت : ههههه ماعلينا المهم وش بتسوين الحين بالصور؟ احسني شايله همها اكثر منك
تنهدت ليان وقالت : والله مدري
فاطمه : تبين نصيحتي ؟
ليان : اي
فاطمه : احذفيها وطلعي نفسك من المشاكل
ليان وهي تحاول تقصر صوتها عشان محد يسمعها : فطوم تستهبلي ؟ وعبدالعزيز حرام اللي يصير فيه ، مو قصة ماني متهنيه لها بعبدالعزيز بالعكس الله يهنيهم لكن والله حرام تستغفله كذا
فاطمه : انا ادري ياقلبي لكن وش بتقولي لهم مثلاً ؟ كيف بتثبتين لهم ؟ ومين اللي رح تقولي له اصلا ؟
ليان بعدم معرفه : والله مدري
فاطمه : شوفي اذا مره مره قولي لأمك او اي احد توثقين فيه وخليه يتصرف لكن انتِ تروحين وتخبصين لا انتبهي وصراحه انا خايفه عليك من اشجان ذي مره ما ارتحت لها وياخوفي تقلب الموضوع ضدك وتخليك كأنك انتِ قاعده تألفين هالشي عشان تاخذين عبدالعزيز منها ، وكملت بغثى : اوف وربي ما تنطاق لاهي ولا ذيك البنت اللي توفى ابوها قبل فتره
ليان : مين قصدك هُيام ؟
فاطمه بتذكر : ايي هي
ليان بضحك : يوووه عاد ذيك لها سالفه ثانيه
فاطمه بفضول : وشو
حكت لها ليان سالفة هُيام وعبدالله ، ردة فاطمه وهي طول ما كانت ليان تحكي لها وهي بصدمه ورا صدمه وقالت : يعني صدق عبدالله ذا طلع بلاير على كلام اشجان؟
ليان : هههه لا لا ترا والله هو حاله حال نفسه و ابوي مره يحبه ويعتبره زي واحد من اخواني من كثر ماهو محترم لكن البنات يرمون نفسهم عليه
هزت فاطمه راسها وقالت : ما علينا المهم انا بقفل الحين وانتي انتبهي لنفسك ياعمري
ليان : مع السلامه
قفلت فاطمه وجلست تمشط شعرها قدام التسريحه ولفت على الباب اول ما شافت كادي دخلت ومعها كاستين قهوه ، ابتسمت وقالت : اعرف هالدخول وش وراهه كويس
كادي بضحك : هههههه لو ما حشيت بمووت
ضحكت فاطمه وقامت تجلس على سريرها وجلست كادي مقابله لها وقالت : يشيخه تغث تغغثث ، كيف جت ذي اصلا؟
فاطمه : قلت لك نشبه واكثر شي ناشبه لليان من يوم عرفت ان عبدالعزيز كان يحبها صايره تدقها بالكلام وطول وقتها تسولف عن عبدالعزيز وعبدالعزيز ،وقالت بقرف وهي تقلدها : والله هذا عزوزي شراه لي وعزوزي قال لي وعزوزي وعزوزي
كادي وهي متأكده وتأشر لها على ذراعها : يشيخه اقص لك يدي من هنا لو طلع عبدالعزيز عاطيها وجه
فاطمه : ههههه منجد يشيخه تلقينه ما درا عنها اصلاً وكملت بتذكر : ايييي تخيلي .... ( وقالت لها سالفة الرسايل اللي بجوال اشجان )
كادي : اوف اوف هههههههههههههه فاتني ليتني كنت موجوده
ضحكت فاطمه 
كادي : وذيك البزر قسم بالله كان ودي اصفقها
فاطمه وهي معقده حواجبها : مين ، فجر؟
هزت كادي راسها بـ اي: ملعونه قسم بالله من تحت لتحت
فاطمه : اي وربي ، وقالت بتذكر لسالفة هُيام : بنتتت تذكرين هيام اللي كانت تطالعنا بنظرات غريبه بيوم خطبة ولد ام سعد؟
هزت كادي راسها بـ اي: اي ؟
حكت فاطمه السالفه كامله لكادي اللي كانت مصدومه وقالت : يعني ابوها توفى بسببهم؟
فاطمه بمقصد تصحح لكادي : بسببها
رفعت كادي حاجبها وقالت : لا حياتي كان معها يعني مشاركها بالجريمه
فاطمه : ليان تقول الولد محترم مره هُيام اللي رمت نفسها عليه
كادي : لو انه محترم على قولتكم كان صد من البدايه وما اخذ واعطى معها ولا والله طاق حنك معها من اليوم و اخر شي حاطين الذنب على الضعيفه لحالها
رفعت فاطمه اكتافها بعدم معرفه : والله مدري هذا اللي قالته ليان
ما ردت كادي وهي تشرب قهوه ، طالعتها فاطمه وقالت : خلينا منهم الحين انتِ شوضعك ؟
هزت كادي راسها بمعنى " وش ؟" بدون رد وكملت فاطمه : شخبار حبيب القلب ؟
ضحكت كادي وقالت : حبيب القلب ابن *****
وسعت فاطمه عيونها وقالت : عجيييب !؟
كادي : كلب يا فطوم وربي دايمًا يصرفني بكلمة اشغالي ومدري وش
فاطمه : خلاص انتِ طنشيه
كادي : هو كذا
رفعت فاطمه كاستها وهي تشرب ومرت 3 دقايق وولا وحده قالت كلمه و انتبهت ان كادي طول هالدقايق كانت شارده ، رفعت يدها وطقت بأصبعها قدام كادي اللي قالت وهي معقده حواجبها : شفيك ؟
فاطمه : وين وصلتي ؟
عدلت كادي جلستها وقالت : ياخي لما تكوني تحبي شخص لكن هو يبدا ويصرفك ومو مهتم فيك يزعل كثيير ويخليك تحسب بنقص بعد ما انتِ كنت متعوده عليه وعلى اهتمامه وعلى كل شي وفجأه يصير هالاهتمام ما كأنه كان موجود من الاساس وبدون اي سابق انذار يدخل شخص ثاني لحياتك ويعوضك بكل النقص و الفراغ اللي انتِ تحسين فيه ، وبهاللحظه عقدة فاطمه حواجبها من كلام كادي لكن ما قالت شي وكملت كادي : من اهتمام من حب ويحس فيك وان زعلتي يقلب الدنيا فوق وتحت عشان بس رضاك
قاطعة فاطمه كادي وهي تلمس جبين كادي وتقول : كادي حبيبي شفيك؟ وضحك كلامك
ابتسمت كادي بضيق وقالت بتهديد : بقول بس شوفي والله لو تنقدين علي لتتصفقين لان انا بكبري ناقده على نفسي مب ناقصتك
فاطمه : قولي بس
كادي بتوتر : اااا تعرفين انا احب انزل تغريدات بالتويتر صح؟
فاطمه : اي ؟
كادي : في واحد دايمًا كان يعلق على تغريداتي ، ولين عمره نزلت كلام وكمت مره متضايقه فيه واقصد ياسر وجا ذا ورسل لي سطور يواسيني فيها و و و وصراحه انا ارتحت له وقعدت افضفض له
فاطمه بانفعال : نعمممم؟
كادي : اششششش ، بتفضحينا !!
فاطمه بعصبيه : خير كادي وش هالكلام من متى !؟
كادي : فاطمه والله معد اقول لك شي
فاطمه وهي تحاول تمسك اعصابها : كملي كملي
كادي : المهم فضفضت له وسمع لي وواساني وقعد يسولف لي وكلامه يا بنت معسسسول يخليك تحبينه غصب
حطت فاطمه يدها على جبينها وهي قد صدعت من كلام كادي وقالت : اثاري البلاير عندي والله مو جارنا
ضحكت كادي وقالت : فطوم لا تلوميني ياخي والله لو تسمعين كلامه وكيف يهتم فيني والله يحسسني اني اخر بنت على هذا الكون والله
فاطمه بقهر من كلام كادي : كادي انتِ قلتيها كللااممم!! يومين وبيطفش منك وبيسحب عليك نفس ياسر
كادي : ما اتوقع والله تراه طيب مرااا واعترف لي بأعتراف
فاطمه بتعقيدة حواجب: وش
كادي : قال انه صار له ثلاث شهور يحبني ويسعى لي بس انا كنت مب عاطيته وجه
فاطمه بطفش : وانتِ صدقتيه؟
كادي : فاطمه ياخي لاتكلميني كذااا !
فاطمه : وش تبيني اقول لك يا كادي هاه؟؟ تبيني اشجعك على هالشي ؟ ولا تبيني اوقف معك على الغلط ؟
كادي : لا ياخي بس حسي فيني والله اني ناقده على نفسي وكارهتني اني معلقه اثنين فيني
فاطمه : شسمه
كادي : سلطان
فاطمه : والحين ياشر وش وضعه لو عرف ؟
حطت كادي وجهها بين كفوفها وقالت بتأفف : مدري مدري ، المشكله ياسر معد صرت اصدقه لكنه يحلف لي انه يحبني ويقول بس بيتخرج ويجي ياخذني وسلطان طيب مرهه وما يستاهل اني اكسر قلبه وانا مكذبه عليه اني تاركه ياسر ومستحيل ارجع له ما يدري انه للحين معي وسلطان ما باقي له شي ويتخرج ويقول بيجي ويخطبني
فاطمه بصداع : يختي ورطتي نفسك كثيررر الحين لو مثلاً جا وتقدم لك ياسر وش رح تقولين لسلطان و العكس ؟
كادي بصوت باكي : مدري مدري
تنهدت فاطمه وقالت : وانتِ وش وضعك من تحبي ؟
رفعت كادي اكتافها وقالت : احب ياسر لكن هو كلب و احسه لاقي غيري ويكذب علي كثير و حبيت سلطان من حبه لي احسه اصلا يحبني اكثر من ما انا احبه ومره والله يافاطمه ما يستاهل اني اجرحه
فاطمه بعدم معرفه : والله ما ادري وش اقول
كادي : لا تقولي شي ، وابتسمت وقالت : اهم شي قلت لك كنت بموت لو ما تكلمت
ابتسمت فاطمه من ابتسامتها ، قامت كادي وطلعت من الغرفه وقالت من عند الباب : تصبحي على خير
فاطمه : وانتي من اهله
طلعت كادي وسكرت الباب ، ارتمت فاطمه على السرير وتنهدت بقووهه وهي تحس انها شايله همهم كلهم فرق راسها من كادي ، احمد وغلا ، ليان وسالفة اشجان ، تحس انها هي اللي متورطه مب هم