يامُناي ودعاي

Part 29

• عند عبدالعزيز •
اول ما طلع من عنده العميد مشعل اتصل عليه ابوه ورد وقال : هلا يبه
ابو ليّث: ياولدي يـ عزيّز اليوم الشوفه ابغاك تكون جاهز زين ؟
عبدالعزيز اللي انخرس وقال بينه وبين نفسه ( مسرع يبه ؟! ) وغمض عيونه بقهر وقال بضيق : ابشر
قفل ومسح وجهه وهو يستغفر ووده يبكي من الغبنه ومن ابوه لكن رجع وتذكر البنت اللي بأمانته وانها مالها شغل بمشاكله و طلب من العساكر يجيبون له ريان بغرفة التحقيق
دخل ريان الغرفه وبعدها بدقايق دخل وراه عبدالعزيز وكان يطالعهم ابو مروان وفيصل وواحد من العساكر من ورا القزاز
عبدالعزيز ونفسيته بخشمه : ريان اخلص علي و وقول وين حطيتوا البنت ؟
ريان وهو شايف ان عبدالعزيز مو على بعضه وحب يستغل هالشي ويستفزه وقال وهو يستغبي : اي بنت؟
ضرب عبدالعزيز بيده ع الطاوله بقوه وقال وهو يرص على اسنانه : انفالل !
ريان وهو مكمل استغباء : اممممم ما اعرف بنت بهالاسم من تكون ذي ؟
زفر عبدالعزيز وهو يثور وبدا يرجف من العصبيه وقال بهمس وهو يحاول يهدي نفسه : استغفرالله
ريان : قلت شي ؟
عبدالعزيز : ريان ترا هالشي مو لصالحك ابدا !
ما رد ريان
عبدالعزيز وهو يشد على قبضة يده : لآخر مره رح اسألك ، وين البنت؟
ريان : *****
انفلت عبدالعزيز على ريان ومسكه من ياقته بقوه وهو يصارخ عليه بـ : ياحيييوااننن وينننن ححططييتوووااا البنننتتتت !!!!
ريان بضحك مقصده يستفز عبدالعزيز : هههه قلت لك *****
عبدالعزيز ما قدر يمسك اعصابه اكثر من كذا وطاح فيه ضرب وكأنه ما كان ناقصه وحط حرة كل شي فيه
العميد مشعل من ورا القزاز : عبدالعزيز وش قاعد يسوي !! روحوا طلعوه
دخل فيصل و العسكري اللي معه غرفة التحقيق وهم يبعدون عبدالعزيز اللي كان ينتفض وجهه احمر ومعرق عن ريان
طلعوا عبدالعزيز و التقى وجهه بوجه العميد مشعل وقال وهو يرصّ على اسنانه : ممكن تفهمني وش اللي سويته الحين ؟
ما رد عبدالعزيز وهو يتنفس بصعوبه
العميد مشعل بحده : اكلمك انا !! اوقف عدل ، ووخر عنه يا فيصل
بعّد عنه فيصل اللي كان باقي ماسكه
العميد مشعل : طالعني يا عبدالعزيز
رفع عبدالعزيز راسه وكان ينتفض ويحس ان الدنيا قاعده تغبش بعيونه
عقد العميد مشعل حواجبه لما شاف عبدالعزيز بدا يختل توازنه ، وتقدم ومسكه بسرعه اول ما طاح وهو يسمي عليه ومسكه بمساعدة فيصل وهم يدخلونه مكتب العميد مشعل لانه اقرب شي لهم ، دخلوه وكان عبدالعزيز شبه واعي ويتنفس بقوه وجاب له فيصل مويا وهم يشربونه والعميد مشعل يقرا عليه وبعّد اول ما بدا يصحصح عبدالعزيز
العميد مشعل : فيصل روح جيب شي ياكله
فيصل : ابشر
طلع فيصل والتفت العميد مشعل على عبدالعزيز وقال : انا قايل لك من اول انك مو بخير
هز عبدالعزيز راسه بـ لا وقال : مافيني الاكل خير
العميد مشعل بأنفعال : اي خيرر بالله عليك وانت توك تنتفض تقول ارنب !
ضحك عبدالعزيز بخفه
العميد مشعل بجديه : عبدال ياولدي انا زي ابوك وعندي عيال بعمرك قول لي وش اللي موصلك لهالحاله؟ يمكن اقدر اساعدك
تنهد عبدالعزيز وحس روحه بتطلع من بعد هالتنهيده وقال بصوت متقطع : ما تقدر
العميد مشعل : يمـ .......
وسكت اول ما دخل فيصل ومعه الاكل ، حطه قدام عبدالعزيز اللي قال : ماله داعي مو جوعان
العميد مشعل بحده : اقول خل عنك الدلع الزايد وكِل ، واذا خلصت تقدر تروح البيت وترتاح 
بعّد عبدالعزيز الطاوله اللي عليها الاكل وكان بيقوم لكن استوقفته يد العميد مشعل اللي رجعته يجلس وقال : ترا قسمًا بالله بتتصفق !
ضحك عبدالعزيز وجلس بهدوء
طلع العميد مشعل مع فيصل وسكروا الباب
قعد عبدالعزيز يطالع بالاكل لدقايق وهو فعلاً مو مشتهي شي ، قام واخذ جواله وطلع من المكتب