يامُناي ودعاي

Part 50

باليوم الثاني في بيت ابو مروان
•••••••••••••••••••••••••••••••••
كانت الساعه 9 الصباح بغرفة ام مروان ، كانت جالسه على جوالها بهدوء وتفكر متى تدق على ام ليان وتحدد معها موعد يجون ويشوفون البنت ، وبعد تفكير مطوّل و اخيرًا دقت عليها وقالت اول ما وصلها صوت ام ليان : اخبارك يـ ام سعود
ام سعود : الحمدلله وانتِ يا ام مروان ؟
ام مروان : الحمدلله ابشرك
وبعد ما اخذوا اخبار بعض وكل شي بدأت ام مروان بموضوعها اللي دقت عشانه : والله يا ام سعود انا دقيت عليك عشان حنا طالبين القُرب منكم
ام سعود انبسطت وقالت : يا هلا والله هذي الساعه المباركه وشرف لنا والله
ام مروان : الله يعطيك الصحه و العافيه نبي بنتك ليان لولدي محمد وابي اعرف متى يناسبكم عشان نجي ونشوف البنت
ام سعود : حياكم الله بأي وقت
ام مروان ببتسامه : اليوم كويس ؟
ام سعود : اهلا وسهلا
ام مروان : زين زين يلا انا بقفل و اشوفك الليل ان شاء الله ياقلبي مع السلامه
ام سعود : الله يحفظكم
وقفلت ام سعود اللي طلعت من غرفتها وهي مبسوطه ومتجهه لغرفة ليان ، ودخلت الغرفه بدون ما تدق الباب ، فزت ليان اول ما شافتها وقالت : شفيك يمه شوي شوي خرشتيني
ضحكت ام سعود وهي تقول : الخير جايك يا ليان جايك
ليان بستغراب : وشو ؟
ام سعود بفرحه تحس الدنيا مو سايعتها منها : الحين كلمتني ام صحبتك فاطمه
هزت ليان راسها وهي تنتظر امها تكمل وقالت : وطلبتك لولدها محمد
انصدمت ليان وتلخبطت مشاعرها ماتدري تفرح ولا تنصدم ولا تخاف
كملت ام سعود وهي تقول : واليوم بيجون يشوفونك ، ومن الحماس ام سعود ضمت ليان بفرححح ، ضمتها ليان بدون اي رد ، بعدت ام سعود وطلعت من الغرفه وهي رايحه تقول لأبوها وسكرت الباب وخلت ليان بصدمتها ، كانت تطالع بزوايا الغرفه بصدمه وتذكرت لما طلعت ام مع فاطمه وهي بدأت تربط المواضيع وتذكرت لما سألتها عن عبدالعزيز وتذكرت لما دخل عليها واحد بغرفة فاطمه وما تدري اذا هو محمد او لا وصارت تربط المواضيع من كل النواحي وضحكت بصدمه ومسك جوالها و صارت تدق على فاطمه اللي ردت وهي تقول : اهلييننن
ليان بصدمه : يا زففتتت
ضحكت فاطمه بصدمه وقالت : هههه شفيكك
ليان بضحك : وانا اقول وش عندها امس تستجوبني و و و اثاري الموضوع كذااا
ضحكت فاطمه وهي فاهمه قصدها وكملت ليان وهي تقول : طيب يا حيوانه كان قلتي لي عشان ما تكون ردة فعلي قدام امي زي كذا
فاطمه وهي تضحك : هههه ليه وش سويتي ؟
ليان : قعدت اطالع فيها كأني مجنونه
ضحكت فاطمه عليها وعلى طريقة كلامها وهي تشرح لها كيف كان وضعها
وسكتوا لثواني وقالت ليان بفضول : اي واحد فيهم ؟
فاطمه انفجرت ضحك وهي تقول : اللي دخل عليك
حطت ليان يدها على فمها من الصدمه و انحرجت وهي ما كانت تدري ان فاطمه تعرف انه دخل عليها وقالت بصدمهه : كنتي تدرينننن؟
فاطمه : ههههه اي هو قال لي
ليان وهي تعدل جلستها : وش قال ؟
فاطمه بمزح : قال موتٍ حممررررر
ليان : يااخخخرراااااا
دمعت فاطمه من الضحك وقالت : امزح والله امزح ، بس قال لي انه شافك ويبيك وبديت استكشف له عن الموضوع الى ما طلبك
تنهدت ليان وقالت فاطمه : متى حددتوا الشوفه؟
ليان : الليله ، مستعجل اخوك
فاطمه بضحك : ما الومه ما يبيك تضيعي من يده ، امس مقلبته وقلت انك مخطوبه بغى ينجلط علي
ضحكت ليان بخجل وقالت وما ردت وقالت فاطمه : افهم انك موافقه ؟
ليان : الله يكتب اللي فيه الخير
فاطمه ببتسامه : امين ، يلا ليونه انا بقفل عندي اختبار بكرا وبقعد اذاكر
تنهدت ليان وقالت : مع السلامه يروحي