يامُناي ودعاي

Part 44

<< بالمغرب >>
عند ليان ، كانت جاهزه وتنتظر خواتها يخلصون ، رفعت جوالها وهي تصور كشختها اللي كانت بلوزه حمراء وماسكه وبأكمام طويله وفتحت اصبع وبنطلون ابيض ونزلتها ستريك ، وبعد 6 دقايق وصلتها رساله من اشجان تقول فيها : وش هالزين ؟ على وين ؟
ليان : عند فطوم وكادي
اشجان : الله الخوات؟
ليان : اي
اشجان : مرا اشتقت لهم ، ليه ما علمتوني كنت بجي معكم
انحرجت ليان منها مرههه وراحت لفطوم وكتبت : بنتتت
كانت فاطمه قدام تسريحتها وتسوي مكياج بهدوء ولفت على الباب اول ما دخلت كادي وقالت : فطوم عندك الروج حقي ذاك الحلو ؟
فاطمه وهي تأشر لها فيه : اي اي شوفيه
قربت كادي و اخذته وقالت وهي رافعه حاجبها : متى اخذتيه؟
فاطمه : اول جيت غرفتك وكنتي بالحمام و اخذته
اخذته كادي وهي تشمق لها بعيونه وصارت تحط روج ، ما اهتمت فاطمه ولفت على جوالها اول ما جاها مسج وكان من ليان وكاتبه فيه : بنتت
فاطمه : هلا
ليان : تكفيين جبت العييددد
فاطمه بتعقيدة حواجب: شفيكك وش صار!؟
ليان : شفتي الصوره اللي رسلتها ستريك؟
فاطمه : ايوه؟
ليان : شافتها اشجان
فاطمه بعدم فهم : وطيب ؟
ليان : مو هنا المشكله ، المشكله انها صارت تقول لي ليه ما علمتوني وكنت ابي اجي معكم ومدري وش
فاطمه توهقت وقالت وهي تبي تتدارك الموضوع : طيب عادي قولي لها حياك
ليان : والله؟
فاطمه : اي والله
ليان : طيب
طلعت ليان من محادثة فاطمه و ارسلت لأشجان وقالت : حياك الله يروحي تعالي ، برسل لك موقع بيتهم
وردت اشجان بنفس الثانيه : تممممم
تأففت ليان وقفلت جوالها وقامت تشوف خواتها وش صار عليهم لانهم طولوا
لفت كادي على فاطمه اللي رمت بجوالها على سريرها ورجعت لشعرها وقالت : مين ؟
فاطمه : ليان ، تخيلي وش تقول ؟
كادي بتعقيدة حواجب : وش؟
فاطمه :تقول ان اشجان تبي تجي ، يع هالبنت ما احبها
كادي : اشجان ذي نفسها اللي خطبوها لعبدالعزيز غصب ؟
فاطمه : اي هي
كادي : مو مرتاحه لهالبنت ابدًا
فاطمه : ولا انا
لفت كادي وهي قد خلصت وكانت لابسه بلوزه سماوي وبأكمام طويله وجنز وطلعت من الغرفه اما فاطمه خلصت مكياجها اللي كان مراا خفيف وطلعت ملابسها اللي كانت عباره عن توب ازرق وبنطلون بنفس اللون ، وبعد ما لبست فردت شعرها اللي كان يوصل لظهرها وطلعت البخور اللي كانت مجهزته وصارت تبخر شعرها بهدوء وبعدها طلعت عطرها اللي صار الكل يعرفها فيه وتعطرت واخذت جوالها وجلست تطقطق فيه

وبعد نص ساعه خلصوا و اخيرًا خوات ليان وتجهزوا ونزلت ليان وهي لابسه عبايتها وبتسلم على امها و ابوها
ابوها : السواق بيوديكم ؟
ليان : ايوه
ابو سعود بتفكير : خلاص تعالوا انا بوديكم وبقعد عند عمكم لين تخلصوا
ابتسمت ليان وقالت : تم
نزل ابو سعود وجلست ليان عند امها وسلمت عليها وطلعت ورا ابوها ، ركبت قدام وفجر و اروى ورا
وبعد اقل من عشر دقايق وصلوا نزلت ليان و خواتها بهدوء وفكت فاطمه الباب بعد ما ارسلت لها ليان انهم وصلوا ، دخلوا البيت وصارت ترحب فيهم وتدخلهم للمجلس ، لف ابو سعود وشاف ابو مروان ومحمد متجهين للبيت وقال بصوت : سلام عليكم
ابو مروان ببتسامه : وعليكم السلام ، وقرب منه وصاروا يسلمون على بعض وقال ابو مروان : بغيت شي يبو سعود؟
ابو سعود : لا والله بس وصلت بناتي عندكم
فهم ابو مروان ان ضيوف فاطمه وكادي هم بنات سعود وقال ببتسامه : اجل حلفت عليك تعال اشرب فنجال قهوه
ابو سعود : لا و.....
ابو مروان : يا رجال امش يلا البيت هنا عيب لو ما ضيفتك
ابتسم ابو سعود ودخلوا لمجلس الرجال وكان وراهم محمد ولما دخلوا المجلس راح محمد للمطبخ عشان يجيب القهوه والتمر ، دخل المجلس وضيف ابو سعود ومن بعده ابوه وجلس جمب ابوه اللي يسولف مع ابو سعود و التفت على ابو سعود اللي قال : بشرنا يا محمد ما فكرت تعرس منا ولا منا ؟
ابتسم محمد وقال : لا والله يا عم ما افكر بالموضوع باقي
ابو سعود بضحك : ومتى تفكر ؟
ضحك محمد وقال : الله يكتب اللي فيه الخير ، وقام وهو طالع لغرفته