يامُناي ودعاي

Part6

- العصر 3:21 -
ابو مروان : وانا وش مقصر معها عشان تطلب زي كذا؟
ام مروان : يا مشعل البنت تحب هالشغل مو قصة انت مقصر ولا لا
ابو مروان تنهد : طيب ناديها لي
قامت ام مروان تنادي فاطمه وكلها ثواني وجت
فاطمه : سم يبه
ابو مروان : امك قالت لي بموضوعك ، ليه تبين تشتغلين ؟
فاطمه : يا يبه يا حبيبي انا احب الورود وهالشغلات وانت ادرى بهالشي والفلوس ما همتني انا حابه هالشغل
ابو مروان : ودراستك يا بنتي ؟
فاطمه : انا قلت لأمي دراستي الصبح و الشغل الليل
ابو مروان : امك قالت ان المحل فيه وحده تشتغل فيه صح ؟
فاطمه : اي
ابو مروان : انا موافق بس ما اقدر اخليك تروحي الا لما اتأكد من هالوحده اللي في المحل اذا اقدر اضمنك عندها او لا
فاطمه فرحت وباست راس ابوها وبحماس : تمممم

__________________________
- عند ليّث -
اخذ فارس وهو متوجه للبيت عشان يكلم ابوه
دخلوا البيت وكان فوضى بعد اللي صار اشر ليّث لفارس عشان يروح لغرفته وراح لابوه .
دخل الغرفه وهو يبتسم ويسلم على راس ابوه : مساك الله بالخير يبه
ما رد ابوه وهو يدري ان ليّث ما يجي الا عشان يصلح مشاكل اخوانه
ليّث : يا يبه الله يهداك وش سويت بالولد؟
ابو ليّث: ليّث لا تجيب لي سيرة الزفت ذاك وهو مسود وجهي بين العرب !
ليّث : يا يبه الله يرضالي عليك لاهو مسود وجهك ولا شي وفارس بعده صغير ما يعرف شي وانت اكثر واحد يدري انه متأثر من بعد موت امي وترا الغلط مو بس على فارس حتى حنا غلطانين اهملناه ومحد وقف معه وقال له خاوي ذول و اترك ذول وانت تعرف يا يبه ان هذي مو حركات فارس وما كان قصده يسوي كذا افهمه تكفى ، وخذ لك وعد مني من اليوم ورايح انا اللي بوقف فوق راسه و اشوف اخوياه
ابو ليّث : والله محد مبرد قلبي غيرك الله يطول بعمرك لعيالك
ابتسم ليّث وقام لفارس
ليّث : فروس قم سلم على ابوي وطيّب خاطره
فارس : والله ما اروح ! ليّث تستهبل صح؟ الظهر كان بيذبحني بالصاله و الحين تقول لي روح وسلم عليه !
ليّث تنرفز وهو يرص على اسنانه : فارس بتقوم ولا اقومك غصب ؟
تنهد فارس وقام
دخل عند ابوه اللي صاد عنه
سلم فارس على راس ابوه وجلس جمبه
ابو ليّث كان ساكت
تدخل ليّث : هاه يا يبه وجا فروس ويعتذر منك وصدقني انه ندمان
ابو ليّث طالع فارس و ابتسم له وحط يده على كتفه : الله يحفظك يا ولدي
فارس اول مره يحس بفرح اتجاه ابوه من بعد وفاة امه ولمعت عيونه و ابتسم وطلع من الغرفه بدون اي كلمه
تنهد ليّث و استأذن من ابوه وراح لبيته
اما فارس اللي اول ما دخل غرفته نزلت دمعته وقعد يتذكر امه وكيف كانت حياتهم قبل وكيف كانت تحميه من ابوه دايمًا

__________________________
- عند عبدالله -
واقف بالسياره وهو معرق وفاتح ازرار ثوبه ومو قادر يتنفس كويس من القهر اللي فيه من سالفة اخوه و ابو فهد
دق عليه عبدالعزيز بس ما يبغى يرد عشان لا يسمع صوته ويخاف ، دق مرتين وثلاث وما وقف ابد الى ما رد عبدالله : عبودد وينكك!!
عبدالله وهن يحاول يعدل صوته : هلا
عبدالعزيز: انا راجع البيت وينك فيه ؟
عبدالله : عند واحد من اخوياي
عبدالعزيز: فيك شي ؟
عبدالله: لا عزيز بعدين اكلمك - قفل -
عبدالعزيز استغرب بس ما اهتم وهو للحين ما يدري وش صار بالبيت .

_____________________
ام مروان بعد ما كلمت ام سعد ان بنتها تبغى تشتغل بمحل الورد ومنها تستفسر عن اللي مع فاطمه بنفس المحل وعرفت انها متزوجه وعندها ولدين
ام مروان : كلمتها وصراحه طمنتني
ابو مروان : الحمدلله ، ومتى قالتلك تبغى فاطمه تداوم؟
ام مروان : كانت تبيني اخليها تجيها الحين بس قلت انها ما يمديها الحين بكره تكون جاهزه
ابو مروان : زين سويتي

________________________
وصل عبدالعزيز البيت وشافه فوضى وشاف العامله تمسح الارض ولمح دم وانصدم وسأل العامله وقالت له ان ابوه ضرب فارس وراح يركض لغرفة فارس يتطمن عليه ولقاه نايم وفعلاً كان عليه اثار ضرب وشاش وراح لأبوه وهو معصب لانه ما يرضى على فارس حتى من نفسه و امه وصته بالذات على فارس لانه اصغر واحد ، دخل غرفة ابوه بدون ما يدق الباب حتى وما لقى احد ونزل الحوش و استوعب ان سيارة ابوه مو موجوده راح ياخذ شاور وقعد يشرب قهوته بالصاله عبال ما يرجع ابوه ، دخل عبدالله وهو على حالته فز له عبدالعزيز ومسكه بخوف : عبود شفيكك؟؟؟
عبدالله وهو مو قادر يتكلم ويأشر له بيده انو مافيه شي
مسكه عبدالعزيز وخلاه يجلس وعطاه مويا وهو يمسح عرق وجهه بمنديل
عبدالعزيز: وش جاك؟
عبدالله : ابو فهد طردني من غرفة ولده اليوم
عبدالعزيز رفع حواجبه : طردك؟
عبدالله : اي ، يقول انو انا السبب بحادث ولده
عبدالعزيز: يستهبل؟
عبدالله ما رد
عبدالعزيز بنرفزه : ذا الشايب قسم بالله ماني طايقه من زمان حسنته الوحيده فهد ، يغثث
عبدالله وهو يبتسم بضيق : يقول لي لعد اشوفك عند فهد
عبدالعزيز تضايق من ضيق عبدالله وهو يدري ان فهد اقرب واحد له : لا تشيل هم وانا اخوك كلها يومين و يرضى ابوه لحاله
عبدالله: على طاري ابوه ، اليوم ابوي ضرب فارس
عبدالعزيز: ايي يا اني انقهرت شفيه ابوي معامل فارس معاملة واحد منا ؟ تراه صغير قسم بالله يوم شفت وجهه رحمته
عبدالله : خله يستاهل
عبدالعزيز بأستغراب: ليه؟!
عبدالله : اخوك صار له اسبوعين هارب من المدرسه وطلع مخاوي عيال شوارع ويدخن معهم !
قام عبدالله وهو متنرفز و يبي ياخذ شاور وينام للمغرب
اما عبدالعزيز اللي من الصدمه ما قدر ينطق

_________________________